इब्रानियों 5:5 - बिलासपुरी नौआं नियम

⁵ तियां इ मसीह अप्पूँजो महायाजक बणाईने अपणी बडयाई नीं कित्ती, पर परमेशरे तिस्सो सै आदर दित्या ताहली जे तिने ये बोल्या, “तू मेरा पुत्र आ; आज्ज हऊँ ये घोषित करा भई तू मेरा पुत्र आ”

इब्रानियों 5:5 ပူးပေါင်းရင်းမြစ်များ

यूहन्ना 3:16

“काँह्भई परमेशरे संसारा रे लोकां ने इतणा प्यार कित्या भई तिने अपणे इकलौते पुत्रा जो तिन्हांरे खातर बलिदान करित्या, ताकि हर इक माहणु सै जे तिस पर विश्वास करो, सै नाश नीं हो, पर अनन्त जीवन पाओ।

यूहन्ना 7:18

सै जे अपणिया तरफा ते बोलां, सै अपणी बडयाई करवाणा चाँह; पर सै जे अपणे भेजणे औल़े री बडयाई चांह सैई सच्चा माहणु आ, कने तिसच कोई खोट निआं।

यूहन्ना 8:54

यीशुये जबाब दित्या, “जे हऊँ अप्पूँ अपणी प्रशंसा करूँ, तां मेरी सै प्रशंसा किछ मनी; पर मेरी प्रशंसा करने औल़ा मेरा पिता, तिस्सो जे तुहें बोल्लां ये भई सै अहांरा परमेशर आ।

प्रेरितां 13:33

भई परमेशरे यीशुये जो मूईरयां चते ज्यूंदा करीने, सै वायदा अहां रियां औल़ादां खातर पूरा कित्या; येढ़ा जे भजन संहिता च परमेशरे मसीह रे बारे च बोल्या, ‘तू मेरा पुत्र आ; मैं तिज्जो राजा हुणे खातर नियुक्त कित्या।’

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

इब्रानियों 1:1

बौहत पैहले परमेशरे अहांरे पूर्वजां ने कई बार लग-लग तरीकयां ने भविष्यवक्तयां रे जरिये गल्लां कित्तियां,

इब्रानियों 1:5

काँह्भई परमेशरे कदीं किसी स्वर्गदूता जो ये नीं बोल्या भई, “तू मेरा पुत्र आ; आज्ज हऊँ ये घोषित करा भई तू मेरा पुत्र आ” कने फेरी परमेशरे किसी स्वर्गदूता जो ये नीं बोल्या “मांह तिसरा पिता हूणा, कने सै मेरा पुत्र हूणा।”

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

इब्रानियों 5:10

कने परमेशरे तिस्सो मेलिकिसिदक याजका साई महायाजक हुणे रे खातर घोषित कित्या।