इब्रानियों 5:1 - बिलासपुरी नौआं नियम

¹ परमेशरे हरेक महायाजका जो इस्राएल रे लोकां रे बिच्चा ते चुणया, कने तिने हरेक महायाजका जो लोकां रिया तरफा ते अपणी सेवा रे खातर नियुक्त कित्या ताकि सै लोकां रे पापां रिया माफिया खातर भेंट कने बलिदान चढ़ाये।

इब्रानियों 5:1 ပူးပေါင်းရင်းမြစ်များ

रोमियो 15:17

इस खातर यीशु मसीह रिया वजह ने हऊँ परमेशरा खातर सै जे सेवा कराँ तिस पर मिन्जो गर्व आ।

1 कुरिन्थियों 15:3

इस वजह ते मैं तुहांजो बौहत खास सन्देश दस्या, सै जे मिन्जो मिलया। सै सन्देश येआ: पवित्रशास्त्रा रे मुतावक यीशु मसीह अहांरे पापां रे खातर मरया,

इब्रानियों 10:11

हरेक याजक खड़ा हुईने हर रोज अपणे धार्मिक कम्मां जो पूरा कराँ। सै बार-बार इक जेईयां बल़ियां चढ़ां सै जे पापां जो कदी दूर नीं करी सकदियां।

इब्रानियों 10:12

पर मसीहे अप्पूँजो पापां रे खातर बलिदान्ना रे रुपा च इक्को इ बार हमेशा खातर चढ़ाया, कने परमेशरा रे सज्जे पासे आदरा रिया जगह जाई बैट्ठया।

इब्रानियों 11:4

विश्वासा तेई आदम रे बेटे हाबिले कैना ते उत्तम बलिदान परमेशरा खातर चढ़ाया, कने विश्वासा रेई जरिये हाबिल जो परमेशरे धर्मी माहणुये रे रुपा च ग्रहण कित्या, काँह्भई परमेशर तिसरियां भेन्टां ते खुश हुया था; कने हलाँकि हाबिल मरी चुक्कीरा फेरी भीं विश्वास केढ़ा हूणा चाहिन्दा सै इस बारे च अहांजो सखां।

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

इब्रानियों 7:27

कने दुज्जे महायाजकां साई यीशुये जो जरूरी निआं भई हर रोज पैहले अपणे पापां रे खातर कने फेरी लोकां रे पापां रे खातर बलिदान चढ़ाये; काँह्भई यीशुये अप्पूँजो बलिदान्ना रे रुपा च सारयां लोकां रे पापां खातर इक इ बार बलिदान चढ़ाया।

इब्रानियों 8:3

काँह्भई हरेक महायाजक पापां रिया माफिया खातर भेंट कने बलिदान चढ़ाणे जो नियुक्त कित्या जां, इस वजह ते जरूरी आ, भई अहांरे महांयाजक (यीशुये) ले बी चढ़ाणे रे खातर किछ हो।

इब्रानियों 8:4

कने जे मसीह धरतिया पर हुन्दा तां कदीं बी याजक नीं हुन्दा, काँह्भई मूसा रिया व्यवस्था रे मुतावक धरतिया पर भेंट चढ़ाणे औल़े याजक हाये।

इब्रानियों 9:9

ये सब अहांजो आज्ज के वगता रे बारे च किछ दस्सां ये; इस सारे रा मतलब येआ भई भेन्टां कने बलिदान तिन्हौं जे याजकें परमेशरा जो चढ़ाया, अराधना करने औल़े रिया अन्तरात्मा जो शुद्ध नीं करी सकदे।