इब्रानियों 4:3 - बिलासपुरी नौआं नियम

³ पर अहें तिन्हेंजे विश्वास कित्या, परमेशरा रे वायदा कित्तिरे तिस विस्रामा च प्रवेश कराँ ये; तियां जे परमेशरे बोल्या था, “मैं गुस्सा हुईने ये कस्म खाद्दि, भई सै तिसा जगह च कदीं प्रवेश नीं करगे तित्थी जे हऊँ तिन्हांजो आराम देआं,” परमेशरे ये इस खातर नीं बोल्या, काँह्भई हुण तक विस्राम री जगह त्यार नीं थी, पर सै जगह संसारा रिया सृष्टिया रे बगता ते त्यार इ।

इब्रानियों 4:3 ပူးပေါင်းရင်းမြစ်များ

मत्ती 13:35

येढ़ा इस खातर था भई सै बचन जे भविष्यवक्ते रे जरिये गलाईरा था, सै पूरा ओ : “मांह उदाहरण देईने बोलणा हऊँ तिन्हां गल्लां जो सै जे संसारा रिया सृष्टिया ते छुपी रियां तिन्हांजो प्रगट करगा।”

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

इफिसियां 1:4

तियां जे तिने संसारा रिया सृष्टिया ते पैहले मसीह च चुणील्या ताकि अहें तिसरे सामणे पवित्र कने निर्दोष बणो।

इब्रानियों 3:11

तां मैं गुस्सा हुईने ये कस्म खाद्दि, भई सै तिसा जगह च कदीं प्रवेश नीं करगे तित्थी जे हऊँ तिन्हांजो आराम देआं।”

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

इब्रानियों 9:26

नैत फेरी मसीह जो संसारा रिया सृष्टिया तेई कई बार दुख सैहणे पौन्दे। पर हुण आखिरी वगता पर अपणे बलिदान्ना रे जरिये पापां रा अन्त करने रे खातर मसीह हमेशा-हमेशा जो इक इ बार प्रगट हुईगरा।

1 पतरस 1:20

परमेशरे मसीह जो इस संसारा रिया सृष्टिया ते पैहले इ चुणीलरा था, पर तुहां लोकां रिया भलाईया रे खातर तिस्सो इन्हां आखरी दिनां च प्रगट कित्या।