इब्रानियों 4:2 - बिलासपुरी नौआं नियम

² काँह्भई अहें बी यीशु मसीह री खुशखबरी सुणी चुक्कीरे तियां जे इस्राएली लोकें बी विस्राम रिया जगह च प्रवेश करने री खुशखबरी सुणी थी। पर तिन्हें तिस पर विश्वास नीं कित्या इस खातर सै सन्देश तिन्हांरे खातर बेकार था।

इब्रानियों 4:2 ပူးပေါင်းရင်းမြစ်များ

प्रेरितां 13:46

तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा।

प्रेरितां 3:26

परमेशरे अपणे सेवका जो मूईरयां चते जिऊंदा करीने सब्बींते पैहले तुहांले भेज्या, भई तुहां चते हर इक्की माहणु अपणियां बुराईयां जो छड्डिने परमेशरा रिया तरफा जो फिरो ताकि आशीष पाओ।”

रोमियो 2:25

जे तू व्यवस्था रा पालन कराँ, तां खतने रा फायदा त हाया, पर जे तू व्यवस्था जो तोड़ां, तां तेरा खतना बिणा खतना हुईरे माहणुये साई आ।

रोमियो 3:3

जे तिन्हां चते किछ धोखेबाज बी हुईगे तां क्या हुया? क्या तिन्हांरे धोखेबाज हुणे ते परमेशरा री सच्चाई बेकार हुई जाणी?

1 कुरिन्थियों 13:3

जे हऊँ अपणी सारी दौलत गरीबां जो ख्वाई दूँ या अपणा शरीर फुकणे जो दई दूँ, कने प्यार नीं रखूं, तां मिन्जो किछ फायदा निआं।

गलातियां 3:2

हऊँ तुहांते सिर्फ ये स्वाल पुछणा चाँह भई तुहें पवित्र आत्मा रा बरदान क्या व्यवस्था रा पालन करने ते पाया था या खुशखबरिया रे सुणने कने तिस पर विश्वास करने ते पाया था?

गलातियां 3:8

परमेशरे पवित्रशास्त्रा च पैहले तेई दस्सी तरा था, भई परमेशरा अन्यजातियां जो बी तिन्हांरे विश्वासा रे जरिये धर्मी बनाणा, इस खातर ये गल्लां हुणे ते पैहले परमेशरे पैहले तेई अब्राहमा जो ये खुशखबरी सुणाईती थी “सारी जातियां तेरे जरिये आशीष पाणी।”

गलातियां 4:13

तुहौं त याद हूणा भई हऊँ अपणे शरीरा री कमजोरिया रिया वजह ने पैहली बार तुहांले आया कने खुशखबरी सुणाई।

1 थिस्सलुनीकियां 1:5

काँह्भई ताहली जे अहें यीशु मसीह री खुशखबरी तुहांजो दस्सी तां तुहांले सिर्फ शब्दां ची नीं पुज्जी, बल्कि पवित्र आत्मे बी सामर्था ने काम्म कित्या; कने तुहें बौहत गैहराईया ने विश्वास कित्या। ये तुहें जाणाँ ये भई ताहली जे अहें तुहां सौगी थे, तां तुहांरी मदद करने खातर अहें किस तरिके रा व्यवहार कित्या।

1 थिस्सलुनीकियां 2:13

कने इस खातर अहें परमेशरा रा धन्यवाद हमेशा करदे रैं, काँह्भई ताहली जे तुहें अहांते वचन सुणया, तां तिस्सो माहणुआं रिया खुशखबरिया रे रुपा च नीं, बल्कि परमेशरा रिया खुशखबरिया रे रुपा च ग्रहण कित्या; कने तियां जे सै सच्च आ, कने तुहां विश्वासियां पर तिसरा असर बी आ।

1 तिमुथियुस 4:8

काँह्भई शरीरा रिया वर्जिशा रा किछ इ फायदा मिलां, पर आत्मिक वर्जिश सारियां गल्लां खातर फायदेमन्द इ, काँह्भई ये इक्की माहणुये रे जिऊंदा रैहन्दे हुये बी कने मरने ते बाद बी तिसरी मदद कराँ इ।

इब्रानियों 11:6

कने सिर्फ विश्वासा रे जरिये परमेशरा जो खुश कित्या जाई सक्कां; काँह्भई परमेशरा रे नेड़े औणे औल़े जो विश्वास करना चाहिन्दा भई सै हया, कने सै जे तिस्सो जाणने री कोशिश कराँ ये तिन्हांजो सै ईनाम देआं।

इब्रानियों 3:12

साथी विश्वासियो, चौकन्ने रौआ भई तुहां च येढ़ा बुरा कने अविश्वासी मन नीं हो, सै जे तुहांजो जिऊंदा परमेशरा ते दूर करी दो।

इब्रानियों 4:6

सै इस्राएल रे लोक तिन्हेंजे पैहले खुशखबरिया जो सुणीरा था, पर विस्राम रिया जगह च प्रवेश करने च असफल रै, काँह्भई तिन्हें परमेशरा रा हुक्म नीं मन्नया। पर हुण बी किछ लोकां जो विस्राम रिया जगह च प्रवेश करने रे खातर मौका।

याकूब 1:21

इस खातर तुहांरे जीवना च सै जे गन्दगी कने बुराई, तिन्हांजो दूर करीने तुहांरे मनां च सै जे परमेशरा रा वचन बाहीरा तिसजो नम्र हुईने ग्रहण करदे जावा; सै जे तुहांरे प्राणा जो बचाई सक्कां।

1 पतरस 1:12

पर परमेशरे इन्हां भविष्यवक्तयां जो परगट कित्या भई तिन्हांरा सन्देश तिन्हांरे फायदे रे खातर नीं था बल्कि तुहांरे खातर था। सै सन्देश यीशु मसीह री खुशखबरी आ तिसजो जे हुण तुहें सुणीरा। परमेशरे अपणे पवित्र आत्मा जो स्वर्गा ते इस खातर भेज्या ताकि सै खुशखबरिया रा प्रचार करने च लोकां री मदद करी सक्को। इन्हां गल्लां जो स्वर्गदूत बी बेसब्रिया ने देखणे री इच्छा रक्खां ये।