इब्रानियों 4:14 - बिलासपुरी नौआं नियम

¹⁴ इस खातर औआ अहें अपणे विश्वासा जो मजबूतिया ने थम्मी रखिये। काँह्भई सै अहांरे खातर इक महायाजक आ, सै जे स्वर्गा च गईरा कने सै परमेशरा रा पुत्र यीशु मसीह आ।

इब्रानियों 4:14 ပူးပေါင်းရင်းမြစ်များ

मत्ती 4:3

तां परखणे औल़े शैताने नेड़े आईने तिसजो गलाया, “जे तू परमेशरा रा पुत्र आ, तां इन्हां पत्थराँ जो हुक्म देईने साबित कर, भई ये रोटियां बणी जो, ताकि तू खाई सक्को।”

मरकुस 1:1

ये यीशु मसीह रे बारे च खुशखबरिया री शुरुआत इ, सै जे परमेशरा रा पुत्र आ।

मरकुस 16:19

तिन्हांने गल्लां करने ते बाद परमेशर प्रभु यीशुये जो स्वर्ग लेईग्या, कने अपणे संघासणा रे सज्जे पासे बठाया।

लूका 24:51

तिन्हाजो आशीष देन्दे हुये, सै तिन्हाते लग हुईग्या, कने परमेशर तिस्सो स्वर्गा जो लेईग्या।

प्रेरितां 1:11

कने तिन्हांजो गलाया, “गलील प्रदेशा रे लोको, तुहें काँह हल्तियें तक खड़ीने स्वर्गा खौ देख्या रायें? सैई यीशु, तिस्सो जे परमेशर तुहां लाते स्वर्गा जो चक्कीने लेई गरा, जिस तरिके ने तुहें तिस्सो स्वर्गा जो जान्दे देख्या तियां इ तिस फेरी वापस औणा।”

प्रेरितां 3:21

जरूरी आ भई यीशु स्वर्गा च तिस बगता तक रौ तदुआं तका जे सब्बीं गल्लां रा सुधार नीं करी लो, तिसरे बारे च जे पुराणे वगता ते परमेशरे अपणे पवित्र भविष्यवक्तयां रे मुँआं ते दस्सीरा।

रोमियो 8:34

कोई बी अहांरी निन्दा नीं करी सकदा, काँह्भई ये यीशु मसीह आ सै जे अहांरे खातर मरया कने मूईरयां चते जिऊंदा हुया, हुण परमेशरा रे सज्जे पासे आ कने सै जे अहांरे खातर विनती बी कराँ।

2 कुरिन्थियों 12:2

हऊँ येढ़े इक माहणुये जो जाणाँ सै जे मसीह रा विश्वासी आ, तिस्सो जे चौदा साल पैहले तिज्जे स्वर्गा तक चक्कील्या गया। मिन्जो ये पता नींआ भई सै माहणु शरीरा सौगी या आत्मा च, पर इसा गल्ला जो सिर्फ परमेशर इ जाणाँ।

2 कुरिन्थियों 9:13

तुहांरिया इस सेवा जो सबूत मनदे हुये तिन्हां परमेशरा री महिमा करनी, काँह्भई तुहें मसीह रिया खुशखबरिया जो मन्नीने तिसरे अधीन रैं, कने गरीब विश्वासियां री कने सब्बीं री मदद करने च उदारता दसदे रैं।

इफिसियां 4:10

सै जे हेठ उतरी रा था, ये सैई हाया, सै जे ऊपर बी चढ़ीरा था इतणे ऊपर भई स्वर्गा च सब्बींते ऊच्चिया पदबिया पर, ताकि सै सारिया सृष्टिया जो अपणिया मौजूदगिया ने भरी दो।

इब्रानियों 1:8

पर परमेशर पुत्रा रे बारे च बोलां, “परमेशर, तेरा संघासण युगां-युगां तकौ रैहणा: कने तुहां न्याय ने राज करना।

इब्रानियों 10:12

पर मसीहे अप्पूँजो पापां रे खातर बलिदान्ना रे रुपा च इक्को इ बार हमेशा खातर चढ़ाया, कने परमेशरा रे सज्जे पासे आदरा रिया जगह जाई बैट्ठया।

इब्रानियों 10:23

औआ, अहें लगातार अपणिया आशा जो मजबूतिया ने थम्मी रखिये सै जे अहें अंगीकार कित्तिरा, काँह्भई अहें जाणाँ ये भई सै काम्म जे परमेशरे करने रे खातर वायदा कित्तिरा तिस्सो सै करगा।

इब्रानियों 10:29

तां सोच्चा भई इक्की माहणुये जो कितणी भयानक सजा मिलणी, सै जे परमेशरा रे पुत्रा ने नफरत कराँ, कने परमेशरा रिया वाचा रा लहू तिसरे जरिये जे सै पवित्र बणाया गया तिस्सो अपवित्र मन्नां, कने सै तिस आत्मा री बेज्जति कराँ तिसते जे तिने अनुग्रह पाईरा।

इब्रानियों 12:2

सै जे अहांजो विश्वासा रिया तरफा लेई जां कने अहांरे विश्वासा जो सिद्ध करने औल़े यीशुये रिया तरफा देखदे रैं। तिने जे तिसा खुशिया खातर सै जे औणे औल़े दिनां च मिलणे औल़ी थी, बेज्जतिया री परवाह नीं करीने क्रूसा री मौत सही ली, कने परमेशरा रे संघासणा रे सज्जे पासे आदरा रिया जगह जाई बैट्ठया।

इब्रानियों 2:1

इस वजह ते अहांजो तिन्हां गल्लां पर सै जे अहें सुणी रियां, होर बी मन लगाणे री जरूरत इ, ताकि अहें बैहकी ने तिन्हांते दूर चली नीं जाओ।

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

इब्रानियों 6:20

तित्थी जे यीशुये मेलिकिसिदक याजका साई सदा काल रा महायाजक बणीने अहां खातर अगुवे साई प्रवेश कित्तिरा।

इब्रानियों 6:6

कने जे हुण तिन्हें अपणा विश्वास छड्डीतरा! इस खातर तिन्हौं मन फिराव री तरफ ल्यौणा मुश्किल आ, काँह्भई सै खुद परमेशरा रे पुत्रा जो भीं ते क्रूसा पर चढ़ाई राँये कने लोकां रे सामणे तिसरी बेज्जति करी राँये।

इब्रानियों 7:3

मेलिकिसिदक रा नां पिता, नां तिसरी माता, नां तिसरे पूर्वजां री कोई वंशावली, नां तिसरे जन्मा री कने नां मौती रे बारे च कोई जानकारी। सै परमेशरा रे पुत्रा साई सदा खातर याजक बणीरा रैया।

इब्रानियों 8:1

हुण सै जे गल्लां अहें गलाया रायें तिन्हां चते सब्बीं ते बड्डी गल्ल येई, भई अहांले येढ़ा महायाजक आ, सै जे स्वर्गा च परमेशरा रे महामहिमन संघासणा रे सज्जे पासे बैठिरा,

इब्रानियों 9:12

बकरयां कने बछड़यां रे खून्ना जो लेईने मसीहे प्रवेश नीं कित्या था वल्कि हमेशा-हमेशा रे खातर भेन्टा रे रुपा च अपणे इ लहूये जो लेईने परमपवित्र स्थाना च प्रवेश हुया था। ये करने रे जरिये तिने अहांजो अहांरे पापां ते सदा खातर छडवाया।

इब्रानियों 9:24

मसीहे माहणुआं रे बणाईरे तिस परमपवित्र स्थाना च प्रवेश नीं कित्या, सै जे सच्चे परमपवित्र स्थाना री सिर्फ इक नकल थी। पर तिने त खुद स्वर्गा ची प्रवेश कित्तिरा ताकि हुण सै अहांरे खातर अप्पूँजो परमेशरा रे सामणे मौजूद करो।

1 पतरस 3:22

कने सै स्वर्गा च जाईने परमेशरा रे सज्जे पासे आदरा रिया जगह बैठिग्या; कने सारे स्वर्गदूत, अधिकारी कने शक्तियां तिसरे अधीन करीते।