इब्रानियों 3:3 - बिलासपुरी नौआं नियम

³ पर यीशु मसीह मूसा ते बधीने महिमा रे लायक आ, तियां जे घर बनाणे औल़े घरा ते बधीने आदरा रे लायक हुआं ये।

इब्रानियों 3:3 ပူးပေါင်းရင်းမြစ်များ

मत्ती 16:18

हऊँ बोलां भई तू पतरस आ, कने तू माह च विश्वास करने औल़यां निऊँ हूणा, तियां जे भई इक बड्डी चट्टान किसी घरा री निऊँ हुआं इ; कने तिस पर मौती रा कोई जोर नीं चलना।

1 कुरिन्थियों 3:9

काँह्भई अहें दोन्नो इकट्ठे परमेशरा रे खातर काम्म कराँ ये; तुहें इक्की खेता साई ये सै जे परमेशरा रा कने तुहें इक्की मकान्ना साई ये तिसजो जे परमेशर बणाईराँ।

2 कुरिन्थियों 3:7

ताहली जे मूसा री व्यवस्था अखराँ च पत्थरा पर खोदीने दित्ति गई थी, तां परमेशरा री महिमा दिखाई गई, भई इस्राएल रे लोक मूसा रे तिस तेजस्वी मुँआं जो देक्खी नीं सक्के, कने तिसरा सै तेज बाद बिच घटदा गया। जे व्यवस्था सै जे मौत ल्यौआं इ इतणी महिमा सौगी आई,

कुलुस्सियां 1:18

मसीह आ सै जे कलीसिया पर राज कराँ कने तिन्हांरा मार्गदर्शन कराँ, तियां जे माहणुये रा सिर तिसरे शरीरा पर राज कराँ, सैई शुरु आ कने मूईरयां चते भीं ते जिऊंदा हुणे औल़यां च पैहला ताकि सारियां गल्लां च सैई प्रधान बणो।

इब्रानियों 2:9

पर अहें यीशुये जो देक्खां ये, सै जे स्वर्गदूतां ते किछ इ वगता रे खातर घट कित्या गया था, ताकि परमेशरा रे अनुग्रह रे जरिये सै सब्बीं रे खातर मरी सक्को। कने काँह्भई तिने दुख सैया कने मरया, तां हुण अहें जाणाँ ये भई सै महिमामय आ कने आदर कित्या गईरा।

इब्रानियों 3:4

काँह्भई हर इक घरा रा कोई न कोई बनाणे औल़ा हुआं, पर तिने जे सब किछ बणाया सै परमेशर आ।

इब्रानियों 3:6

पर मसीह पुत्रा साई परमेशरा रे लोकां खातर बफादार आ; कने सै अहें लोक ये। जे अहें लगातार हिम्मत रखिये कने आशा रे बारे च घमण्ड करो।