इब्रानियों 3:12 - बिलासपुरी नौआं नियम

¹² साथी विश्वासियो, चौकन्ने रौआ भई तुहां च येढ़ा बुरा कने अविश्वासी मन नीं हो, सै जे तुहांजो जिऊंदा परमेशरा ते दूर करी दो।

इब्रानियों 3:12 ပူးပေါင်းရင်းမြစ်များ

मत्ती 16:16

शमौन पतरसे जबाब दित्या, “तू मसीह आ, साक्षात परमेशरा रा पुत्र।”

मत्ती 24:4

यीशुये तिन्हांजो जबाब दित्या, “हऊँ सिर्फ तुहांजो येई बोलणा चाँह भई हुणे औल़ियां घटनां रे बारे च तुहांजो कोई धोखे च नीं रक्खो,

मरकुस 13:23

पर तुहें खबरदार हुईने रौआ, देक्खा, मैं तुहांजो सब गल्लां पैहले तेई दस्सी तियां।

मरकुस 13:33

इस खातर त्यार रौआ! हमेशा सम्भल़ी ने रौआ! काँह्भई तुहें नीं जाणदे भई सै वगत काहलूं औणा।

मरकुस 13:9

“पर तुहें अपणे बारे च त्यार हुई जावा; काँह्भई लोकां तुहांजो महासभा रे हवाले करना कने तुहांजो यहूदी सभा घराँ च मारया-कुट्टया जाणा, कने मेरिया वजह ते तुहें राजपालां कने राजयां रे सामणे खड़े कित्ते जाणे, ताकि तुहें मेरे खातर गवाही देओ।

लूका 21:8

तिने गलाया, “चौकन्ने रौआ, भई झूट्ठा पर विश्वास नीं करो, काँह्भई मतयां लोकां मेरा हुणे रा दावा करना कने बोलणा भई हऊँ मसीह आ कने सौगी जो येढ़ा बी बोल़णा, संसारा रा अन्त नजदीक आ। पर तुहें तिन्हांरे पिच्छे देक्खां चली जान्दे।

रोमियो 11:21

काँह्भई तां जे परमेशरे असली डाल़ियां पर दया नीं कित्ती, तां तिस तूह पर बी दया नीं करनी।

1 कुरिन्थियों 10:12

इस खातर सै जे समझां भई, “हऊँ विश्वासा च मजबूत आ,” सै चौकन्ने रौ भई किति पापा च नीं पई जाओ।

कुलुस्सियां 2:8

ध्यान रखा, भई कोई तुहांजो अपणे तिस संसारिक ज्ञाना च कने बेमतलब गल्लां च नीं फसाओ सै जे माहणुआं रियां बणाईरी रीतियाँ ते कने संसारा रिया आदी शिक्षा रे मुतावक त हाया, पर मसीह रे मुतावक निआं।

1 थिस्सलुनीकियां 1:9

काँह्भई सै खुद अहांरे बारे च दस्सां ये भई तुहें अहांरा केढ़ा स्वागत कित्या था कने तुहें कियां मूर्तियां ते दूर हुईने परमेशरा खौ फिरे ताकि तुहें जीवित कने सच्चे परमेशरा री सेवा करो।

इब्रानियों 10:31

किसी रा जिऊंदे परमेशरा रिया सामर्था रे अधीन हूणा इक खतरनाक गल्ल इ।

इब्रानियों 10:38

पर मेरे धर्मी लोकां विश्वासा ते जिऊंदा रैहणां। कने जे कोई पिच्छे हटि जाओ तां मांह तिन्हांते खुश नीं हूणा।”

इब्रानियों 12:15

कने ध्यान रखा, येढ़ा नीं ओ भई कोई परमेशरा रे अनुग्रह ते छुटी जाओ, या अविश्वासा री कड़वी जड़ तुहांरे बिच फुटी जो कने अपणे जहरा रे जरिये बौहत सारे लोकां जो दुख देओ कने अशुद्ध बणाये।

इब्रानियों 12:22

पर तुहें सिय्योन रे पहाड़ा पर आईगे सै जे जिऊंदा परमेशरा रा स्वर्गीय यरूशलेम नगर आ कने तित्थी अनगिणत स्वर्गदूत खुशिया रा त्योहार मनायें।

इब्रानियों 12:25

सावधान रौआ, भई तुहें परमेशरा ते मुँह नीं फेरा सै जे तुहांजो गल्लां कराँ, काँह्भई जे इस्राएल रे लोक सजा ते नीं बचे ताहली जे तिन्हें इसा धरतिया च रैहन्दे हुये मूसा रियां गल्लां ते मुँह फेरील्या था, तां सच्चीजो अहें बी नीं बची सकदे, जे अहें तिस परमेशरा ते मुँह फेरगे सै जे स्वर्गा ते अहांने गल्लां कराँ।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

इब्रानियों 3:10

इस वजह ते हऊँ तिन्हां लोकां ते गुस्से था, कने गलाया, इन्हांरे मन सदा भटकदे रैं, कने इन्हें मेरे हुक्मा रा पालन करने ते इन्कार कित्या।

इब्रानियों 3:19

इस खातर अहें समझीगे भई सै अविश्वावासा रिया वजह ते नीं प्रवेश करी सक्के।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।