इब्रानियों 3:1 - बिलासपुरी नौआं नियम

¹ मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

इब्रानियों 3:1 ပူးပေါင်းရင်းမြစ်များ

यूहन्ना 17:3

कने अनन्त जीवन येआ, भई लोक तिस इकलौते सच्चे परमेशरा जो पैहचाणो, कने सै मिन्जो यनि यीशु मसीह जो बी पैहचाणो, तिस्सो जे तिने भेज्जीरा।

यूहन्ना 20:21

यीशुये तिन्हांजो फेरी भीं गलाया तुहांजो शान्ति मिलो, तियां जे पिता परमेशरे मिन्जो संसारा च भेज्या तियां इ हऊँ बी तुहांजो संसारा च भेज्या रां।

यूहन्ना 20:27

फेरी तिने थोमा जो गलाया, आओ कने अपणी गुट्ठी मेरे हात्था च पाईने देख, कने अपणा हात्थ मेरे बखिया च पाईने देख। शक करना छड्डिने मांह पर विश्वास कर भई हऊँ जिऊंदा हुईगरा।

प्रेरितां 1:15

तिन्हांई दिनां च पतरस भाईयां रे बिच सै जे तकरीवन इक सौ बीह माहणु थे, खड़ा हुईने बोलणे लगया,

रोमियो 11:17

इस्राएली लोक जैतून डाल़ां रियां डाल़ियां साई ये कने पूर्वज अब्राहम, इसहाक कने याकूब डाल़ां रियां जड़ां साई ये। जे किछ डाल़ियां तोड़ी दित्तियां जाओ, कने तुहें अन्यजातियां रे लोक जंगली डाल़ां रियां डाल़ियां साई ये कने तिन्हां डाल़ां पर कलम कित्ते गईरे तां तुहें तिन्हां जैतून रे खरयां डाल़ां री जड़ां री खुराका रा हिस्सा हुईगे,

रोमियो 15:27

हाँ, तिन्हें ये खुशिया ने कित्या, कने सै यरूशलेम च रैहणे औल़यां रे कर्जदार ये। काँह्भई जे अन्यजातियां रे लोक यहूदियां री आत्मिक आशीषां च हिस्सेदार हुये, तां तिन्हाजो बी जरूरी आ भई तिन्हारे खातर बी संसारिक सुख जुटाणे चाहिन्दे।

रोमियो 15:8

इस खातर हऊँ तुहां लोकां जो दस्सां भई सै वायदा जे परमेशरे अहांरे पूर्वजां सौगी कित्तिरा था, तिसजो पूरा करने रे खातर मसीह खतना कित्तिरे लोकां रा सेवक बणया; तिसते जे सै ये दस्सी सक्को भई परमेशर विश्वासयोग्य।

रोमियो 9:24

यनिके अहें सै चुणीरे लोक ये चाये अहें यहूदी ओ या अन्यजातियां रे ओ।

1 कुरिन्थियों 1:2

हऊँ ये चिट्ठी परमेशरा रिया तिसा कलीसिया रे लोकां जो लिख्या राँ सै जे कुरिन्थुस नगरा ची, तिस्सो जे परमेशरे मसीह यीशुये च पवित्र कित्तिरा कने पवित्र हुणे खातर सद्दीरा; कने तिन्हां सारयां विश्वासियां जो बी सै जे हर जगह अहांरे कने तिन्हारे प्रभु यीशु मसीह रे नौआं री प्राथना कराँ ये।

1 कुरिन्थियों 10:17

काँह्भई इक रोटी ये दस्सां इ भई अहें सै जे बौहत ये मसीह च इक शरीर ये, काँह्भई अहें सारे तिसा रोटिया च भागी हुआं ये।

1 कुरिन्थियों 9:23

हऊँ ये सब किछ खुशखबरिया खातर कराँ ताकि हऊँ दुज्यां लोकां ने तिसरियां आशीषां रा सहभागी हुई जाऊँ।

2 कुरिन्थियों 1:7

तुहांरे बारे च अहांजो पूरी आशा इ काँह्भई अहें जाणाँ ये भई तुहें अहां साई दुख सैये, तियां इ तुहां बी अहां साई तसल्ली पाणी सै जे परमेशर अहांजो देआं।

2 कुरिन्थियों 9:13

तुहांरिया इस सेवा जो सबूत मनदे हुये तिन्हां परमेशरा री महिमा करनी, काँह्भई तुहें मसीह रिया खुशखबरिया जो मन्नीने तिसरे अधीन रैं, कने गरीब विश्वासियां री कने सब्बीं री मदद करने च उदारता दसदे रैं।

इफिसियां 3:6

कने भेत येआ भई मसीह यीशुये च खुशखबरिया रे जरिये यहूदियां साई अन्यजाति लोकां बी आशीष पाणी, कने अन्यजाति कने यहूदी इक शरीरा साई हुणे कने परमेशरा रे कित्तिरे वायदे रे साझी हुणे।

इफिसियां 4:1

इस खातर हऊँ सै जे प्रभुये री सेवा रे खातर कैदी आ, तुहां लोकां ने विनती कराँ भई तुहौं परमेशरे तियां जे जीणे खातर सद्दीरा तिस तरिके ने जीआ।

इफिसियां 4:4

जिस्म इक आ कने पवित्र आत्मा बी इक आ, इयां इ ताहली जे तुहांजो बी सद्दया गया तां इक इ आस्सा च हिस्सेदार हुणे रे खातर सद्दया गया।

फिलिप्पियां 3:14

तां हऊँ ईनाम जितने रे खातर सिधा मकसदा रिया तरफा दौड़ां, सै जे अनन्त जीवना रे खातर यीशु मसीह रे जरिये मिन्जो परमेशरा रा बुलावा।

कुलुस्सियां 1:12

तुहें अहांरे पिता परमेशर रा धन्यवाद करदे रौआ, तिने जे तुहांजो स्वर्गा च अपणयां पवित्र लोकां खातर त्यार कित्ती रिया बिरासता जो सांझा करने रे लायक बणाया।

कुलुस्सियां 1:22

पर तां जे मसीह अपणे संसारिक शरीरा च था, तां मसीह रिया मौती रे जरिये हुण परमेशरे तुहांरा बी मेल करी लरा, ताकि तुहांजो अपणे सामणे पवित्र, निष्कलंक, कने निर्दोष बणाईने हाजर करो।

कुलुस्सियां 3:12

काँह्भई तुहें परमेशरा रे चुणीरे पवित्र कने प्यारे लोक ये इस खातर सहानुभूति रखणे औल़े, दया करने औल़े, नरम दिल, तसल्ली रखणे औल़े कने नम्र बणा।

1 थिस्सलुनीकियां 2:12

भई तुहांरा चाल-चल़ण परमेशरा रे लायक हो, सै जे तुहांजो अपणे राज्जा कने महिमा च सद्दां।

1 थिस्सलुनीकियां 5:27

हऊँ तुहांजो प्रभु यीशुये रे नौआं ते हुक्म देआं भई ये पत्री सारयां साथी विश्वासियां जो पढ़ीने सुणाई जाओ।

2 थिस्सलुनीकियां 1:11

इस खातर अहें सदा तुहां खातर प्राथना कराँ ये भई अहांरा परमेशरा तुहांजो अपणिया बुलाहटा रे लायक बणाई दो, कने सै तुहांरे भले काम्म करने री हरेक इच्छा कने तुहांरे विश्वासा रे जरिये कित्तिरे हरेक कम्मां जो अपणिया सामर्था सौगी पूरा करो,

2 थिस्सलुनीकियां 2:14

तिस खातर जे परमेशरे अहां रिया खुशखबरिया रे खातर तुहांजो सद्दया, ताकि तुहें अहांरे प्रभु यीशु मसीह रिया महिमा च शामिल हुई सक्को।

1 तिमुथियुस 6:12

तियां जे इक अच्छा सिपाही लड़ाईया च लड़ाई करना कदीं नीं छडदा तियां इ तिज्जो बी परमेशरा पर विश्वास करना कने तिसरे पिछे चलना कदीं नीं छडणा चाहिन्दा, ताकि तू अपणे ईनामा रे रुपा च अनन्त जीवन पाई सक्को, तिसरे खातर जे तिज्जो सद्दया गईरा, ताहली जे बौहत लोकां रे सामणे तैं साफ तौर पर बोल्या था भई तू मसीह पर विश्वास कराँ।

1 तिमुथियुस 6:2

कने तिन्हांरे मालक जे विश्वासी ये, तिन्हांजो सै विश्वासी हुणे रिया वजह ते नीच नीं जाणो, वल्कि सै तिन्हांरी होर बी अच्छे तरिके ने सेवा करो, काँह्भई इसते फायदा लेणे औल़े विश्वासी ये कने परमेशर तिन्हांने प्रेम कराँ। इन्हां गल्लां रा उपदेश करया कर कने पालन करने रे खातर लोकां जो हौंसला दे।

2 तिमुथियुस 1:9

तिने इ अहांरा छुटकारा कित्तिरा कने पवित्र जीवना खातर अहांजो सद्दीरा, ये अहांरे भले कम्मां रिया वजह ने नीं, पर तिसरी अपणी योजना कने अनुग्रह रिया वजह नेआ। ये अनुग्रह परमेशरे यीशु मसीह च अहांजो सृष्टिया ते पैहले दित्या,

2 तिमुथियुस 2:7

सै जे हऊँ बोलां तिस पर सोच कने प्रभु तिज्जो इन्हां सारियां गल्लां जो समझणे रे खातर मदद करगा।

इब्रानियों 10:19

इस खातर हे मेरे साथी विश्वासियों, पूरे भरोसे ने अहें यीशुये रे लहूये रे जरिये स्वर्गा री परमपवित्र जगह च प्रवेश करी सक्कां ये।

इब्रानियों 10:21

कने काँह्भई हुण अहांले इक येढ़ा महान याजक आ, सै जे स्वर्गा च परमेशरा रे घराने रा अधिकारी आ।

इब्रानियों 10:23

औआ, अहें लगातार अपणिया आशा जो मजबूतिया ने थम्मी रखिये सै जे अहें अंगीकार कित्तिरा, काँह्भई अहें जाणाँ ये भई सै काम्म जे परमेशरे करने रे खातर वायदा कित्तिरा तिस्सो सै करगा।

इब्रानियों 13:22

मेरे साथी विश्वासियो, हऊँ तुहांजो विनती कराँ भई इस उपदेशा रियां गल्लां जो मैं तुहांजो हौंसला देणे रे खातर लिखिरा धैर्य ने सुणी लौआ, काँह्भई ये चिट्ठी सै जे मैं लिखिरी ये बौहत लम्बी नीं।

इब्रानियों 2:11

काँह्भई पवित्र करने औल़ा कने सै जे पवित्र कित्ते जायें, तिन्हां सारयां रा पिता इक इ हाया; इस वजह ते यीशु तिन्हांजो भाई-भैण बोलणे ते नीं शर्मान्दा।

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

इब्रानियों 3:12

साथी विश्वासियो, चौकन्ने रौआ भई तुहां च येढ़ा बुरा कने अविश्वासी मन नीं हो, सै जे तुहांजो जिऊंदा परमेशरा ते दूर करी दो।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

इब्रानियों 6:20

तित्थी जे यीशुये मेलिकिसिदक याजका साई सदा काल रा महायाजक बणीने अहां खातर अगुवे साई प्रवेश कित्तिरा।

इब्रानियों 7:26

इस खातर येढ़ा महायाजक अहां रियां जरूरतां जो पूरा कराँ, सै जे पवित्र, निष्कपट, कने निर्मल आ, कने पापियां ते लग आ, कने तिस्सो जे परमेशर स्वर्गा च लेईग्या।

इब्रानियों 7:28

काँह्भई मूसा री व्यवस्था तिस माहणुये जो महायाजक हुणे खातर नियुक्त कराँ इ सै जे सिद्ध नींआ, पर व्यवस्था ते बाद परमेशरे कसम खाईने अपणे पुत्रा जो नियुक्त कित्या कने तिसरा पुत्र युगां-युगां तक सिद्ध महांयाजक बणीरा।

इब्रानियों 9:11

पर ताहली जे मसीह अहांरा महायाजका बणीने आया, तां सै खरियां चीजां जो लेईने आया सै जे हुण मौजूद ईं। कने मसीह स्वर्गा च परमेशरा रिया हजूरिया च गया कने सै जगह इक बड़े कने सिद्ध तम्बुये साई सै जे माहणुआं रे हत्थां रा बणाईरा नींआ यनि सृष्टिया रा नींआ।

इब्रानियों 9:15

इस वजह ते मसीह नई वाचा रा बिचौल़िया, ताकि तिन्हांजो जे परमेशरा रे जरिये सद्दया गईरे, सै अनन्त आशीष पाई सक्को तिस राजे परमेशरे वायदा कित्तिरा था। काँह्भई पैहले वाचा रे अधीन कित्ते गईरे पापां ते तिन्हांजो अजाद कराणे रे खातर मसीह फिरौतिया रे रुपा च सै अपणे प्राण देई चुक्कीरा।

1 पतरस 2:9

पर तुहें चुणीरे लोक ये कने याजक ये सै जे राजे साई परमेशरा री सेवा कराँ ये, पवित्र प्रजा कने परमेशरा रे लोक ये। तिने तुहांजो अन्धकारा चते अपणी अदभुत ज्योतिया च सद्दीरा ताकि तुहें तिसरे अदभुत कम्मां रा प्रचार करी सक्को।

1 पतरस 3:5

काँह्भई बौहत पैहले पवित्र औरतां बी तिन्हें जे परमेशरा पर अपणी आस्सां रखियां थिआं, अप्पूँजो इस तरिके ने स्वाराँ थिआं कने सै अपणे-अपणे पतिये रे अधीन रैयां थिआं।

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

1 पतरस 5:10

तुहांजो थोड़िया देरा रे कष्ट सैहणे ते बाद सारे अनुग्रह देणे औल़ा परमेशर तिने जे तुहांजो मसीह च अपणी युगानुयुगा री महिमा रे खातर सद्दीरा, खुद इ तुहांजो सिद्ध, मजबूत, बलवन्त कने स्थिर करी देंगा।

1 यूहन्ना 1:3

जो किछ अहें देख्या कने यीशु मसीह रे बारे च सुणया तिसरी गवाही तुहौं बी देआंये, इस खातर भई अहां सौगी तुहांरी संगती ओ; अहांरी ये संगती पिता ने कने तिसरे पुत्र यीशु मसीह ने सौगी।

यहूदा 1:1

हऊँ यहूदा, यीशु मसीह रा सेवक कने याकूब रा भाई तुहांजो ये चिट्ठी लिख्या राँ, यनि जितने लोक परमेशरा रे जरिये सद्दे गईरे कने तिन्हौं जे अहांरा पिता परमेशर प्रेम कराँ कने यीशु मसीह रे जरिये सुरक्षित ये।

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”

प्रकाशितवाक्य 18:20

हे स्वर्ग, कने हे परमेशरा रे लोको, कने प्रेरितो, कने भविष्यवक्तयो, तिस पर आनन्द करा, काँह्भई परमेशरे न्याय करीने तिसाते बदला लेईरा!”