इब्रानियों 2:17 - बिलासपुरी नौआं नियम

¹⁷ इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

इब्रानियों 2:17 ပူးပေါင်းရင်းမြစ်များ

रोमियो 15:17

इस खातर यीशु मसीह रिया वजह ने हऊँ परमेशरा खातर सै जे सेवा कराँ तिस पर मिन्जो गर्व आ।

रोमियो 5:10

काँह्भई ताहली जे अहें परमेशरा रे दुश्मण थे तिने अपणे पुत्रा रिया मौती रे जरिये अहांरा मेल-मलाप करवाया, तां हुण त तां जे अहांरा मेल-मलाप हुई चुक्कीरा तां मसीह रे जीवना रिया वजह ते अहें जरूर बची जाणे।

इफिसियां 2:16

कने क्रूसा पर अपणी मौता रे जरिये बैर रा नाश करीने दुईं जो इक शरीर बणाईने परमेशरा ने मेल़ करवाया।

कुलुस्सियां 1:21

पैहले तुहें परमेशरा ते लग थे कने तुहां रिये सोच्चे तुहांजो परमेशरा रा दुश्मण बणाया था, काँह्भई तुहें लगातार बुरा काम्म करदे रै।

इब्रानियों 10:21

कने काँह्भई हुण अहांले इक येढ़ा महान याजक आ, सै जे स्वर्गा च परमेशरा रे घराने रा अधिकारी आ।

इब्रानियों 2:11

काँह्भई पवित्र करने औल़ा कने सै जे पवित्र कित्ते जायें, तिन्हां सारयां रा पिता इक इ हाया; इस वजह ते यीशु तिन्हांजो भाई-भैण बोलणे ते नीं शर्मान्दा।

इब्रानियों 2:14

काँह्भई तियां जे परमेशरा रे बच्चे माहणु ये, तियां इ यीशु बी तिन्हां साई माहणु बणया। परमेशरे ये इस खातर कित्या ताकि तिसरिया मौती रे जरिये शैतान्ना जो नाश करी सक्को, तिसले जे मौती रा अधिकार था।

इब्रानियों 2:16

काँह्भई प्रभु यीशु त स्वर्गदूतां जो नीं, पर अब्राहमा रे वंशां जो सम्भाल़ां।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

इब्रानियों 3:2

यीशु परमेशरा रे प्रति बफादार था, तिस्सो जे ये काम्म करने खातर तिने चुणीरा था, तियां जे मूसा बी परमेशरा रे सारे लोकां री सेवा करने च बफादार था।

इब्रानियों 3:5

मूसा त परमेशरा रे लोकां रे खातर सेवका साई बफादार था कने तिने तिसा गल्ला रा वर्णन कित्या सै जे परमेशर भविष्य च बोलणे औल़ा था।

इब्रानियों 4:14

इस खातर औआ अहें अपणे विश्वासा जो मजबूतिया ने थम्मी रखिये। काँह्भई सै अहांरे खातर इक महायाजक आ, सै जे स्वर्गा च गईरा कने सै परमेशरा रा पुत्र यीशु मसीह आ।

इब्रानियों 4:15

काँह्भई यीशु मसीह सै जे अहांरा महायाजक आ सै अहां री हरेक कमजोरिया जो समझां; काँह्भई सै सब्बीं गल्लां च अहां साई शैतान्ना रे जरिये परखया गया, पर तिने कोई पाप नीं कित्या।

इब्रानियों 5:1

परमेशरे हरेक महायाजका जो इस्राएल रे लोकां रे बिच्चा ते चुणया, कने तिने हरेक महायाजका जो लोकां रिया तरफा ते अपणी सेवा रे खातर नियुक्त कित्या ताकि सै लोकां रे पापां रिया माफिया खातर भेंट कने बलिदान चढ़ाये।

इब्रानियों 5:10

कने परमेशरे तिस्सो मेलिकिसिदक याजका साई महायाजक हुणे रे खातर घोषित कित्या।

इब्रानियों 5:2

काँह्भई इक महांयाजक खुद बौहत सारियां गल्लां च कमजोर आ इस खातर सै नासमझां कने भटकीरयां ने कोमल व्यवहार करी सक्कां।

इब्रानियों 5:5

तियां इ मसीह अप्पूँजो महायाजक बणाईने अपणी बडयाई नीं कित्ती, पर परमेशरे तिस्सो सै आदर दित्या ताहली जे तिने ये बोल्या, “तू मेरा पुत्र आ; आज्ज हऊँ ये घोषित करा भई तू मेरा पुत्र आ”

इब्रानियों 6:20

तित्थी जे यीशुये मेलिकिसिदक याजका साई सदा काल रा महायाजक बणीने अहां खातर अगुवे साई प्रवेश कित्तिरा।

इब्रानियों 7:26

इस खातर येढ़ा महायाजक अहां रियां जरूरतां जो पूरा कराँ, सै जे पवित्र, निष्कपट, कने निर्मल आ, कने पापियां ते लग आ, कने तिस्सो जे परमेशर स्वर्गा च लेईग्या।

इब्रानियों 7:28

काँह्भई मूसा री व्यवस्था तिस माहणुये जो महायाजक हुणे खातर नियुक्त कराँ इ सै जे सिद्ध नींआ, पर व्यवस्था ते बाद परमेशरे कसम खाईने अपणे पुत्रा जो नियुक्त कित्या कने तिसरा पुत्र युगां-युगां तक सिद्ध महांयाजक बणीरा।

इब्रानियों 8:1

हुण सै जे गल्लां अहें गलाया रायें तिन्हां चते सब्बीं ते बड्डी गल्ल येई, भई अहांले येढ़ा महायाजक आ, सै जे स्वर्गा च परमेशरा रे महामहिमन संघासणा रे सज्जे पासे बैठिरा,

इब्रानियों 8:3

काँह्भई हरेक महायाजक पापां रिया माफिया खातर भेंट कने बलिदान चढ़ाणे जो नियुक्त कित्या जां, इस वजह ते जरूरी आ, भई अहांरे महांयाजक (यीशुये) ले बी चढ़ाणे रे खातर किछ हो।

इब्रानियों 9:11

पर ताहली जे मसीह अहांरा महायाजका बणीने आया, तां सै खरियां चीजां जो लेईने आया सै जे हुण मौजूद ईं। कने मसीह स्वर्गा च परमेशरा रिया हजूरिया च गया कने सै जगह इक बड़े कने सिद्ध तम्बुये साई सै जे माहणुआं रे हत्थां रा बणाईरा नींआ यनि सृष्टिया रा नींआ।