इब्रानियों 2:16 - बिलासपुरी नौआं नियम

¹⁶ काँह्भई प्रभु यीशु त स्वर्गदूतां जो नीं, पर अब्राहमा रे वंशां जो सम्भाल़ां।

इब्रानियों 2:16 ပူးပေါင်းရင်းမြစ်များ

रोमियो 2:25

जे तू व्यवस्था रा पालन कराँ, तां खतने रा फायदा त हाया, पर जे तू व्यवस्था जो तोड़ां, तां तेरा खतना बिणा खतना हुईरे माहणुये साई आ।

गलातियां 3:16

तियां इ परमेशरे अपणे वायदे अब्राहम कने तिसरे बंशा ने कित्ते। पवित्रशास्त्र ये नीं बोलदा, “भई तेरे बंशां जो” सै जे बौहत लोकां रे बारे च बोलां, पर ताहली जे पवित्रशास्त्र बोलां “तेरे बंशा जो” ये इक्की माहणुये रे बारे च बोलां सै जे मसीह आ।

गलातियां 3:29

कने काँह्भई तुहें मसीह रे, तां फेरी तुहें अब्राहम रे वंश ये, कने परमेशरे सै जे वायदा अब्राहमा ने कित्या था, तिस वायदे रे बारस बी ये।

इब्रानियों 12:10

अहांरे संसारिक पिता त अपणिया सोच्चा रे मुतावक तियां जे तिन्हांजो ठीक लगां था, थोड़े दिनां रे खातर अहांजो सुधाराँ थे, पर परमेशर त अहां रिया भलाईया रे खातर अहांजो सुधाराँ ताकि अहें बी तिस साई पवित्र हुईजो।

इब्रानियों 2:15

कने इस तरिके ने तिने तिन्हां सारयां जो छडवाईल्या सै जे मौती रे डरा रिया वजह ने जिन्दगी भर इक्की दास्सा साई जीआं थे।

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

इब्रानियों 6:16

माहणु त अपणे ते किसी बड्डे रा नौं लेईने कसम खांये, कने तिन्हांरे हर इक बैहसा रा फैसला कसमा नेई खत्म हुआं।

1 पतरस 1:20

परमेशरे मसीह जो इस संसारा रिया सृष्टिया ते पैहले इ चुणीलरा था, पर तुहां लोकां रिया भलाईया रे खातर तिस्सो इन्हां आखरी दिनां च प्रगट कित्या।