इब्रानियों 2:1 - बिलासपुरी नौआं नियम

¹ इस वजह ते अहांजो तिन्हां गल्लां पर सै जे अहें सुणी रियां, होर बी मन लगाणे री जरूरत इ, ताकि अहें बैहकी ने तिन्हांते दूर चली नीं जाओ।

इब्रानियों 2:1 ပူးပေါင်းရင်းမြစ်များ

मत्ती 16:9

क्या तुहें हुण बी नीं समझदे? क्या तुहांजो पांज्ज हजार लोकां खातर पांज्ज रोटियां याद नीं, कने ये बी याद निआं भई कितणियां टोकरियां भरी ने तुहें चक्कियां थी?

मरकुस 8:18

तुहांले आक्खीं त हईयां पर तुहें तिसजो जे देक्खां ये तिस्सो समझदे नींये, तुहांले कान्न त हये पर तुहें सै जे सुणां ये तिस्सो नीं समझदे; तुहांजो याद रखणा चाहिन्दा।

लूका 8:15

पर उपजाऊ जमीन, तिस पर जे ब्यू पौआं, सै भले मना रे, ईमानदार लोकां जो दस्सां सै जे परमेशरा रा बचन सुणां ये, कने तिस्सो अपणे जीवना च लागू करी लें, सै लगातार खरी फसल लेईने औयें।

लूका 9:44

“तुहें इन्हां गल्लां जो ध्याना ने सुणयों, काँह्भई माहणुये रा पुत्र यनि हऊँ अधिकारियां रे हत्था च पकड़वाया जणे औल़ा।”

यूहन्ना 8:59

फेरी इस पर लोकें यीशुये जो मारने खातर पत्थर चक्के, पर सै तिन्हां वलाते हटया कने मन्दरा ते निकल़ीने दूर चलिग्या।

इब्रानियों 12:5

कने तुहें तिस उत्साह रियां गल्लां जो भुल्ली गरे, सै जे परमेशरे तुहांजो अपणे बच्चे साई बोल्ली रियां, “मेरे बच्चे, ताहली जे प्रभु तुहांजो दस्सो भई तैं गल़ती कित्ती, तां तिस सुधारा जो हल्की गल्ल नीं समझ। कने ताहली जे प्रभु तिज्जो थिड़को तां हिम्मत नीं हार।

2 पतरस 1:15

इस खातर हऊँ ये सब दसणे खातर बौहत कोशिश करया राँ, ताकि मेरे मरने ते बाद बी तुहें इन्हां गल्लां जो हमेशा याद रक्खी सक्को।

2 पतरस 3:1

मेरे प्यारे मित्रो, हुण ये दुज्जी चिट्ठी सै जे हऊँ तुहांजो लिखिराँ। इन्हां दुईं चिट्ठियां च मैं तुहांजो तिन्हां गल्लां री याद दिलाई, तिन्हांजो जे तुहें पैहले तेई जाणाँ ये, ताकि ताहली जे तुहें मेरी लिखी रिया गल्लां जो याद कराँ ये, तां ये तुहांजो सही ढंगा ने सोचणे च मदद करगियां।