इब्रानियों 13:1 - बिलासपुरी नौआं नियम

¹ इक दूये जो भाई-भैणा साई प्यार करदे रौआ।

इब्रानियों 13:1 ပူးပေါင်းရင်းမြစ်များ

यूहन्ना 15:17

इन्हां गल्लां रा हुक्म हऊँ तुहांजो इस खातर दस्यारां भई तुहें इक्की दुजे ने प्यार रखा।

प्रेरितां 2:1

तां जे पिन्तेकुस्त त्योहारा रा दिन आया तां सै सब यरूशलेम च इक्की जगह कट्ठे थे।

प्रेरितां 4:32

विश्वास करने औल़यां री मण्डली इक चित कने इक्की मना री थी, येत्थी तका भई कोई बी अपणी धन सम्पतिया जो अपणा नीं बोलदा था, पर सब किछ सांझा था।

गलातियां 5:13

पर मेरे साथी विश्वासियो, परमेशरे तुहांजो अजाद रैहणे रे खातर चुणीरा, पर येढ़ा नीं हो भई ये अजादी पापी स्वभावा जो पूरा जरने रे खातर अवसर बणो, इसरे बदले प्यारा रिया वजह ने अप्पूँ चियें इक्की दुज्जे री सेवा करा।

गलातियां 5:22

पर पवित्र आत्मा रा फल़ प्यार, खुशी, शान्ति, धीरज, दया, भलाई, विश्वास,

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

इफिसियां 4:3

पवित्र आत्मे अहांजो इकट्ठा करीने इक कित्तिरा, तां तसल्लिया ने मिली जुलीने इक जुट रैहणे खातर तुहें हर कोशिश करा सै जे अहांजो अप्पूँ चींये बन्हीने रखां इ।

इफिसियां 5:2

जिस तरिके ने मसीहे अहांने प्यार कित्या कने खुद अप्पूँजो खुशबुदार तेला साई परमेशरा खातर इक भेन्ट कने बलिदान्ना रे रुपा च चढ़ाईत्या, तियां इ प्यार रा जीवन जीओ।

2 थिस्सलुनीकियां 1:3

अहांरे साथी विश्वासियो, तुहांरे खातर अहांजो लगातार परमेशरा रा धन्यवाद करना चाहिन्दा, कने ये ठीक बी आ, काँह्भई मसीह च तुहांरा विश्वास बौहत बधदा जाया राँ, कने तुहांरा प्यार इक्की दूये रे प्रति बधदा जाया राँ।

इब्रानियों 10:24

औआ अहें इस बारे च सोचिये भई कियां इक्की दूये जो, इक्की दूये रे प्रति प्यार जताणे कने मदद करने जो हिम्मत देईये,

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

1 पतरस 2:17

सब्बीं लोकां रा आदर करा, अपणे साथी विश्वासियां ने प्यार रखा, परमेशरा ते डरा कने राजे रा आदर करा।

1 पतरस 3:8

आखिर च हऊँ तुहांजो ये बोलणा चांह, तुहां सारयां जो इक मन हूणा चाहिन्दा, इक दूये रे प्रति सहानुभूति रखा कने इक दूये जो इक परिवारा रे सदस्या साई प्यार करा, कने इक दूये रे प्रति दयालु कने नम्र बणा।

1 पतरस 4:8

कने सबनीं ते बड्डी गल्ल येई भई तुहें इक्की दुज्जे ने ईमानदारिया ने प्यार रखा, काँह्भई जे तुहें प्यार रखगे तां तुहां लोकां रिया किसी बी गल्तिया जो माफ करने खातर सदा त्यार रैहणा।

2 पतरस 1:7

नांई तुहांजो इस तरिके ने जीणा चाहिन्दा सै जे परमेशरा जो खुश कराँ, बल्कि अपणे परिवारा रे सदस्या साई बी साथी विश्वासियां ने प्रेम करना चाहिन्दा, नांई तुहांजो अपणे परिवारा रे सदस्या साई इक्की दूये जो प्रेम करना चाहिन्दा, बल्कि तुहांजो सारयां लोकां जो प्रेम करना चाहिन्दा।

1 यूहन्ना 3:23

कने तिसरा हुक्म येआ: भई अहें तिसरे पुत्र यीशु मसीह रे नौआं पर विश्वास करिये कने तियां जे तिने अहांजो हुक्म दित्या तिसरे मुतावक अहें इक दुज्जे ने प्यार रखिये।

1 यूहन्ना 4:20

जे कोई बोल्ले, भई “हऊँ परमेशरा ने प्यार रक्खां,” पर अपणे साथी विश्वासिये ने दुश्मणी रखी, तां सै झूट्ठा, काँह्भई अपणे तिस साथी विश्वासिये जो, तिस्सो जे तिने देखीरा, ताहली जे सै प्यार नीं रखदा, तां परमेशरा जो बी तिसजो जे तिने नीं देखीरा, प्यार नीं करी सकदा।

प्रकाशितवाक्य 2:4

पर मिन्जो तेरे खलाफ ये शकैत इ : भई तैं अपणा पैहले साई प्यार करना छड्डीतरा।