इब्रानियों 12:3 - बिलासपुरी नौआं नियम

³ इस खातर यीशुये रे उदाहरणा पर ध्यान देआ भई तिने जे पापियां रे जरिये दित्तिरे बौहत दुखां जो कने नफरता जो सहन करील्या, ताकि तुहें उदास हुईने हिम्मत नीं हारी दो।

इब्रानियों 12:3 ပူးပေါင်းရင်းမြစ်များ

मत्ती 11:19

पर ताहली जे हऊँ यनि माहणुये रा पुत्र आया, सै जे आम लोकां साई खां-पीआं, पर लोक बोलां ये, ‘इस माहणुये जो देक्खा, ये पेटू कने पियक्कड़ आ; ये चुंगी लेणे औल़यां कने पापियां’ रा मित्र आ! पर माहणुये रे कम्मां ये सावित करना भई कुण बुद्धिमान आ।”

मत्ती 12:24

ताहली जे फरीसियें ये सुणया तां तिन्हें गलाया, “ये शैतान्ना रा सेवक होणे रिया वजह ने बुरीआत्मा जो बाहर कड्डां।”

मत्ती 15:2

“तेरे चेले अहांरे पूर्वजां रे रीति-रिवाजां रा पालन काँह नीं करदे, कने बगैर हात्थ धोये रोटी खांये।”

मत्ती 21:23

ताहली जे सै मन्दरा च जाईने उपदेश देईराँ था, तां मुखियायाजकें कने यहूदी बजुर्गें नेड़े जाईने तिसते पुच्छया, “ये काम्म तू किस अधिकारा ने कराँ? कने ये अधिकार तिज्जो किने दित्या?”

मत्ती 21:46

कने तिन्हे तिस्सो पकड़ने रा जत्न कित्या, पर सै लोकां ते डराँ थे काँह्भई लोक यीशुये जो भविष्यवक्ता मन्नां थे।

मत्ती 22:15

फेरी फरीसियें जाईने इक सभा किति, तिसा च तिन्हे ये विचार कित्या भई कियां यीशुये जो तिसरिया गलाई रियां गल्लां च फसाई सक्कां ये।

लूका 14:1

फेरी सै विस्राम रे दिन इक्की फरीसियां रे सरदाराँ चते किसी रे घरें रोटी खाणे गया; सारयां लोकें यीशुये च कोई गल़ती टोलणे खातर तिन्हां पर नज़र रखीरी थी।

लूका 15:2

इसजो देखीने फरीसी कने यहूदी शास्त्री बड़बड़ाणे लगे, “ये माहणु त पापी कने घटिया लोकां सौगी उट्ठां बैट्ठां कने तिन्हां सौगी रोटी बी खां!”

लूका 16:14

फरीसी, सै जे दौलता ने बड़ा जादा प्यार कराँ थे, ताहली जे तिन्हें यीशुये रियां गल्लां सुणियां तां सै तिसरा मजाक डवाणे लगे।

लूका 2:34

फेरी शमौने तिन्हाजो आशीष दित्ति, कने तिने तिसरी माता मरियमा ने गलाया, “ये न्याणा परमेशरा री चुणीरी नशाणी इ। इस्राएल रे बौहत लोकां तिसरा इन्कार करना, कने सैई गल्ल कईयां रे उजड़ने री वजह बणनी, पर तिस बौहत लोकां रे खातर आशीषा री वजह बणना।

लूका 5:21

फेरी शास्त्री कने फरीसी अपणे-अपणे मनां च बिचार करने लगे भई, “ये कुण आ, सै जे परमेशरा री निंध्या कराँ? परमेशरा जो छड्डिने कुण पापां जो माफ करी सक्कां?”

यूहन्ना 10:20

तिन्हां चते जादातर लोक बोलणे लगे, “तिस पर बुरीआत्मा स्वार इ, कने सै पागल आ; तुहें तिसरी कजो सुणी कराँ ये?”

यूहन्ना 18:22

तंजे तिने येढ़ा गलाया तां मन्दरा रे पैहरेदारे सै जे तित्थी खढ़िरा था, यीशुये जो इक थप्पड़ मारया, कने गलाया तैं महायाजका जो ईंयाँ जबाब देणे री हिम्मत कियां किति।

यूहन्ना 5:16

इसा बजह ने यहूदी अगुवे यीशुये जो तंग करने लगे, काँह्भई सै येढ़े काम्म विस्राम रे दिन कराँ था।

यूहन्ना 7:12

कने लोकां च तिसरे बारे गुप-चुप कई सारी गल्लां हुईयां मते जणे बोलीराँ थे, “सै बड़ा खरा माहणु आ।” कने कई बोल्लां थे, “नां, सै लोकां जो भटकां।”

यूहन्ना 8:13

इस पर फरीसियें तिसने गलाया; “तू अपणी गवाही अप्पूँ देआं इस खातर तेरी गवाही ठीक नीं।”

यूहन्ना 8:52

यहूदियें तिसने गलाया, “हुण अहें जाणीगे भई तूह च बुरीआत्मा समाईरी। अब्राहम मरीग्या, कने भविष्यवक्ते बी मरीये; कने तू बोल्लां, ‘जे कोई मेरियां सखाई रियां गल्लां रा पालन करगा, तिस कदीं नीं मरना।’

यूहन्ना 8:59

फेरी इस पर लोकें यीशुये जो मारने खातर पत्थर चक्के, पर सै तिन्हां वलाते हटया कने मन्दरा ते निकल़ीने दूर चलिग्या।

यूहन्ना 9:40

किछ फरीसी सै जे यीशुये सौगी थे तिन्हे ये गल्लां सुणी ने तिसने गलाया, “क्या तू बोल्ली रां भई अहें बी अन्हे?”

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

2 कुरिन्थियों 4:1

काँह्भई परमेशरा रिया दया ते तिसरे वचना रा प्रचार करने री सेवा अहांजो मिली, इस खातर अहें निराश नीं हुन्दे।

2 कुरिन्थियों 4:16

इस खातर अहें निराश नीं हुन्दे: अहांरे बाहरी शरीर कमजोर हुन्दे जाई कराँ ये, तां बी अहांरी अंतरात्मा हर रोज नौंईं त नौंईं हुन्दी जाई कराँ इ।

गलातियां 6:9

इस खातर औआ अहें भलाई करदे कदीं मनी थक्को, काँह्भई जे अहें भलाई करदे इ रैहन्गे, तां सही बगत औणे पर अहांजो तिसरा ईनाम मिलणा।

2 थिस्सलुनीकियां 3:13

साथी विश्वासियो, कांहभई तुहें निराश हुई चुक्कीरे इस खातर सै जे ठीक आ तिस्सो करना मत छड्डा।

इब्रानियों 12:2

सै जे अहांजो विश्वासा रिया तरफा लेई जां कने अहांरे विश्वासा जो सिद्ध करने औल़े यीशुये रिया तरफा देखदे रैं। तिने जे तिसा खुशिया खातर सै जे औणे औल़े दिनां च मिलणे औल़ी थी, बेज्जतिया री परवाह नीं करीने क्रूसा री मौत सही ली, कने परमेशरा रे संघासणा रे सज्जे पासे आदरा रिया जगह जाई बैट्ठया।

इब्रानियों 12:5

कने तुहें तिस उत्साह रियां गल्लां जो भुल्ली गरे, सै जे परमेशरे तुहांजो अपणे बच्चे साई बोल्ली रियां, “मेरे बच्चे, ताहली जे प्रभु तुहांजो दस्सो भई तैं गल़ती कित्ती, तां तिस सुधारा जो हल्की गल्ल नीं समझ। कने ताहली जे प्रभु तिज्जो थिड़को तां हिम्मत नीं हार।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

1 पतरस 2:23

तिने गाल़ी सुणीने गाल़ी नीं दित्ति, कने दुख सैहीने किसी जो बी धमकी नीं दित्ति; बल्कि तिस सच्चा न्याय करने औल़े परमेशरा रे अग्गे तिने खुद अप्पूँजो सौंपीत्या।

प्रकाशितवाक्य 2:3

हऊँ जाणाँ भई तैं मेरे नौआं रे खातर धीरजा ने दुख सैया, फेरी बी तैं विश्वास नीं छड्डया।