इब्रानियों 11:6 - बिलासपुरी नौआं नियम

⁶ कने सिर्फ विश्वासा रे जरिये परमेशरा जो खुश कित्या जाई सक्कां; काँह्भई परमेशरा रे नेड़े औणे औल़े जो विश्वास करना चाहिन्दा भई सै हया, कने सै जे तिस्सो जाणने री कोशिश कराँ ये तिन्हांजो सै ईनाम देआं।

इब्रानियों 11:6 ပူးပေါင်းရင်းမြစ်များ

मत्ती 11:26

हाँ, हे पिता, ये इस खातर हुया काँह्भई तिज्जो येई ठीक लगया।

मत्ती 5:12

तां खुश कने मगन हुयां, काँह्भई तुहांरे खातर परमेशरे स्वर्गा च सै जे ईनाम रक्खीरा सै बौहत बड्डा। इस खातर भई लोकें तिन्हां भविष्यवक्तयां जो सै जे बौहत साल पैहले थे इयां इ सताईरा था।”

मत्ती 6:16

“ताहली जे तुहें उपवास करो, तां तुहांरे मुँह कपटियां साई उदास नीं हुणे चाहिन्दे, काँह्भई सै अपणा मुँह बणाईने रखां ये, ताकि सै लोकां जो जतलाई सक्को भई अहें उपवास करी रायें। हऊँ तुहांजो सच्च बोलां भई सै अपणा ईनाम पाई बैट्ठे।

मत्ती 6:33

इस खातर तुहें परमेशरा रे राज्जा कने सच्चाईया ने जीणे जो तियां जे परमेशर चाँह सब्बीं ते पैहला दर्जा देआ, तां ये सारी चिज़ां तुहांजो मिली जाणियां।

मत्ती 6:5

“ताहली जे तुहें प्राथना करो तां कपटियां साई मत करा, काँह्भई सै यहूदी सभा घराँ च कने सड़कां रे मोड़ां पर खड़ीने प्राथना करना चाँये ताकि लोक तिन्हांजो देखीने तिन्हांरी बडयाई करी सक्को। हऊँ तुहांजो सच्च बोलां भई तिन्हांजो इसरा ईनाम सैई बडयाई मिली।

मरकुस 16:17

कने विश्वासियां जो चमत्कार करने री सामर्थ दित्ति जाणी भई तिन्हां मेरे नौआं ते बुरीआत्मा जो बाहर कडणा; तिन्हां सै भाषा बोलणी सै जे तिन्हें कदीं सिक्खी री नीं हूणी;

लूका 12:31

पर परमेशरा रे राज्जा री लालसा करा, तां ये सारा किछ तुहांजो मिली जाणा।

लूका 6:35

बल्कि अपणयां दुश्मणां ने प्यार रखा, कने तिन्हांरी भलाई करा, कने वापस लेणे री आशा न रखीने उधार देआ; कने तुहां खातर बड्डा ईनाम हूणा; कने तुहें परमप्रधान रे बच्चयां हूणा, काँह्भई सै तिन्हां पर बी सै जे धन्यवाद नीं करदे, कने बुरयां पर बी मेहरवानी कराँ ये।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 8:24

इस खातर मैं तुहांजो गलाया भई तुहां अपणयां पापां च मरना, काँह्भई जे तुहें मांह पर विश्वास नीं करगे भई हऊँ सैई आ, तां तुहां अपणयां पापां च मरी जाणा।”

रोमियो 10:14

पर सै जे प्रभुये पर विश्वास नीं करदे, सै तिस्सो कियां पुकारगे? कने सै तिन्हे जे तिसरे बारे च सुणया इ निआं, तिस पर कियां विश्वास करी पांगे? कने फेरी भला तदुआं तक जे कोई तिन्हांजो तिसरे बारे च प्रचार नीं करगा, सै कियां सुणी पांगे?

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

इब्रानियों 11:26

मूसे सोच्चया भई मिस्र रे भण्डारा ते बड्डा धन पाणे ते मसीह रे खातर दुख सैहणा जादा कीमती आ, काँह्भई सै भविष्या च ईनाम पाणे री उम्मीद करी रां था।

इब्रानियों 3:12

साथी विश्वासियो, चौकन्ने रौआ भई तुहां च येढ़ा बुरा कने अविश्वासी मन नीं हो, सै जे तुहांजो जिऊंदा परमेशरा ते दूर करी दो।

इब्रानियों 4:2

काँह्भई अहें बी यीशु मसीह री खुशखबरी सुणी चुक्कीरे तियां जे इस्राएली लोकें बी विस्राम रिया जगह च प्रवेश करने री खुशखबरी सुणी थी। पर तिन्हें तिस पर विश्वास नीं कित्या इस खातर सै सन्देश तिन्हांरे खातर बेकार था।

इब्रानियों 4:6

सै इस्राएल रे लोक तिन्हेंजे पैहले खुशखबरिया जो सुणीरा था, पर विस्राम रिया जगह च प्रवेश करने च असफल रै, काँह्भई तिन्हें परमेशरा रा हुक्म नीं मन्नया। पर हुण बी किछ लोकां जो विस्राम रिया जगह च प्रवेश करने रे खातर मौका।

इब्रानियों 7:19

(काँह्भई मूसा री व्यवस्था किसी गल्ला री सिद्धि नीं करी सक्की) पर हुण अहांले इक उत्तम आशा इ तिसरे जरिये अहें परमेशरा रे सामणे औआं ये।

इब्रानियों 7:25

इस खातर सै जे यीशुये रे जरिये परमेशरा ले औयें, सै तिन्हांरा पूरी तरह छुटकारा करी सक्कां, काँह्भई यीशु तिन्हां खातर विनती करने जो हमेशा जीवित आ।

2 पतरस 1:10

इस खातर मेरे साथी विश्वासियो, परमेशरे तुहांजो चुणीरा कने तुहांजो सद्दीरा इसजो दसणे री होर बी जादा कोशिश करा, काँह्भई जे तुहें ये गल्लां कराँ ये, तां तुहां कदीं अपणा विश्वास नीं छडणा।

2 पतरस 1:5

इस खातर सिर्फ तुहांजो मसीह पर इ विश्वास नीं करना चाहिन्दा, बल्कि हमेशा सै जे खरा, तुहांजो सैई करने खातर बी कड़ी मेहणत करनी चाहिन्दी, नांई तुहांजो सै जे सही आ सैई करना चाहिन्दा, बल्कि तुहांजो येढ़े लोक बी बणना चाहिन्दे तिस्सो पता हो भई बुद्धिया ने कियां बर्ताव करना चाहिन्दा।

2 पतरस 3:14

इस खातर मेरे प्यारे मित्रो, तियां जे तुहें तिस दिना रा इन्तजार करया राँये पूरी कोशिश करा भई तुहें शान्तिया ने परमेशरा रिया नज़राँ च निष्कलंक कने निर्दोष पाये जाओ।

प्रकाशितवाक्य 21:8

पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”