इब्रानियों 11:5 - बिलासपुरी नौआं नियम

⁵ विश्वासा रे जरिये हनोक जिऊंदा स्वर्गा जो चक्कील्या गया इस खातर सै मरया नींआ, कने किसी जो बी सै मिलया नींआ, काँह्भई परमेशरे तिस्सो चक्की लरा था, कने तिसरे चक्के जाणे ते पैहले तिसरी ये गवाही दित्ति गई थी भई तिने परमेशरा जो खुश कित्तिरा।

इब्रानियों 11:5 ပူးပေါင်းရင်းမြစ်များ

लूका 2:26

पवित्र आत्मे तिस्सो दर्शण दित्या था भई तालुआं तक जे सै प्रभु रिया तरफा ते भेज्जीरे मसीहे जो देखी नीं लेन्दा, तदुआं तक तिसरी मौत नीं हूणी।

लूका 3:37

लिमिक मथूशिलह रा पुत्र था, कने मथूशिलह हनोक रा पुत्र था। हनोक यिरिद रा पुत्र था, कने यिरिद महललेल रा पुत्र था। महललेल केनान रा पुत्र था।

1 थिस्सलुनीकियां 2:4

पर तियां जे परमेशरे अहांजो लायक समझीने खुशखबरी सौंपी, इस खातर अहें माहणुआं जो नीं, पर अहांरे मना जो परखणे औल़े परमेशरा जो खुश करने रे खातर उपदेश देआंये।

इब्रानियों 11:6

कने सिर्फ विश्वासा रे जरिये परमेशरा जो खुश कित्या जाई सक्कां; काँह्भई परमेशरा रे नेड़े औणे औल़े जो विश्वास करना चाहिन्दा भई सै हया, कने सै जे तिस्सो जाणने री कोशिश कराँ ये तिन्हांजो सै ईनाम देआं।

इब्रानियों 2:9

पर अहें यीशुये जो देक्खां ये, सै जे स्वर्गदूतां ते किछ इ वगता रे खातर घट कित्या गया था, ताकि परमेशरा रे अनुग्रह रे जरिये सै सब्बीं रे खातर मरी सक्को। कने काँह्भई तिने दुख सैया कने मरया, तां हुण अहें जाणाँ ये भई सै महिमामय आ कने आदर कित्या गईरा।

1 यूहन्ना 3:22

कने सै किछ जे अहें परमेशरा ते मंगां ये, सै अहांजो तिसते मिलां; काँह्भई अहें तिसरे हुक्मां जो मन्नां यें, कने सै जे किछ तिस्सो ठीक लगां अहें सैई कराँ ये।

यहूदा 1:14

हनोक बी सै जे आदमा ते सतवियां पीढ़ियां च था, इन्हांरे बारे च भविष्यवाणी किति थी, “देक्खा, प्रभु अपणे हज़ाराँ-हज़ाराँ पवित्र दूतां सौगी आया रां,