इब्रानियों 11:16 - बिलासपुरी नौआं नियम

¹⁶ पर तिन्हें इक उत्तम यनि स्वर्गीय देशा च रैहणे री इच्छा कित्ती; इस खातर परमेशर तिन्हांरा परमेशर कहलाणे ते खुश था, काँह्भई परमेशरे तिन्हां खातर इक नगर त्यार कित्तिरा।

इब्रानियों 11:16 ပူးပေါင်းရင်းမြစ်များ

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

मरकुस 12:26

मूईरयां चते जिऊंदा हुणे रे बारे च: क्या तुहें मूसा रिया कताबा च परमेशर जल़दिया हुईया झाड़िया चते मूसा ने गल्ल करां, तिसा जगह परमेशर बोलां भई हऊँ अब्राहमा रा परमेशर, कने इसहाका रा परमेशर, कने याकूब रा परमेशर आ?

मरकुस 8:38

जे तुहें मेरे कने मेरिया शिक्षां ते इस दुष्ट कने पापी जुगा च शर्मिन्दा ये, तां माहणुये रा पुत्र यनि मांह बी तुहांते शर्मिन्दा हूणा, ताहली जे तिस पवित्र स्वर्गदूतां सौगी अपणे पिता रिया महिमा समेत औणा।”

लूका 12:32

“इस खातर भेडां साई भोल़े-भाल़े, मेरे छोट्टे झुण्डा! मता घबरान्दे, काँह्भई तुहांजो स्वार्गा रा राज देणे च पिता परमेशरा जो बड़ा नन्द औआं।

लूका 20:37

पर इसा गल्ला जो भई मूईरे ज्यून्दे हुई जायें : मूसे बी बल़दे हुये बुटड़यां री कहाणिया च प्रगट कित्या भई सै प्रभुये जो अब्राहम, इसहाक कने याकूब रा परमेशर बोल्लां।

यूहन्ना 14:2

मेरे परमेशर रे घरा होर मती सारी रैहणे रियां जगहां इयां; अगर जे येढ़ा नीं हुंदा तां माह तुहांजो नीं बोलणा था भई हऊँ तुहांरे खातर रैहणे जो जगह बनाणे जो जाया राँ।

प्रेरितां 7:32

‘हऊँ तेरे पूर्वज, अब्राहम, इसहाक कने याकूब रा परमेशर आ,’ तां मूसा डरा रे मारे कम्बीग्या, येत्थी तका भई तिस्सो देखणे री हिम्मत नीं रई।

फिलिप्पियां 3:20

पर अहांरी नागरिकता स्वर्गा ची, कने तित्थी तेई अहें अपणे छुटकारा देणे औल़े प्रभु यीशु मसीह रे औणे रा बेसब्रिया ने इन्तजार कराँ ये।

2 तिमुथियुस 4:18

प्रभुये मिन्जो हरेक बुराईया ते बचाणा सै जे मेरा नुक्शान करना चाईयां कने तिस मिन्जो अपणे स्वर्ग राज्जा च हिफाज़ता ने लेई जाणा। तिसरी महिमा सदा हुन्दी रौ। आमीन।

इब्रानियों 10:34

काँह्भई तुहें कैदियां सौगी दुख सैया, कने ताहली जे अधिकारियें तुहांरी सम्पत्ति जफ्त कित्ती थी तिस्सो बी तुहें खुशिया ने सैईल्या। काँह्भई तुहें जाणाँ थे भई तुहें सै सम्पत्ति पाईरी तिस राजे परमेशरे वायदा कित्तिरा, सै जे उत्तम इ कने हमेशा रे खातर इ।

इब्रानियों 11:10

काँह्भई अब्राहम मजबूत निऊंआं औल़े नगरा च (स्वर्गा च) रैहणे रे खातर इन्तजार करया राँ था, तिस राजे रचणे औल़ा कने बनाणे औल़ा परमेशर आ।

इब्रानियों 11:14

सै जे येढ़ियां गल्लां बोलां ये, सै ये दस्सां ये भई अपणे देशा रिया टोल़ा चे।

इब्रानियों 11:40

काँह्भई परमेशरे अहां खातर पैहले तेई इक अच्छी योजना बणाई थी। तिसरा मकसद ये था भई सै सिर्फ अहां सौगी सिद्ध बणो।

इब्रानियों 12:22

पर तुहें सिय्योन रे पहाड़ा पर आईगे सै जे जिऊंदा परमेशरा रा स्वर्गीय यरूशलेम नगर आ कने तित्थी अनगिणत स्वर्गदूत खुशिया रा त्योहार मनायें।

इब्रानियों 13:14

काँह्भई ये संसार अहांरा पक्का घर नींआ, पर अहें येढ़े घरा जो पाणे री उम्मीद कराँ ये सै जे भविष्य च अहांरा हूणा।

इब्रानियों 2:11

काँह्भई पवित्र करने औल़ा कने सै जे पवित्र कित्ते जायें, तिन्हां सारयां रा पिता इक इ हाया; इस वजह ते यीशु तिन्हांजो भाई-भैण बोलणे ते नीं शर्मान्दा।

प्रकाशितवाक्य 21:2

फेरी मैं पवित्र नगर नये यरूशलेम जो अपणे दुल्हे रे खातर त्यार दुल्हना रे रुपा च स्वर्गा ते परमेशरा रे नेड़े ते थल्ले उतरदे देख्या।