इब्रानियों 10:10 - बिलासपुरी नौआं नियम

¹⁰ इस खातर परमेशरा रिया इच्छा ते यीशु मसीह रे इक इ बार बलिदान चढ़ाये जाणे रे जरिये अहें पवित्र कित्ते गईरे।

इब्रानियों 10:10 ပူးပေါင်းရင်းမြစ်များ

यूहन्ना 17:19

इसरे फायदे खातर हऊँ अप्पूँजो तिन्हांरे खातर समर्पित कराँ, ताकि सै बी सच्चाईया रे जरिये समर्पित हुई जाओ।

यूहन्ना 19:34

पर तिन्हां चते इक्की सिपाईये यीशुये रिया बखिया च अपणा भाला मारया, तिसते जे ताहलूं इ खून कने पाणी निकल़या।

यूहन्ना 6:51

जीवना री रोटी सै जे स्वर्गा ते उतरी हऊँ आ। जे कोई इसा रोटिया चते खाओ, तां हमेशा जिऊंदा रैहन्गा; कने सै रोटी जे मांह संसारा रे लोकां रे जीवना खातर देणी, सै मेरा शरीर आ।”

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

1 कुरिन्थियों 6:11

कने तुहां चते किछ लोक येढ़े इ थे, पर तुहें प्रभु यीशुये रे नौआं ते कने अहांरे परमेशरा रे आत्मा रे जरिये पापां ते धोये गैईरे कने पवित्र कित्ते गये कने धर्मी घोषित कित्ते गये।

इफिसियां 5:2

जिस तरिके ने मसीहे अहांने प्यार कित्या कने खुद अप्पूँजो खुशबुदार तेला साई परमेशरा खातर इक भेन्ट कने बलिदान्ना रे रुपा च चढ़ाईत्या, तियां इ प्यार रा जीवन जीओ।

इफिसियां 5:26

ताकि सै तिसाजो वचना रे जरिये पाणिये ने नैहलाईने शुद्ध करो कने पवित्र बणाओ,

इब्रानियों 10:12

पर मसीहे अप्पूँजो पापां रे खातर बलिदान्ना रे रुपा च इक्को इ बार हमेशा खातर चढ़ाया, कने परमेशरा रे सज्जे पासे आदरा रिया जगह जाई बैट्ठया।

इब्रानियों 10:14

काँह्भई मसीहे अप्पूँजो इक बार बलिदान करने रे जरिये तिन्हां लोकां जो शुद्ध कित्तिरा, सै जे परमेशरा रे प्रति समर्पित ये।

इब्रानियों 10:20

काँह्भई यीशुये पड़दे चींये हुईने यनि अप्पूँजो बलिदान करने रे जरिये अहांरे खातर इक नया कने जिऊंदा रस्ता खोलीत्या।

इब्रानियों 10:29

तां सोच्चा भई इक्की माहणुये जो कितणी भयानक सजा मिलणी, सै जे परमेशरा रे पुत्रा ने नफरत कराँ, कने परमेशरा रिया वाचा रा लहू तिसरे जरिये जे सै पवित्र बणाया गया तिस्सो अपवित्र मन्नां, कने सै तिस आत्मा री बेज्जति कराँ तिसते जे तिने अनुग्रह पाईरा।

इब्रानियों 10:5

इस खातर ताहली जे मसीह इस संसारा च औणे औल़ा था, तां तिने परमेशरा ने बोल्या, बलिदान कने भेंट तैं नीं चाही, पर तैं मिन्जो इक शरीर दित्तिरा।

इब्रानियों 13:12

इसा वजह ते, यीशुये बी लोकां जो अपणे इ लहूये रे जरिये पवित्र करने खातर यरूशलेम नगरा ते बाहर दुख सैया कने मरया।

इब्रानियों 2:11

काँह्भई पवित्र करने औल़ा कने सै जे पवित्र कित्ते जायें, तिन्हां सारयां रा पिता इक इ हाया; इस वजह ते यीशु तिन्हांजो भाई-भैण बोलणे ते नीं शर्मान्दा।

इब्रानियों 2:14

काँह्भई तियां जे परमेशरा रे बच्चे माहणु ये, तियां इ यीशु बी तिन्हां साई माहणु बणया। परमेशरे ये इस खातर कित्या ताकि तिसरिया मौती रे जरिये शैतान्ना जो नाश करी सक्को, तिसले जे मौती रा अधिकार था।

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।

इब्रानियों 7:27

कने दुज्जे महायाजकां साई यीशुये जो जरूरी निआं भई हर रोज पैहले अपणे पापां रे खातर कने फेरी लोकां रे पापां रे खातर बलिदान चढ़ाये; काँह्भई यीशुये अप्पूँजो बलिदान्ना रे रुपा च सारयां लोकां रे पापां खातर इक इ बार बलिदान चढ़ाया।

इब्रानियों 9:12

बकरयां कने बछड़यां रे खून्ना जो लेईने मसीहे प्रवेश नीं कित्या था वल्कि हमेशा-हमेशा रे खातर भेन्टा रे रुपा च अपणे इ लहूये जो लेईने परमपवित्र स्थाना च प्रवेश हुया था। ये करने रे जरिये तिने अहांजो अहांरे पापां ते सदा खातर छडवाया।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।

इब्रानियों 9:26

नैत फेरी मसीह जो संसारा रिया सृष्टिया तेई कई बार दुख सैहणे पौन्दे। पर हुण आखिरी वगता पर अपणे बलिदान्ना रे जरिये पापां रा अन्त करने रे खातर मसीह हमेशा-हमेशा जो इक इ बार प्रगट हुईगरा।

इब्रानियों 9:28

इस खातर तियां इ मसीह इक इ बार कई माहणुआं रे पापां जो दूर करने खातर बलिदान हुया था। कने सै पापां जो दूर करने रे खातर नीं, पर तिन्हां लोकां रा छुटकारा करने रे खातर मसीहे दोवारा औणा, सै जे तिसरा बेसब्रिया ने इन्तजार करया राँये।

1 पतरस 2:24

सै खुद अहांरे पापां जो अपणे शरीरा पर लेईने क्रूसा पर चढ़ीग्या, ताकि अहें पापां रे खातर मरी सक्को कने धार्मिकता रे खातर जी सक्को; तिसरे जख्मां रे जरिये तुहें चंगे हुईरे।

1 पतरस 3:18

हऊँ इस खातर सै बोलां भई, मसीहे बी दुख सैहण कित्या कने अहांरे पापां रे खातर इक इ बार मरया। सै धर्मी माहणु था सै जे पापी लोकां रे खातर मरया, ताकि सै तुहांजो परमेशरा रे नजदीक ल्याई सक्को। तिसरी शारीरिक मौत त हुईगी, पर सै परमेशरा रिया आत्मा रे जरिये जिऊंदा कित्या गया।

1 यूहन्ना 5:6

ये सैई यीशु मसीह आ तिसजो जे परमेशरे संसारा च भेज्या, कने तिने पाणिये ते बपतिस्मा लैया कने बाद बिच ताहली जे सै मरया तां तिसरा खून बहाया गया। न सिर्फ तिने बपतिस्मा लैया पर क्रूसा पर खून बहाई ने मरया।