इब्रानियों 1:14 - बिलासपुरी नौआं नियम

¹⁴ तां स्वर्गदूत क्या कराँ ये? सै सारे सिर्फ परमेशरा रेई सेवक ये तिसजो जे परमेशर छुटकारा पाणे औल़यां रा ख्याल रखणे खातर भेज्जां।

इब्रानियों 1:14 ပူးပေါင်းရင်းမြစ်များ

मत्ती 1:20

पर ताहली जे यूसुफ इस बारे च सोच्ची कराँ था, तां परमेशरा रा इक दूत सपने च तिसरे सामणे आया कने तिसने बोलणे लगया, “ओ यूसुफ! तू सै जे दाऊद राजे रे खानदाना ते आ, मरियमा जो अपणी घरा औल़ी बनाणे ते मत डर, काँह्भई सै बच्चा जे तिसारे पेट्टा चा सै पवित्र आत्मा रिया सामर्था ते आ।

मत्ती 13:41

माहणुये रे पुत्रा यनि मांह अपणे स्वर्गदूत भेजणे, कने तिन्हां तिसरे राज्जा ते सारे पापियां जो कने तिन्हांजो सै जे लोकां जो कुकर्म करने जो मजबूर कराँ ये,

मत्ती 18:10

इस खातर देक्खा, तुहें मेरे इन्हां मासूम चेलयां चते किसी जो बी घटिया नीं समझयां; हऊँ तुहांजो दस्सां भई तिन्हारी हिफाज़त करने औल़े स्वर्गदूतां री पहुँच स्वर्गा च मेरे पिता ले सदा बणीरी रैईं।

मत्ती 2:13

ताहली जे जोतषी चलीगे, तां यूसुफा जो सुफने च परमेशरा रे इक्की दूते दर्शण देईने बोल्या, “उट्ठ बच्चे जो कने तिसरिया मौआ जो लेईने चुपचाप मिस्र देशा जो चली जा; कने तदुआं तक जे हऊँ तिज्जो नीं बोलूं, तू ऊत्थी रुकयां; काँह्भई हेरोदेस राजा इस बच्चे जो मरवाणे खातर टोल़ी कराँ।”

मत्ती 24:31

तिस जोरा रिया अवाज़ा च बजणे औल़े बाजयां सौगी अपणे स्वर्गदूत भेजणे, कने तिन्हां सारिया धरतिया परा ते अपणे चुणीरे लोक कट्ठे करने।

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

मत्ती 4:11

फेरी शैतान तिस्सो छड्डिने चलिग्या, कने स्वर्गदूत आईने तिसरी सेवा करने लगे।

मरकुस 10:17

कने तंजे सै तित्थी ते निकल़ीने रस्ते च जाये रां था, तां इक माहणु तिसलौ दौड़दा-दौड़दा आया, कने तिसरे सामणे गोडे टेक्कीने तिस्सो पुच्छया, “हे अव्वल गुरू, अनन्त जीवन पाणे रे खातर हऊँ क्या करूँ?”

लूका 1:19

फेरी स्वर्गदूते तिसजो जबाब दित्या, “मेरा नौं जिब्राईल आ, हऊँ साक्षात परमेशरा रिया हजूरिया च खढ़िरा रेआं, तिने इ मिन्जो तुन्हांने गल्ल बात करने कने तिज्जो ये खुशखबरी सुनाणे खातर भेजीरा।

लूका 1:23

ताहली जे जकर्याह री सेवा रे दिन पूरे हुईगे, तां सै यरूशलेम छड्डिने अपणे घरा जो चलिग्या।

लूका 16:22

बाद बिच, येढ़ा हुआं भई लाजर मरी जां कने स्वर्गदूत तिसरिया आत्मा जो अहांरे पूर्वज अब्राहमा सौगी रैहणे खातर लेई जांये। फेरी इक दिन सै अमीर माहणु बी मरया; कने दबाई दित्या जां।

लूका 2:13

ताहली इकदम तिस स्वर्गदूता सौगी मते स्वर्गदूतां री मण्डली हुईगी कने सै परमेशरा रा गुणगान करदे सुझया कराँ थे, सै येढ़ा गाया कराँ थे भई,

लूका 2:9

तिसा राति जो प्रभुये रा इक स्वर्गदूत तिन्हारे सामणे आईने खड़ीग्या कने तिन्हारे चऊँ पासयां परमेशरा रा तेज हुईग्या कने सै बड़े भरी डरीगे।

प्रेरितां 11:22

ताहली जे तिन्हांरी चर्चा यरूशलेम रे विश्वासियें सुणी, तां तिन्हें बरनबास जो अन्ताकिया नगरा च भेजित्या।

प्रेरितां 12:23

ताहलूं इ प्रभुये रे इक्की स्वर्गदूते तिस्सो सजा दित्ति कने सै बमार हुईग्या, काँह्भई तिने परमेशरा जो महिमा नीं दित्ति कने तिसजो गुज्जे पै कने सै पीड़ा रे मारे मरीग्या।

प्रेरितां 12:7

फेरी अचानक, प्रभुये रा इक स्वर्गदूत तित्थी पतरसा ले आईने खड़ा हुईग्या कने तिसा ओवरिया च जोति चमकी, कने तिने पतरसा रिया बखिया पर हाथ मारीने तिस्सो ठुआली ने गलाया, “उट्ठ, छोड़े कर।” कने तिसरे हत्था ते जंजीराँ खुल्ही ने पई गियां।

प्रेरितां 13:2

तां जे सै उपवासा सौगी अराधना करया राँ थे, तां पवित्र आत्मे गलाया, “मेरे खातर बरनबास कने शाऊला जो तिसा सेवा खातर लग करा तिस खातर जे मैं तिन्हांजो चुणीरा।”

प्रेरितां 16:26

इतणे च अचानक बड्डा हिलण हुआ, येत्थी तका भई जेलखान्ने री निऊँआ तका हिली गी, कने ताहलूं इ सब दरवाजे खुलीगे; कने सब्बीं रे बन्धन खुलीगे।

प्रेरितां 27:23

काँह्भई परमेशर तिस राजे हऊँ आ, कने तिसरी सेवा कराँ, तिसरे स्वर्गदूते पिछलिया राति मेरले आईने गलाया,

प्रेरितां 5:19

पर राति जो प्रभुये रे इक्की स्वर्गदूते जेल्ला रे दरवाजे खोली ने तिन्हांजो बाहर लयाई ने गलाया,

रोमियो 11:14

ताकि इस आशा ने भई हऊँ अपणे लोकां च बी जल़ण पैदा करी सक्कूं कने तिन्हां चते कईयां लोकां रा छुटकारा करी सक्कूं।

रोमियो 13:6

इस खातर तुहांजो टैक्स बी देणा चाहिन्दा, काँह्भई अधिकारी परमेशरा रे सेवक ये सै जे अपणे फर्जां जो पूरा करने च समर्पित रैं।

रोमियो 15:16

ताकि हऊँ होरीं जातियां रे खातर यीशु मसीह रा सेवक हुईने इक याजका रा काम्म कराँ, तियां जे हऊँ खुशखबरिया रा प्रचार करीने सेवा कराँ। इस तरिके ने हऊँ अन्यजाति लोकां जो परमेशरा जो खुश करने औल़ी इक भेन्टा साई तिसले ल्याई सक्कूँ, काँह्भई पवित्र आत्मे तिन्हांजो पवित्र कित्तिरा।

रोमियो 15:27

हाँ, तिन्हें ये खुशिया ने कित्या, कने सै यरूशलेम च रैहणे औल़यां रे कर्जदार ये। काँह्भई जे अन्यजातियां रे लोक यहूदियां री आत्मिक आशीषां च हिस्सेदार हुये, तां तिन्हाजो बी जरूरी आ भई तिन्हारे खातर बी संसारिक सुख जुटाणे चाहिन्दे।

रोमियो 8:17

काँह्भई अहें तिसरे बच्चे, इस खातर सै आशीष जे परमेशर अपणे लोकां खातर रखां तिसजो अहां पाणा, कने मसीह रे खातर बी सै जे परमेशरे रखीरा, तिस्सो बी अहां मसीह ने सौगी पाणा; काँह्भई जे अहें मसीह साई दुख सैं तां अहां बी तिस सौगी महिमा पाणी।

1 कुरिन्थियों 1:21

काँह्भई तंजे परमेशरा रे ज्ञाना रे मुतावक संसारे ज्ञाना ते परमेशरा जो नीं जाणया, तां परमेशरा जो ये खरा लगया भई इस प्रचारा रिया मूर्खता रे जरिये विश्वास करने औल़यां जो छुटकारा देओ।

2 कुरिन्थियों 9:12

काँह्भई दान देणे रिया सेवा जो पूरा करने ते नां सिर्फ परमेशरा रे लोकां री जरूरत पूरी हुआं इ, पर सै लोक खुशिया ने परमेशरा रा बौहत धन्यवाद कराँ ये।

गलातियां 3:29

कने काँह्भई तुहें मसीह रे, तां फेरी तुहें अब्राहम रे वंश ये, कने परमेशरे सै जे वायदा अब्राहमा ने कित्या था, तिस वायदे रे बारस बी ये।

गलातियां 3:7

तां फेरी तुहें ये समझी लेणा चाहिन्दा, भई अब्राहम री असली औलादां सैई हाईयां सै जे परमेशरा पर विश्वास कराँ ये।

गलातियां 3:9

इस खातर सै लोक सै जे विश्वास कराँ ये, विश्वासी अब्राहमा सौगी आशीष पायें।

इफिसियां 3:6

कने भेत येआ भई मसीह यीशुये च खुशखबरिया रे जरिये यहूदियां साई अन्यजाति लोकां बी आशीष पाणी, कने अन्यजाति कने यहूदी इक शरीरा साई हुणे कने परमेशरा रे कित्तिरे वायदे रे साझी हुणे।

फिलिप्पियां 2:17

जे मिन्जो तुहांरे विश्वास रुपी बलिदान्ना कने सेवा सौगी अपणा खून बी बहाणे पौ तां बी मिन्जो खुशी हूणी, कने तुहां सब्बीं सौगी मौज कराँ।

फिलिप्पियां 2:25

हऊँ ये जरूरी समझां भई इपफ्रदीतुस जो तुहांले भेज्जूँ सै जे मेरा भाई कने मेरे सौगी काम्म करने औल़ा, कने सै जे मेरे सौगी इक सैनका साई आ, सै जे तुहांरा बी सनेहा देणे औल़ा, तिस्सो जे तुहें मेरियां जरूरतां रा ख्याल रखणे रे खातर मेरले भेज्या था।

2 थिस्सलुनीकियां 1:7

कने तुहें सै जे पीड़ा सैयां राँये कने अहांजो बी तिस चैन देणा। ये तिस वगत हूणा ताहली जे प्रभु यीशुये अपणे सामर्थी दूतां सौगी, भड़की रिया अग्गी च स्वर्गा ते प्रगट हूणा,

तीतुस 3:7

ताकि अहें तिसरे अनुग्रह रे जरिये परमेशरा रिया नज़राँ च धर्मी बणी सक्को, कने अनन्त जीवन पाणे रे खातर आशा करी सक्को, सै जे परमेशरे अहांजो देणे रा वायदा कित्तिरा।

इब्रानियों 10:11

हरेक याजक खड़ा हुईने हर रोज अपणे धार्मिक कम्मां जो पूरा कराँ। सै बार-बार इक जेईयां बल़ियां चढ़ां सै जे पापां जो कदी दूर नीं करी सकदियां।

इब्रानियों 2:3

तां अहां लोकां जो बी पक्का सजा मिलणी जे अहें बड्डे छुटकारे ते बेफिक्र रैं। प्रभु यीशु मसीह खुद इस छुटकारे रे बारे च पैहले बोल्या था कने तिस्सो सुणने औल़यां चेलयां रे जरिये अहांजो सच्चा साबित हुया।

इब्रानियों 5:9

ताहली जे तिने बो सब कित्या सै जे तिस्सो करना चाहिन्दा था, तां सै तिन्हां सारयां रे खातर सदा काल रे छुटकारे री वजह बणया सै जे तिसरे हुक्मां जो मन्नां ये।

इब्रानियों 6:12

तां तुहें सुस्त नीं बणने। पर तुहें तिन्हांरा अनुशरण करगे सै जे अपणे विश्वास कने धैर्य रिया वजह ने परमेशरा रे वायदयां रे बारस हुणे।

इब्रानियों 6:17

इस खातर परमेशरे बी कसम खाद्दि, ये करने रे जरिये तिने तिन्हां लोकां जो ये दिखाणा चाहया तिसते जे वायदा कित्तिरा था भई सै वायदा जे तिने कित्तिरा सै तिस्सो पूरा करगा।

इब्रानियों 8:6

पर हुण जो याजकां री सेवा यीशुये जो दित्ति गईरी सै पुराणे याजकां रिया सेवा ते बी बधीने इ, काँह्भई सै तिसा वाचा रा जे बिचौल़िया सै पुराणिया वाचा ते उत्तम आ कने उत्तम वायदयां पर अधारित आ।

इब्रानियों 9:28

इस खातर तियां इ मसीह इक इ बार कई माहणुआं रे पापां जो दूर करने खातर बलिदान हुया था। कने सै पापां जो दूर करने रे खातर नीं, पर तिन्हां लोकां रा छुटकारा करने रे खातर मसीहे दोवारा औणा, सै जे तिसरा बेसब्रिया ने इन्तजार करया राँये।

याकूब 2:5

मेरे प्यारे साथी विश्वासियो, ध्याना ने सुणा, क्या परमेशरे तिन्हां लोकां जो नीं चुणीरा, सै जे संसारा रिया नजरां च गरीब ये, ताकि सै विश्वासा च अमीर हुई जो कने तिस राज्जा रे बारस बणो, तिसजो जे परमेशरे अपणयां भगतां जो देणे रा वायदा कित्तीरा?

1 पतरस 1:12

पर परमेशरे इन्हां भविष्यवक्तयां जो परगट कित्या भई तिन्हांरा सन्देश तिन्हांरे फायदे रे खातर नीं था बल्कि तुहांरे खातर था। सै सन्देश यीशु मसीह री खुशखबरी आ तिसजो जे हुण तुहें सुणीरा। परमेशरे अपणे पवित्र आत्मा जो स्वर्गा ते इस खातर भेज्या ताकि सै खुशखबरिया रा प्रचार करने च लोकां री मदद करी सक्को। इन्हां गल्लां जो स्वर्गदूत बी बेसब्रिया ने देखणे री इच्छा रक्खां ये।

1 पतरस 1:4

कने अहें तिसा विरासता जो पाई सक्को तिसजो जे परमेशरे अपणयां लोकां रे खातर रखीरा। तिने तुहांरे खातर बी स्वर्गा च रखीरा तित्थी जे सै कदी सड़नी नीं, कदी बिगड़नी नीं, कदी मिटणी नीं।

1 पतरस 3:7

तियां इ पतियो, तुहें बी अपणी पत्नियां रा आदर करा कने तिन्हांने समझदारिया ने बर्ताव करा तियां जे तुहें कट्ठा जीआ राँये, काँह्भई सै तुहां साई मजबूत निआं, पर तुहें कने सै परमेशरा रे जीवना रे बरदाना च बराबरिया रे वारस ये। येढ़ा करने ते तुहांरियां प्राथनां रे जबाबां च अड़चन नीं औणी।

यहूदा 1:14

हनोक बी सै जे आदमा ते सतवियां पीढ़ियां च था, इन्हांरे बारे च भविष्यवाणी किति थी, “देक्खा, प्रभु अपणे हज़ाराँ-हज़ाराँ पवित्र दूतां सौगी आया रां,

प्रकाशितवाक्य 5:6

फेरी मैं तिस संघासणा कने चऊँ प्राणियां कने तिन्हां प्राचीनां रे बिच्च, मन्नो इक बध कित्तिरा मेमना खड़ा देख्या। तिसरे सात्त सिंग कने सात्त आक्खीं थिआं; ये परमेशरा रियां सात्त आत्मा ईं, सै जे सारिया धरतिया पर भेज्जी गईयां।