गलातियां 6:8 - बिलासपुरी नौआं नियम

⁸ काँह्भई सै जे अपणे पापी स्वभावा रे मुतावक जीआं, तिसरा तिसरे पापी स्वभावा रिया वजह ने नाश हूणा, पर सै जे पवित्र आत्मा रिया अगुवाईया च चलां, तिस पवित्र आत्मा रिया वजह ने अनन्त जीवन पाणा।

गलातियां 6:8 ပူးပေါင်းရင်းမြစ်များ

मत्ती 19:29

कने तिन्हे जे मेरे खातर अपणा घर-बार, या भाईयां, या बैहणां, या माता-पिता, या बच्चे, या खेतां जो छड्डीतरा, तिसजो सौ गुणा मिलणा, कने परमेशरा तिसजो अनन्त जीवना रा बारस बनाणा।

मत्ती 25:46

फेरी इन्हां बुरयां लोकां अनन्त काल री सजा भुगतणी कने धर्मी लोकां अनन्त काल री जिन्दगी पाणी।”

लूका 18:30

कने तिन्हां इस जुगा च छड्डीरे ते कई गुणा जादा पाणा; पर औणे औल़े युगा च तिन्हां परमेशरा ने सौगी अनन्त काल रा जीवन पाणा।”

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 4:36

बढाई करने औल़ा अपणी मजदूरी पां, कने अनन्त जीवना खातर फसल कठेराँ, ताकि फसल बाहणे औल़ा कने बढणे औल़ा ये दोन्नों मिलीने मौज करो।

यूहन्ना 6:27

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”

रोमियो 13:14

बल्कि प्रभु यीशु मसीह साई जीओ, कने जिस्मा री इच्छां जो पूरा करने री कोशिश नीं करा।

रोमियो 6:13

कने अपणे शरीरा रे अंगाँ जो अधर्मा रे कम्मां खातर पापां रे हवाले नीं करा, वल्कि मुड़दयां चते जिऊंदा हुणे साई परमेशरा रे हवाले करा, कने अपणे शरीरा रे अंगाँ जो धार्मिकता रे कम्मां खातर परमेशरा जो सौंपा।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

रोमियो 8:13

काँह्भई जे तुहें अपणे पापी स्वभावा रे मुतावक जींगे तां मरगे, पर जे तुहें पवित्र आत्मा रे मुतावक अपणे पापी स्वभावा रे कम्मां जो मारगे तां तुहां जिऊंदा रैहणा।

रोमियो 8:6

जे अहांरा मन अहांरे पापी स्वभावा रे जरिये चलां तां अहां मरना, पर जे अहांरा मन आत्मा रे जरिये चलां तां अहांले जीवन कने शान्ति हूणी।

1 कुरिन्थियों 15:42

मुड़दयां रा जिऊंदा हूणा बी येढ़ा इ हया। देह नाशवान दशा च दफनाई जाईं, कने अविनाशी रुपा च जिऊंदा हुई जांई।

गलातियां 6:7

धोखा नीं खावा; परमेशरा जो कोई बुद्धु नीं बणाई सकदा, काँह्भई माहणुये तेढ़ा जे बाहणा, तेढ़ा इ लुणना।

1 तिमुथियुस 1:16

पर माह पर इस खातर दया हुई भई मुझ सब ते बड़े पापिये च यीशु मसीह अपणी पूरी सहनशीलता दस्सो, भई सै जे लोक तिस पर अनन्त जीवना खातर विश्वास करगे तिन्हां खातर हऊँ इक आर्दश बणुँ।

तीतुस 3:7

ताकि अहें तिसरे अनुग्रह रे जरिये परमेशरा रिया नज़राँ च धर्मी बणी सक्को, कने अनन्त जीवन पाणे रे खातर आशा करी सक्को, सै जे परमेशरे अहांजो देणे रा वायदा कित्तिरा।

याकूब 3:18

सै लोक जे मेल करवां ये, सै शान्तिया रा ब्यू बांयें कने भलाईया री फसल लुणा यें।

2 पतरस 2:12

पर ये लोक त नासमझ जानबराँ साई ये सै जे पकड़े जाणे कने मारे जाणे रे खातर पैदा हुईरे; कने तिन्हां गल्लां जो जे जाणदे तक नींये तिन्हांरे बारे च बुरा-भला गल्लां ये, तिन्हां जंगली जानबराँ साई नाश हुई जाणा।

2 पतरस 2:19

ये झूट्ठे शिक्षक लोकां जो बोलां ये: अहें तुहांजो वायदा कराँ ये भई तुहें अजाद हुणे, पर सै खुद बुरे बर्तावा रे गुलाम ये तिस जे तिन्हांजो नाश करी देणा; काँह्भई इक माहणु तिसरा इ दास बणी जां तिसते जे सै हारी जां।

यहूदा 1:21

तुहांजो ये जाणदे हुये लगातार जीणा चाहिन्दा भई परमेशर तुहांजो प्यार कराँ। अहांरा प्रभु यीशु मसीह तुहांजो अनन्त जीवन देणे तक तुहें उम्मीदा सौगी इन्तजार करा। तिस ये करना काँह्भई सै तुहांजो प्यार कराँ।

प्रकाशितवाक्य 22:11

सै जे अन्याय कराँ, सै अन्याय इ करदा रौ; कने सै जे गन्दा, सै गन्दा इ बणीरा रौ; सै जे धर्मी आ, सै धर्मी बणीरा रौ; कने सै जे पवित्र आ, सै पवित्र बणीरा रौ।”