गलातियां 5:9 - बिलासपुरी नौआं नियम

⁹ येढ़ि सीख थोड़ा जेआ मलेड़ा गुन्हीरे सारे आट्टे जो मलेड़ा बणाई देआं।

गलातियां 5:9 ပူးပေါင်းရင်းမြစ်များ

मत्ती 13:33

तिने इक होर उदाहरण तिन्हांजो सणवाया : “स्वर्गा रा राज फैल्लीरे मलेड़े साई आ तिसजो किसी जनाने बौहत सारे आट्टे च मलाया कने तदुआं तक सै रखी रखया तदुआं तक जे सै सारे रा सारा आट्टा मलेड़ा नीं बणीग्या।”

मत्ती 23:33

तुहें बौहत धुर्त लोक ये! तुहें जहरीले सर्पा साई खतरनाक ये! तुहें कियां सोच्चील्या भई तुहां नरका री सजा भोगणे ते बची जाणा?

मरकुस 8:15

तिने तिन्हांजो खबरदार कित्या भई, “फरीसियां कने हेरोदेस रे मलेड़े ते कने तिन्हांरे अविश्वासा कने झुट्ठिया शिक्षा ते बचीने रौआ।”

लूका 12:1

इतणे च ताहली जे हजाराँ रे हसाबे लोक कट्ठे हुईगे, येत्थी तक भई लोक इक्की दुज्जे जो धक्का मुक्की करने लगे, तां यीशु सब्बींते पैहले अपणे चेलयां खा मुड़या कने बोलणे लगया, “फरीसियां रे मलेड़े ते यनि तिन्हांरे दिखावटी कम्मां ते अप्पूँजो बचाईने रक्खा।

लूका 13:21

सै तिस मलेड़े साई आ, तिसजो जे किसी जनाने बौहत सारे आट्टे च मेल़या। इयां त आट्टा मलेड़े रे मुकावले कई गुणा जादा था, पर तिने मलेड़े तिस सारे आट्टे रा मलेड़ा इ बणाईत्या।”

1 कुरिन्थियों 15:33

इन्हां गल्लां रे जरिये धोखा नीं खाणा, “बुरी संगती खरे चरित्रा जो बगाड़ी देईं।”

2 तिमुथियुस 2:17

कने तिन्हांरी शिक्षा सड़ीरे जख्मा साई फैलदी जाणी कने आखिर च लोकां रे विश्वासा जो नाश करगी; हुमिनयुस कने फिलेतुस तिन्हां चते दो लोक ये सै जे इस तरिके री शिक्षा दें।