गलातियां 5:7 - बिलासपुरी नौआं नियम

⁷ तुहें त बौहत अच्छे ढंगा ने अपणे आत्मिक जीवना च बधया राँ थे, हुण तुहांजो किने रोकील्या ताकि तुहें सच्चाईया जो नीं मन्नो?

गलातियां 5:7 ပူးပေါင်းရင်းမြစ်များ

मत्ती 13:21

पर वचन तिन्हांरे दिलां री गहराईया तक नीं जान्दा, सै सिर्फ किछ वगता खातर विश्वास कराँ ये। सै तिन्हां बुटयां साई हुआं ये तिन्हांरियां जड़ां जे डुग्गियां नीं हुन्दियां; ताहली जे कोई दुज्जा तिन्हां सौगी बुरा बर्ताव करो या परमेशरा रे बचना पर विश्चास करने रिया वजह ने तिन्हांजो परेशान करो, तां सै लोक परेशान हुईने इकदम बचना पर विश्वास करना छड्डी दें।

प्रेरितां 6:7

परमेशरा रा वचन फैलदा गया कने यरूशलेम च चेलयां री गिणती बौहत बधदी गई; कने बौहत सारे यहूदी याजकें यीशु मसीह पर विश्वास कित्या।

रोमियो 10:16

पर सारयां तिसा खुशखबरिया पर विश्वास नीं कित्या : यशायाह भविष्यवक्ता बोलां, “प्रभु, अहांरे सन्देशा पर कोई विश्वास नीं करदा”

रोमियो 15:18

काँह्भई हऊँ सिर्फ तिन्हां गल्लां जोई बोलणे री हिम्मत करी सक्कां सै जे मसीहे अन्यजातियां बिच परमेशरा जो मनणे खातर मेरे जरिये कित्या। सै तिने वचन कने कर्मा रे जरिये,

रोमियो 16:26

पर परमेशरा रे हुक्मा ते भविष्यवक्तयां रे लेखां रे जरिये हुण अहांजो कने अन्यजातियां जो प्रचार करीने दस्सीत्या, ताकि सारी जातियां विश्वास करी सक्को कने तिसरी आज्ञा मन्नी सक्को।

रोमियो 2:8

पर सै लोक जे अपणे स्वार्था रिया वजह ने सच्चाईया जो छड्डिने झूट्ठा पर विश्वास कराँ यें, परमेशरा तिन्हां पर गुस्से हुईने तिन्हारा न्याय करना।

रोमियो 6:17

तुहें पैहले पापा रे दास थे, पर सै उपदेश जे तुहांजो सखाया गईरा था हुण तुहें अपणे पूरे दिला ने तिसरा पालन कित्या, इस खातर हऊँ परमेशरा रा धन्यवाद कराँ।

1 कुरिन्थियों 9:24

क्या तुहें नीं जाणदे भई दौड़ा च त सब दौड़ां ये, पर ईनाम इक्की जोई मिलां? इस खातर तुहें इयां दौड़ा भई ईनाम जित्तो।

2 कुरिन्थियों 10:5

कने इस खातर अहें लोकां रियां गल्लां रा कने तिस हरेक बिरोधा रा, सै जे परमेशरा रे ज्ञाना रे बिरोधा च खढ़िरा खण्डन कराँ ये; कने हर इक भावना जो कैद करीने मसीह रा आज्ञाकारी बणाई दें।

गलातियां 2:2

हऊँ परमेशरा रे दर्शणा रिया वजह ने ऊत्थी गया था। कने ताहली जे हऊँ तित्थी था, हऊँ कल्हिया जेईया कलीसिया रे अगुवेयां ने मिलया कने हऊँ अन्यजातियां रे बिच जिस खुशखबरिया रा जे प्रचार कराँ, तिसा इ खुशखबरिया रा मैं बखान कित्या। ताकि येढ़ा नीं हो भई सै काम्म जे मैं पिछले दिनां च कित्या था कने लगातार करदा रैहन्गा, सै बेकार नीं हुई जाओ।

गलातियां 3:1

अरे गलातिया रे विश्वासियो तुहें निरे मूर्ख ये! तुहांजो किने धोखा दित्या? तुहांजो त इसा गल्ला रा पूरा ब्योरा देईतरा था भई किसा वजह ने यीशु मसीह जो सब्बीं रे सामणे क्रूसा पर चढ़ाया था।

गलातियां 5:10

हऊँ प्रभु पर तुहांरे बारे च भरोसा रक्खां भई तुहांरा होर कोई विचार नीं हूणा; पर तुहांजो विचलित करने औल़ा चाये कोई बी हो, परमेशरा तिस्सो सजा देणी।

2 थिस्सलुनीकियां 1:8

कने सै जे परमेशरा जो नीं पछयाणदे कने अहांरे प्रभु यीशुये रे खुशखबरिया जो ग्रहण नीं करदे तिन्हाजो तिस सजा देणी।

इब्रानियों 11:8

विश्वासा रे जरिये इ ताहली जे परमेशरे अब्राहम जो येढ़िया जगह पर जाणे रे खातर सद्दया था, सै जगह जे बाद बिच वारिस रे रुपा च तिसजो मिलणी थी, हलाँकि सै ये जाणदा तक नीं था भई सै कित्ती जाया राँ, फेरी भीं तिने परमेशरा रा हुक्म मन्नया कने सै चली गया।

इब्रानियों 12:1

इस वजह ते ताहली जे बौहत लोकां रे विश्वासा रियां गवाहीयें अहांजो इतणे बड्डे बद्दल़ा साई घेरीरा ओ, तां औआ, हरेक रोकणे औल़ियां चिज़ां कने उलझाणे औल़यां पापां जो दूर करीने, तिसा दौड़ा च जे अहां दौड़णा तिसाजो धैर्य ने दौड़िये।

इब्रानियों 5:9

ताहली जे तिने बो सब कित्या सै जे तिस्सो करना चाहिन्दा था, तां सै तिन्हां सारयां रे खातर सदा काल रे छुटकारे री वजह बणया सै जे तिसरे हुक्मां जो मन्नां ये।

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,