गलातियां 5:3 - बिलासपुरी नौआं नियम

³ अपणा खतना करवाणे औल़े हर माहणुये जो, हऊँ इक बार भीं ते याद दिलाणा चाँह भई तिस्सो मूसा री सारिया व्यवस्था रा पालन करना जरूरी आ।

गलातियां 5:3 ပူးပေါင်းရင်းမြစ်များ

मत्ती 23:16

“तुहें अन्हे अगुवेयो सै जे माहणुआं रा मार्गदर्शन कराँ ये, तुहांरी सजा बौहत भयानक हूणी! सै बोलां ये भई जे कोई मन्दरा री सगन्द खाओ तां किछ निआं, पर जे कोई मन्दरा रे सोने री सगन्द खाओ तां सै तिसा सगन्दा रा पालन करने खातर मजबूर हुई जां।

मत्ती 23:18

तुहें ये बी बोलां ये भई जे कोई बेदिया री सगन्द खां तां किछ निआं, पर जे कोई बेदिया पर रखीरे चढ़ावे री सगन्द खां, तां सै तिसा खातर मजबूर हुई जां।

लूका 16:28

काँह्भई मेरे पांज्ज भाई ये, सै ऊत्थी जाईने तिन्हारे सामणे इन्हां गल्लां री चेतावनी देओ, येढ़ा नीं हो भई सै बी इसा पीड़ा रिया जगह च आओ।

प्रेरितां 15:1

फेरी किछ यहूदी विश्वासी यहूदिया प्रदेशा ते आईने विश्वासियां जो सखाणे लगे : “जे मूसा री रितिया पर तुहांरा खतना नीं हुईरा हो तां तुहें छुटकारा नीं पाई सकदे।”

प्रेरितां 2:40

पतरसे होर बौहत गल्लां ते बी गवाही देई-देईने समझाया भई “अप्पूँजो इसा टेढिया जातिया ते बचाओ।”

प्रेरितां 20:21

पर यहूदी कने यूनानी लोकां रे सामणे गवाही देन्दा रैया भई परमेशरा खौ मन फिरावा कने अहांरे प्रभु यीशु मसीह पर विश्वास करना चाहिन्दा।

रोमियो 2:25

जे तू व्यवस्था रा पालन कराँ, तां खतने रा फायदा त हाया, पर जे तू व्यवस्था जो तोड़ां, तां तेरा खतना बिणा खतना हुईरे माहणुये साई आ।

गलातियां 3:10

पर सै लोक सै जे व्यवस्था पालन करने पर भरोसा रक्खां ये, सै त शरापा रे बशा चे। पवित्रशास्त्रा च लिखिरा : “येढ़ा हरेक माहणु शापित आ सै जे व्यवस्था रिया कताबा च लिखी रिया हर गल्ला रा हमेशा पालन नीं करदा।”

गलातियां 5:2

सुणा! हऊँ, पौलुस खुद तुहांजो बोल्ली कराँ भई जे परमेशरा रे सामणे धर्मी हुणे रे खातर तुहें अपणा खतना करवांगे, तां तुहांरे खातर मसीह रा कोई मतलब नीं हूणा।

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

इफिसियां 4:17

इस खातर मिन्जो प्रभुये रे दित्ते गये अधिकारा ने हऊँ ये बोलां भई तुहें अविश्वासियां साई जिन्दगी नीं जीआ तिन्हांरी सोच जे बेकार इ।

1 थिस्सलुनीकियां 4:6

भई इसा गल्ला च कोई अपणे विश्वासी भाईये रे बरोधा च पाप नीं करो, कने नां तिसरा गल़त फायदा लौ, काँह्भई प्रभु यीशुये तिन्हां सारयां जो सजा देणी सै जे इस तरिके रे काम्म कराँ ये; तियां जे भई अहें तुहां लोकां जो साफ शब्दां च समझाई चुक्कीरे।

1 यूहन्ना 4:14

कने अहें पुत्रा जो देखीरा कने तिसरी गवाही दें भई पिता परमेशरे अपणे पुत्रा जो संसारा रे लोकां जो छुटकारा देणे रे खातर भेज्या।