गलातियां 5:23 - बिलासपुरी नौआं नियम

²³ नम्रता कने आत्म संयम आ। येढ़ियां गल्लां रे बरोधा च कोई व्यवस्था नीं।

गलातियां 5:23 ပူးပေါင်းရင်းမြစ်များ

प्रेरितां 24:25

ताहली जे सै धर्मिकता, कने संयम, कने औणे औल़े न्याय रे बारे च चर्चा करया राँ था, तां फेलिक्स डरा रे मारे जवाब दित्या, “हुण तू जा; मौका देखीने हऊँ तिज्जो फेरी सदगा।”

1 कुरिन्थियों 9:25

हरेक पैहलवाण सब प्रकारा रा संयम कराँ; सै त इक मुर्झाणे औल़े मुकटा जो पाणे खातर ये सब किछ कराँ ये, पर अहें त तिस मुकटा खातर कराँ ये सै जे मुर्झान्दां निआं।

गलातियां 5:18

पर जे तुहें पवित्र आत्मा रे मुतावक चलां ये, तां फेरी व्यवस्था रे अधीन नीं रैहन्दे।

1 तिमुथियुस 1:9

अहें ये बी जाणाँ ये भई व्यवस्था धर्मी माहणुये खातर नीं पर तिन्हांरे खातर इ सै जे परमेशरा रिया व्यवस्था जो नीं मनदे, भगती हिनां, पापियां, अपवित्र कने अशुद्ध माहणुआं, माता-पिता रा खून करने औल़यां, हत्यारयां,

तीतुस 1:8

पर तिस्सो मेहमान्नां रा आदर खातर करने औल़ा, भले काम्म करने औल़ा, अपणियां भावनां पर काबू रखणे औल़ा, न्यायी, पवित्र कने अनुशासित हूणा चाहिन्दा।

तीतुस 2:2

बजुर्गां जो अनुशासित कने हरेक हालता च अपणे बर्ताव कने भावनां जो काबू करने खातर कने ईज्जतदार हुणे खातर, कने विश्वास, प्यार, कने धीरजा च मजबूत हुणे खातर निर्देश देओ।