गलातियां 5:11 - बिलासपुरी नौआं नियम

¹¹ पर मेरे साथी विश्वासियो, जे हऊँ हुण तक खतने रा प्रचार करदा, तां मिन्जो हुण तक सताया नीं जान्दा, जे हुण तक हऊँ मसीह रे क्रूसा ते इलावा खतने रिया जरूरता रा प्रचार करदा हुन्दा, तां हऊँ यहूदियां जो नराज नीं करदा।

गलातियां 5:11 ပူးပေါင်းရင်းမြစ်များ

प्रेरितां 16:3

पौलुस री इच्छा थी भई सै तिसने सौगी चलो; कने सै जे यहूदी लोक तिन्हां जगहां च रौआं थे तिन्हां रिया वजह ते तिने तिसरा खतना कित्या, काँह्भई सै सब जाणाँ थे, भई तिसरा पिता यूनानी था।

प्रेरितां 21:21

तिन्हांजो तेरे बारे च बोल्ली तरा भई तू अन्यजातियां च रैहणे औल़े यहूदियां जो मूसा री व्यवस्था छडणे जो सखां ये, कने बोलां ये भई नां अपणे बच्चयां रा खतना करावा कने नां यहूदी रीति-रिवाजां परा चला।

प्रेरितां 21:28

कने रड़ाईने बोल्या “इस्राएल रे लोको, मद्‌द करा; ये सै माहणु आ, सै जे लोकां रे, कने व्यवस्था रे, कने इसा जगह रे बरोधा च हर जगह सब्बीं लोकां जो सखां, येत्थी तका भई यूनानियां जो बी मन्दरा च ल्याईने तिने इस जगह जो अपवित्र कित्तिरा।”

1 कुरिन्थियों 1:18

काँह्भई क्रूसा रा सन्देश नाश हुणे औल़यां रे खातर मूर्खता इ, पर अहां छुटकारा पाणे औल़यां रे खातर ये परमेशरा री सामर्थ इ।

1 कुरिन्थियों 1:23

पर अहें त तिस क्रूसा पर चढ़ाईरे मसीह रा सन्देश सुणवांये, सै जे यहूदियां रे खातर अपमान आ कने अन्यजातियां रे खातर मूर्खता इ;

1 कुरिन्थियों 15:30

कने अहें बी कजो हर वगत खतरे च पैईरे रैं?

गलातियां 2:3

पर तीतुस जो बी सै जे मेरे सौगी था कने सै जे यूनानी था, फेरी भीं तिस्सो खतना करने जो मजबूर नीं कित्या।

गलातियां 3:1

अरे गलातिया रे विश्वासियो तुहें निरे मूर्ख ये! तुहांजो किने धोखा दित्या? तुहांजो त इसा गल्ला रा पूरा ब्योरा देईतरा था भई किसा वजह ने यीशु मसीह जो सब्बीं रे सामणे क्रूसा पर चढ़ाया था।

गलातियां 4:29

कने तियां जे तिस बगत माहणुये रिया इच्छा रे मुतावक जम्मीरा, आत्मा रे मुतावक जम्मीरे जो सतां था, तियां इ हुण बी हुआं।

गलातियां 6:12

जितने लोक यहूदियां जो खुश करना चांये, सै तुहांजो खतना कराणे रे खातर मजबूर कराँ ये, पर सै येढ़ा सिर्फ इस खातर कराँ ये ताकि तिन्हांजो मसीह रे क्रूसा रिया वजह ने सताव नीं झेलणे पौ।

गलातियां 6:17

चिट्ठिया जो खत्म करदे हुये हऊँ तुहांजो विनती कराँ भई हुण मिन्जो कोई होर दुख मता देन्दे, काँह्भई सै दाग जे मेरे शरीरा पर ये सै ये दस्सां ये भई हऊँ यीशुये रा दास आ।