गलातियां 5:10 - बिलासपुरी नौआं नियम

¹⁰ हऊँ प्रभु पर तुहांरे बारे च भरोसा रक्खां भई तुहांरा होर कोई विचार नीं हूणा; पर तुहांजो विचलित करने औल़ा चाये कोई बी हो, परमेशरा तिस्सो सजा देणी।

गलातियां 5:10 ပူးပေါင်းရင်းမြစ်များ

प्रेरितां 15:24

“अहें सुणीरा भई अहां चते कंईंयें तित्थी आईने तुहांजो अपणियां गल्लां ते घबराई तरा; कने तुहांरे मन पुट्ठे करी तरे, पर अहें तिन्हांजो हुक्म नीं दित्तिरा था।

1 कुरिन्थियों 5:5

येढ़े माहणुये जो शैतान्ना जो सौंपया जाओ, ताकि तिसरा शरीर नाश हुईजो कने तिसरी आत्मा प्रभु यीशुये रे वापस औणे रे दिना च छुटकारा पाई सक्को।

2 कुरिन्थियों 1:15

मिन्जो निश्चा था भई तुहें अहांजो थोड़ा बौहत समझी चुक्कीरे, इस खातर मैं पैहले तुहांले औणा चाँह था ताकि मेरे दो बार औणे रा आशीर्वाद तुहांजो मिली सक्को।

2 कुरिन्थियों 10:2

किछ लोक ये बोलां ये भई अहें संसारा रे लोकां साई व्यवहार कराँ ये। इस खातर ताहली जे हऊँ तित्थी आऊँ, तां हऊँ उम्मीद कराँ भई हऊँ तिन्हांरे प्रति बीरता दस्सूं। हऊँ तुहांजो ये विनती कराँ भई ताहली जे हऊँ आऊँ, तां तुहांरे प्रति तेढ़ा व्यवहार नीं करने पौ।

2 कुरिन्थियों 10:6

ताहली जे तुहें पूरी तरह मसीह रे आज्ञाकारी हुई जांगे, तां हर तरह रा हुक्म नीं मनणे औल़े जो अहां सजा देणी।

2 कुरिन्थियों 13:10

इस खातर तुहां ते दूर हुन्दे हुये बी हऊँ इन्हां गल्लां जो तुहांजो लिखिराँ ताकि ताहली जे हऊँ तुहांले आऊं, तां मिन्जो प्रभुरे जरिये दित्तिरे अधिकारा ने तुहांजो नुक्शान पहुँचाणे नीं बल्कि तुहांरी आत्मिक बढ़ौतरिया रे खातर तुहांजो सख्ती नीं बरतणी पौ।

2 कुरिन्थियों 2:3

सैई गल्ल त मैं तुहांजो लिखी थी, ताकि ताहली जे हऊँ तुहांले आऊं तां तिन्हाते जे मिन्जो खुशी मिलणी चाहिन्दी थी, तिन्हांते मिन्जो दुख नीं मिलो; काँह्भई तुहां सब्बीं च मेरा इसा गल्ला रा भरोसा भई मेरिया खुशिया ची तुहें सारे बी खुश हुणे।

2 कुरिन्थियों 2:6

येढ़े माहणुये जो तुहां चते कई विश्वासियें सै जे सजा देईती, सैई काफी।

2 कुरिन्थियों 5:16

इस खातर हुण ते अहें किसी बी माहणुये रा न्याय संसारा रे नजरिये ने नीं करो। इक बगत था ताहली जे अहें मसीह रा न्याय बी संसारा रे नजरिये ने कित्या था। पर हुण अहें मसीह जो संसारा रिया नज़राँ ने नीं देखदे।

2 कुरिन्थियों 7:16

हऊँ खुश आ भई हऊँ तुहां पर पूरी तरह भरोसा करी सक्कां।

2 कुरिन्थियों 8:22

कने अहें तिन्हां सौगी इक होर विश्वासी भाईये जो बी भेज्जी राँये, तिसरी जे अहें बौहत बार कई गल्लां च जाँच कित्तिरी कने तिने कई बार अहांजो साबित कित्या भई सै मदद करने च बौहत उत्सुक आ। कने हुण तुहां पर तिस्सो बड़ा भरोसा, इसा वजह ने सै होर बी जादा जोशा चा।

गलातियां 1:7

असल च कोई दुज्जी खुशखबरी त हाई नीं, पर कई लोक येढ़े सै जे तुहांजो भरमाये रायें कने मसीह रिया खुशखबरिया च हेरा-फेरी करने रा जतन करया रायें।

गलातियां 2:4

पर ये तिन्हां झूठयां भाईयां रिया वजह ने समस्या हुई, सै जे अहांरे बिच चोराँ साई आईने घुसीगरे थे, भई तिसा अजादिया रा सै जे यीशु मसीह च अहांजो मिलीरी, तिसारा भेत पाईने अहांजो फेरी भीं यहूदी व्यवस्था रा दास बणाई सक्को।

गलातियां 2:6

पर तिन्हौं जे लोक अगुवे समझां थे (सै चाये केढ़े बी थे मिन्जो इसते किछ फर्क नीं पौन्दा, परमेशर किसी री तरफदारी नीं करदा) इन्हां अगुवेयां ते मिन्जो कोई नई गल्ल नीं मिली।

गलातियां 3:1

अरे गलातिया रे विश्वासियो तुहें निरे मूर्ख ये! तुहांजो किने धोखा दित्या? तुहांजो त इसा गल्ला रा पूरा ब्योरा देईतरा था भई किसा वजह ने यीशु मसीह जो सब्बीं रे सामणे क्रूसा पर चढ़ाया था।

गलातियां 4:11

तुहांरे बारे च हऊँ चिन्तित आ भई तुहांरे खातर सै जे काम्म मैं कित्तिरा, सै किति सारा वेकार त नीं हुईगरा।

गलातियां 4:17

व्यवस्था पर चलाणे औल़े तुहां च बौहत गैहरी रुची लें, पर तिन्हांरा मकसद ठीक निआं। सै तुहांजो माह्ते लग करना चाँये, ताकि तुहें तिन्हांरे चेले बणी जाओ।

गलातियां 4:20

हऊँ चाँह भई हुण तुहांले आई पुज्जुँ कने तुहांजो लग तरिके ने गल्ल-बात करूँ, काँह्भई हऊँ नीं समझी पाईराँ भई तुहांजो क्या बोलूं।

गलातियां 5:12

भला हुन्दा, भई सै जे तुहांजो गिराणा चाँये, सै अपणा अंग इ बड्डी लेन्दे।

गलातियां 5:7

तुहें त बौहत अच्छे ढंगा ने अपणे आत्मिक जीवना च बधया राँ थे, हुण तुहांजो किने रोकील्या ताकि तुहें सच्चाईया जो नीं मन्नो?

गलातियां 6:17

चिट्ठिया जो खत्म करदे हुये हऊँ तुहांजो विनती कराँ भई हुण मिन्जो कोई होर दुख मता देन्दे, काँह्भई सै दाग जे मेरे शरीरा पर ये सै ये दस्सां ये भई हऊँ यीशुये रा दास आ।

फिलिप्पियां 3:15

ताकि तिन्हां लोकां जो, सै जे अहां चते आत्मिक तौर पर परिपक्व ये, इस तरिके ने सोचणा चाहिन्दा, पर जे तुहां चते कोई बी इसते अलग सोच्चां, तां परमेशर तिसजो समझणे च तुहांरी मदद करगा।

2 थिस्सलुनीकियां 3:4

कने अहांजो प्रभुये च तुहां पर भरोसा भई जो किछ अहें तुहांजो करने जो बोल्या, तुहें तियां इ करया राँये, कने करदयां रैहणा।

1 तिमुथियुस 1:20

मैं तिन्हां चते हुमिनयुस कने सिकन्दर जो कलीसिया ते बाहर करित्या कने तिन्हांजो शैतान्ना जो सौपीत्या ताकि सै परमेशरा री निंध्या करना नीं सिखो।

फिलेमोन 1:21

मैं तिज्जो ये चिट्ठी लिखिरी काँह्भई मिन्जो भरोसा भई हऊँ तिज्जो जो करने खातर विनती करी रां सै तू करना। असल च हऊँ जाणाँ भई तू मेरिया विनतिया ते जादा करना।