गलातियां 5:1 - बिलासपुरी नौआं नियम

¹ मसीहे अजादिया रे खातर अहांजो मूसा रिया व्यवस्था ते अजाद कित्या; इस खातर तुहें ये निश्चा करी लवा भई तुहें अजाद ये, कने फेरी भीं अप्पूँजो व्यवस्था रा दास बनाणे री इजाज़त नीं देआ।

गलातियां 5:1 ပူးပေါင်းရင်းမြစ်များ

मत्ती 23:4

सै तुहां पर कई नियम लागू कराँ ये तिन्हांरा पालन करना जे कठण आ, सै लोकां जो तिन्हां पर चलने खातर मजबूर कराँ ये; पर सै खुद अपणे नियमां पर नीं चलदे।

लूका 5:38

अंगूरां रा नौआं रस मशकां ची भरना चाहिन्दा।

प्रेरितां 15:10

“फेरी हुण तुहें काँह परमेशरा जो परखां ये भई चेलयां रिया गर्दना पर येढ़ा जुंगड़ा रखो, तिस्सो जे अहांरे पूर्वज बी चक्की नीं सक्के कने नां अहें चक्की सक्कां ये?

रोमियो 6:14

फेरी तुहां पर पापां रा राज नीं हूणा, काँह्भई तुहें व्यवस्था रे सहारे नीं जिऊंदे वल्कि परमेशरा रे अनुग्रह रे सहारे जीआं ए।

रोमियो 6:18

कने हुण परमेशरे तुहांजो पापा रिया सामर्था ते अजाद कित्तिरा कने तुहें परमेशरा रे दास बणी चुक्कीरे, ताकि तुहें सै जे सही आ सै करी सक्को।

रोमियो 7:3

इस खातर जे पतिये रे जिऊंदा हुन्दे सै किसी दुज्जे माहणुये ने रिश्ता बणाई लो, तां तिसाजो बुरे चरित्रा औल़ी जनाना बोलां ये, पर जे तिसारा घराऔल़ा मरी जाओ, तां सै तिसा व्यवस्था ते छुटी जाईं, येत्थी तक भई जे सै किसी दुज्जे घरा बी बैठी जाओ तां बी सै व्यभिचारिणी नीं हुई।

रोमियो 7:6

पर व्यवस्था अहांरे ऊपर राज नीं करदी, अहें मूईरे लोकां साई ये कने ये अहांरे ऊपर कोई हक नीं जताई सकदी। हुण अहें लिखिरी पुराणी व्यवस्था रा पालन करीने नीं वल्कि आत्मा सौगी नये तरिके ने परमेशरा री सेवा करी सक्कां ये।

रोमियो 8:15

काँह्भई सै आत्मा जे तुहांजो मिलीरी, तुहांजो फेरी भीं दास बणीने डरने खातर नीं, वल्कि सै तुहांजो परमेशरा रे बच्चे बणाईं, तिसरे जरिये अहें परमेशरा जो, हे अब्बा, हे पिता करीने पुकाराँ ये।

रोमियो 8:2

काँह्भई पवित्र आत्मे अहांजो जीवन देआं सै जे यीशु मसीह ते औआं कने मिन्जो पाप कने मौती ते अजाद करी देआं।

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

1 कुरिन्थियों 16:13

जागदे रौआं, विश्वासा च बणीरे रौआ, निडर बणा, विश्वासा च मजबूत रौआ।

1 कुरिन्थियों 7:22

काँह्भई प्रभुये रे जरिये सद्दया जाणे रे वगत सै जे दास था, सै प्रभुये रे जरिये अजाद कित्या गईरा। तियां इ सै जे प्रभुये रे जरिये सद्दया जाणे रे वगत सै जे अजाद था सै मसीह रा दास आ।

2 कुरिन्थियों 11:20

काँह्भई जे कोई तुहांजो दास बणाये, तुहांरा शोषण करो, तुहांजो किसी जाल़ा च फसाये, अप्पूँजो तुहां ते बड्डा बणाये या तुहांरे मुँआं पर चपैड़ मारो, तां तुहें तिसजो सैहण करी लें।

2 कुरिन्थियों 3:17

प्रभु त आत्मा: कने तित्थी जे किति प्रभुरा आत्मा, तित्थी अजादी।

गलातियां 2:4

पर ये तिन्हां झूठयां भाईयां रिया वजह ने समस्या हुई, सै जे अहांरे बिच चोराँ साई आईने घुसीगरे थे, भई तिसा अजादिया रा सै जे यीशु मसीह च अहांजो मिलीरी, तिसारा भेत पाईने अहांजो फेरी भीं यहूदी व्यवस्था रा दास बणाई सक्को।

गलातियां 3:25

पर हुण मसीह आई चुक्कीरा कने अहें तिस पर विश्वास करी सक्कां ये, तां हुण अहांरा मार्गदर्शन कने अहांरी मदद करने खातर व्यवस्था री जरूरत नीं रैई।

गलातियां 4:26

पर स्वर्गा रा यरूशलेम अजाद जनाना सारा साई आ कने तिसरे बच्चे दास नींये। ये यरूशलेम अहां रिया माता साई आ।

गलातियां 4:31

इस खातर मेरे साथी विश्वासियो, अहें तिसा दासिया रे पुत्र नींये, बल्कि अहें त अजाद जनाना री सन्तान ये।

गलातियां 4:9

पर हुण परमेशरा सौगी तुहांरा रिश्ता, कने मिन्जो बोलणा चाहिन्दा भई परमेशरे तुहां सौगी रिश्ता बनाणे च पैहल कित्ती, तां तुहें तिन्हां कमजोर कने नकम्मी परम्परा खा जो कजो वापस जाया राँये? क्या तुहें भीं ते तिन्हांरे दास बणने री इच्छा कराँ ये?

गलातियां 5:13

पर मेरे साथी विश्वासियो, परमेशरे तुहांजो अजाद रैहणे रे खातर चुणीरा, पर येढ़ा नीं हो भई ये अजादी पापी स्वभावा जो पूरा जरने रे खातर अवसर बणो, इसरे बदले प्यारा रिया वजह ने अप्पूँ चियें इक्की दुज्जे री सेवा करा।

इफिसियां 6:14

इस खातर सच्चाईया रिया पेट्टिया ने अपणी कमर कस्सीने, कने धार्मिकता री झिलम पैहनीने,

फिलिप्पियां 1:27

सिर्फ इतणा करा भई तुहांरा चाल-चल़ण मसीह रिया खुशखबरिया रे लायक हो। भई चाये हऊँ आईने तुहांजो देखूँ, या नीं बी आऊँ, पर तुहांरे बारे च ये सुणुं भई तुहें इक्की मना च अटल कने इक जुट हुईने खुशखबरिया रे विश्वासा खातर खूब मेहणत करया राँये।

1 थिस्सलुनीकियां 3:8

हाँ, हुण अहें भीं साह लेईराँ ये काँह्भई अहें जाणीगे भई प्रभु च तुहें अटल खढ़िरे, ये अहांरे खातर नये जीवना साई आ।

2 थिस्सलुनीकियां 2:15

इस खातर अरे साथी विश्वासियो, मजबूत रौआ; कने सै शिक्षां जे तुहें वचना ते या चिट्ठियां रे जरिये अहांते सिखियां तिन्हां पर लगातार विश्वास करदे रौआ।

इब्रानियों 10:23

औआ, अहें लगातार अपणिया आशा जो मजबूतिया ने थम्मी रखिये सै जे अहें अंगीकार कित्तिरा, काँह्भई अहें जाणाँ ये भई सै काम्म जे परमेशरे करने रे खातर वायदा कित्तिरा तिस्सो सै करगा।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

इब्रानियों 3:6

पर मसीह पुत्रा साई परमेशरा रे लोकां खातर बफादार आ; कने सै अहें लोक ये। जे अहें लगातार हिम्मत रखिये कने आशा रे बारे च घमण्ड करो।

इब्रानियों 4:14

इस खातर औआ अहें अपणे विश्वासा जो मजबूतिया ने थम्मी रखिये। काँह्भई सै अहांरे खातर इक महायाजक आ, सै जे स्वर्गा च गईरा कने सै परमेशरा रा पुत्र यीशु मसीह आ।

1 पतरस 2:16

अजाद माहणुये साई जीओ, पर अपणिया इसा अजादिया जो बुराईया रे खातर आड मत बणावा; पर अप्पूँजो परमेशरा रे सेवक समझीने जीओ।

2 पतरस 2:19

ये झूट्ठे शिक्षक लोकां जो बोलां ये: अहें तुहांजो वायदा कराँ ये भई तुहें अजाद हुणे, पर सै खुद बुरे बर्तावा रे गुलाम ये तिस जे तिन्हांजो नाश करी देणा; काँह्भई इक माहणु तिसरा इ दास बणी जां तिसते जे सै हारी जां।

यहूदा 1:3

मेरे प्यारे मित्रो, हलाँकि हऊँ तिस छुटकारे रे बारे च तुहौं लिखणे री हर कोशिश करीराँ था, तिसच जे अहें सब शामिल ये, पर हुण मैं तुहांजो ये लिखणा कने विनती करना जरूरी समझया ताकि तुहें तिस विश्वासा रिया हिफाज़ता खातर पूरी कोशिश करगे सै जे इक इ बार हमेशा रे खातर परमेशरा रे लोकां जो सौंपया गया था।

प्रकाशितवाक्य 2:25

पर हाँ, सै जे तुहांले आ, तिस्सो मेरे औणे तक मजबूतिया ने थम्मी रखा।

प्रकाशितवाक्य 3:3

इस खातर याद कर भई तैं किस तरिके री शिक्षा पाई कने सुणी थी, तिस्सो मनदा रै कने मन फिरा। पर जे तू नीं जाग्या, तां मांह चोरा साई औणा, कने तू जाणी बी नीं पाणा भई मांह किस वगत तेरे लौ आई जाणा।