गलातियां 4:16 - बिलासपुरी नौआं नियम

¹⁶ तां क्या तुहांजो सच्च बोलणे रिया वजह ने हऊँ तुहांरा दुश्मण हुईगरा?

गलातियां 4:16 ပူးပေါင်းရင်းမြစ်များ

यूहन्ना 7:7

संसारा रे लोक तुहांजो बैर नीं करी सकदे, पर सै माहने बैर रक्खां काँह्भई हऊँ तिन्हांरे बरोधा च ये गवाही देआं भई तिन्हांरे काम्म बुरे।

यूहन्ना 8:45

पर हऊँ जे सच्च बोलां, तां इस खातर तुहें मेरा विश्वास नीं करदे।

गलातियां 2:14

मैं ताहली जे ये देख्या भई खुशखबरिया रिया सच्चाईया रे मुतावक सै सिधे रस्ते पर नीं चलीरे, तां मैं सारयां रे सामणे कैफा जो गलाया, “तां जे तू यहूदी हुईने बी अन्यजातियां साई जीवन जीआं, तां फेरी अन्यजातियां जो यहूदियां रे रीति-रिवाजा पर चलने जो कजो बोलां?”

गलातियां 2:5

पर अहें इक पल बी तिन्हांरे अधीन नीं हुये, ताकि तुहें लगातार खुशखबरिया रिया सच्चाईया च जी सक्को।

गलातियां 4:15

तिस वगत तुहें बौहत खुश थे! हुण तुहांरिया तिसा खुशिया जो क्या हुया? हऊँ तुहांरे खातर खुद इसा गल्ला रा गवाह भई जे मुमकिन हुन्दा, तां तुहें अपणियां आक्खीं बी नकाल़ीने मिन्जो देई देन्दे।

गलातियां 4:17

व्यवस्था पर चलाणे औल़े तुहां च बौहत गैहरी रुची लें, पर तिन्हांरा मकसद ठीक निआं। सै तुहांजो माह्ते लग करना चाँये, ताकि तुहें तिन्हांरे चेले बणी जाओ।

गलातियां 5:7

तुहें त बौहत अच्छे ढंगा ने अपणे आत्मिक जीवना च बधया राँ थे, हुण तुहांजो किने रोकील्या ताकि तुहें सच्चाईया जो नीं मन्नो?