गलातियां 4:12 - बिलासपुरी नौआं नियम

¹² मेरे साथी विश्वासियो हऊँ तुहांजो विनती कराँ भई अप्पूँजो व्यवस्था ते लग करा तियां जे मैं कित्ती रा, काँह्भई हऊँ व्यवस्था ते तुहां साई अजाद हुईरा। तुहें मेरा किछ बगाड़ीरा नींआ।

गलातियां 4:12 ပူးပေါင်းရင်းမြစ်များ

प्रेरितां 21:21

तिन्हांजो तेरे बारे च बोल्ली तरा भई तू अन्यजातियां च रैहणे औल़े यहूदियां जो मूसा री व्यवस्था छडणे जो सखां ये, कने बोलां ये भई नां अपणे बच्चयां रा खतना करावा कने नां यहूदी रीति-रिवाजां परा चला।

2 कुरिन्थियों 2:5

जे तुहां चते किन्हिये निराश कित्या, तां मिन्जो इ नीं बल्कि थोड़ा बौहत तुहां सब्बीं जो बी निराश कित्या। (इसते जादा किछ होर नीं बोलणा चाहन्दा)।

2 कुरिन्थियों 6:11

कुरिन्थ नगरा च रैहणे औल़े लोको, अहें तुहांजो किछ बी छुपान्दे नींये, काँह्भई अहें तुहांजो अपणे पूरे दिला ने प्यार कराँ ये।

2 कुरिन्थियों 6:13

तुहांजो अपणा बच्चा समझदे हुये हऊँ बोलीराँ भई तुहें बी अहांजो अपणे दिला ते प्यार करा।

गलातियां 2:14

मैं ताहली जे ये देख्या भई खुशखबरिया रिया सच्चाईया रे मुतावक सै सिधे रस्ते पर नीं चलीरे, तां मैं सारयां रे सामणे कैफा जो गलाया, “तां जे तू यहूदी हुईने बी अन्यजातियां साई जीवन जीआं, तां फेरी अन्यजातियां जो यहूदियां रे रीति-रिवाजा पर चलने जो कजो बोलां?”

गलातियां 4:11

तुहांरे बारे च हऊँ चिन्तित आ भई तुहांरे खातर सै जे काम्म मैं कित्तिरा, सै किति सारा वेकार त नीं हुईगरा।

गलातियां 4:13

तुहौं त याद हूणा भई हऊँ अपणे शरीरा री कमजोरिया रिया वजह ने पैहली बार तुहांले आया कने खुशखबरी सुणाई।

गलातियां 6:14

पर येढ़ा नीं हो भई हऊँ सिर्फ अहांरे प्रभु यीशु मसीह रे क्रूसा ते इलावा किसी होरी गल्ला पर घमण्ड करूँ। काँह्भई तिस क्रूसा रिया वजह ने हऊँ संसारा रे खातर कने संसार मेरे खातर मरया।

गलातियां 6:18

मेरे साथी विश्वासियो, अहांरे प्रभु यीशु मसीह रा अनुग्रह तुहां सब्बीं सौगी रौ। आमीन।