गलातियां 3:16 - बिलासपुरी नौआं नियम

¹⁶ तियां इ परमेशरे अपणे वायदे अब्राहम कने तिसरे बंशा ने कित्ते। पवित्रशास्त्र ये नीं बोलदा, “भई तेरे बंशां जो” सै जे बौहत लोकां रे बारे च बोलां, पर ताहली जे पवित्रशास्त्र बोलां “तेरे बंशा जो” ये इक्की माहणुये रे बारे च बोलां सै जे मसीह आ।

गलातियां 3:16 ပူးပေါင်းရင်းမြစ်များ

मत्ती 1:1

ये यीशु मसीह रे खानदाना री सूची, तिसरे पूर्वज जे राजा दाऊद कने अब्राहम आ।

लूका 1:55

तेढ़ा जे परमेशरे अहांरे पूर्वजां यनि अब्राहम कने तिसरे कुलबे रे परति सै जे वायदा कित्या था तिस्सो पूरा कित्या।”

प्रेरितां 3:25

तुहें सारे तिन्हां भविष्यवक्तयां रियां औल़ादां ये कने तिस वायदे रे सहभागी हुणे, तिस्सो जे परमेशरे तुहांरे पूर्वजां ने कित्तिरा, तां जे तिने अब्राहमा ने गलाया, ‘तेरे वंशा तेई धरतिया रेयां सारेयां घरान्नेयां आशीष पाणी।’

रोमियो 12:5

तियां इ हलाँकि अहें बौहत सारे, पर मसीह च अहें इक जिस्मा रे रुपा च हुई जायें, इस तरिके ने अहें सारे मसीह विश्वासी इक दुज्जे सौगी जिस्मा रे अंगा साई जुड़ी जायें।

रोमियो 4:13

ताहली जे परमेशरे ये वायदा अब्राहम कने तिसरे वंशां ने कित्या था भई तिस तिन्हांजो ये संसार देणा। ये वायदा इस खातर नीं कित्या गया था भई अब्राहमे व्यवस्था रा पालन कित्या था, वल्कि परमेशरा पर तिसरे विश्वासा रिया वजह ने सै धर्मी गिणया गया।

रोमियो 4:16

इस खातर, विश्वासा रे जरिये परमेशरा रा वायदा औआं, ताकि वायदा परमेशरा रे अनुग्रह रे जरिये अब्राहम रे सारे वंशां रे खातर पक्का हुई सक्को। न सिर्फ तिन्हां खातर सै जे व्यवस्था रा पालन कराँ ये बल्कि तिन्हां सारयां खातर बी सै जे अब्राहमा साई विश्वास रखां ये, सै जे अहां सारयां रा पूर्वज आ,

रोमियो 9:4

सै इस्राएली लोक ये, तिन्हांजो जे परमेशरे गोद लेईरा कने पुत्र हुणे रा अधिकार दित्तिरा, सै जे परमेशरा रिया महिमा रा दर्शण करी बैठिरे, सै जे परमेशरा रे करारा रे भागीदार ये, तिन्हांजो जे मूसा री व्यवस्था दित्ति गईरी कने सच्ची अराधना कने परमेशरा रे वायदे तिन्हांरे इ हाये।

1 कुरिन्थियों 12:12

काँह्भई तियां जे देह त इक इ कने तिसरे अंग बौहत ये, कने तिसा इक्की देहा रे बौहत अंग हुणे पर बी सब मिलीने इक इ देह इ, तियां इ मसीह बी आ।

1 कुरिन्थियों 12:27

इयां इ तुहें सब मिलीने मसीह री देह ये, कने लग-लग तिसरे अंग ये;

2 कुरिन्थियों 11:22

क्या सै इब्रानी ये? तां हऊँ बी इब्रानी आ। क्या सै इस्राएली ये? तां हऊँ बी इस्राएली आ। क्या सै अब्राहम रे बंशा रे? तां हऊँ बी अब्राहम रे बंशा रा।

गलातियां 3:19

फेरी भला व्यवस्था कजो दित्ति गई थी? लोक कितणे पापी ये, ये दसणे खातर व्यवस्था दित्ति गई थी, पर व्यवस्था तिस वंशा रे औणे तक बणीरी रौ तिसने जे वायदा कित्या गया था। परमेशरे अपणी व्यवस्था स्वर्गदूता रे जरिये मूसा जो दित्ति, सै जे परमेशर कने लोकां रे बिच इक बिचौल़िया था।

गलातियां 3:8

परमेशरे पवित्रशास्त्रा च पैहले तेई दस्सी तरा था, भई परमेशरा अन्यजातियां जो बी तिन्हांरे विश्वासा रे जरिये धर्मी बनाणा, इस खातर ये गल्लां हुणे ते पैहले परमेशरे पैहले तेई अब्राहमा जो ये खुशखबरी सुणाईती थी “सारी जातियां तेरे जरिये आशीष पाणी।”

इफिसियां 5:32

ये इक बौहत गैहरा भेत आ; पर ये हऊँ मसीह कने कलीसिया रे बारे च बोलां।

कुलुस्सियां 3:11

तिसच नांत यूनानी रैया, नां यहूदी, नां खतना, नां खतने ते बगैर, नां विदेशी कने नां असभ्य, नां दास कने इक अजाद माहणुये च कोई फर्क आ: सिर्फ मसीह सब किछ आ कने सारे विश्वासियां च तिसरा इ वास आ।