गलातियां 3:14 - बिलासपुरी नौआं नियम

¹⁴ मसीहे अहांजो इस खातर छडवाया भई अब्राहमा जो दित्तिरी आशीष मसीह यीशुये रे जरिये अन्यजातियां जो मिली सक्को, ताकि विश्वास करने रे जरिये अहें तिस पवित्र आत्मा जो पाई सक्को, तिसरा जे तिने अहांजो देणे रा वायदा कित्तिरा था।

गलातियां 3:14 ပူးပေါင်းရင်းမြစ်များ

लूका 11:13

जे तुहें बुरे हुईने अपणयां बच्चयां जो खरियां चिज़ां देणा जाणाँ ये, तां स्वर्गीय पिता अपणे मंगणे औल़यां जो पवित्र आत्मा काँह नीं देंगा।”

लूका 24:49

कने तिसरा वायदा जे मेरे पिता माहने कित्तिरा, तियां इ मांह बी तुहांरे खातर पवित्र आत्मा भेजणा, पर तदुआं तक जे परमेशर तुहांजो पवित्र आत्मा रिया सामर्था ने भरी नीं दो, तदुआं तक तुहें यरूशलेम ची रैयों।”

यूहन्ना 7:39

तिने ये बचन पवित्र आत्मा रे बारे च गलाया, तिस्सो जे तिस पर विश्वास करने औल़े पाणे औल़े इ थे; सै आत्मा हल्तियें किसी पर बी उतरी रा नीं था, काँह्भई यीशु हल्तियें अपणिया महिमा च नीं आईरा था।

प्रेरितां 2:33

इयां इ परमेशरा रे सज्जे हत्था ते सब्बींते ऊच्ची जगह पाईने, कने पिता ते सै पवित्र आत्मा पाईने तिसरी प्रतिज्ञा जे कित्तिरी थी, तिने ये भेज्जी दित्तिरा सै जे तुहें देख्या कने सुणया रायें।

प्रेरितां 4:12

कने किसी दुज्जे ते छुटकारा निआं; काँह्भई सारे संसारा च यीशुये ते इलावा होर कोई दुज्जा नौं नीं दित्तिरा, भई तिसते जे अहांजो छुटकारा मिली सक्को।”

प्रेरितां 5:32

अहें इन्हां गल्लां रे गवाह ये कने तियां जे पवित्र आत्मा बी, तिस्सो जे परमेशरे तिसरा हुक्म मनणे औल़यां जो दित्तिरा।”

1 कुरिन्थियों 12:13

काँह्भई अहें सब्बीं क्या यहूदी, क्या यूनानी, क्या दास, क्या अजाद, इक्की आत्मा रे जरिये इक देह हुणे रे खातर बपतिस्मा लैया, कने अहें सब्बीं इक इ आत्मा पाईरा।

गलातियां 3:16

तियां इ परमेशरे अपणे वायदे अब्राहम कने तिसरे बंशा ने कित्ते। पवित्रशास्त्र ये नीं बोलदा, “भई तेरे बंशां जो” सै जे बौहत लोकां रे बारे च बोलां, पर ताहली जे पवित्रशास्त्र बोलां “तेरे बंशा जो” ये इक्की माहणुये रे बारे च बोलां सै जे मसीह आ।

गलातियां 3:2

हऊँ तुहांते सिर्फ ये स्वाल पुछणा चाँह भई तुहें पवित्र आत्मा रा बरदान क्या व्यवस्था रा पालन करने ते पाया था या खुशखबरिया रे सुणने कने तिस पर विश्वास करने ते पाया था?

गलातियां 4:6

काँह्भई तुहें परमेशरा रे बच्चे हो, इस खातर परमेशरे अहांरे दिलां च अपणे पुत्रा री आत्मा भेज्जी, सैई आत्मा परमेशरा जो “हे अब्बा, हे पिता, बोलीने पुकाराँ।”

इफिसियां 2:18

काँह्भई अहें दुईं किस्मा रे लोक इक्की आत्मा रे जरिए पिता गे पुजणे जोगे हुए।

इफिसियां 2:22

तिसच जे तुहें बी पवित्र आत्मा रे जरिये परमेशरा रे रैहणे री जगह हुणे खातर सौगी बणाए जायें।

इफिसियां 3:16

हऊँ प्राथना कराँ भई सै अपणी बेथाह महिमा रे मुतावक अपणिया पवित्र आत्मा रे जरिये तुहांरिया अन्तरात्मा जो सामर्था ने भरीने मजबूत करो।

इफिसियां 4:30

परमेशरा रे पवित्र आत्मा जो दुखी मत करा काँह्भई परमेशरे अपणे पवित्र आत्मा ने तुहां पर मोहर लगाईरी भई इक दिन परमेशर तुहांजो पूरे तरिके ने छुड़वांगा।

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

1 पतरस 3:9

बुराईया रे बदले बुराई कने बेईज्जतिया रे बदले बेईज्जति मत करा बल्कि तुहौं आशीष देणी चाहिन्दी; काँह्भई आशीष देणे खातर तुहें परमेशरा रे जरिये चुणे गईरे, ताकि तुहें परमेशरा ते आशीष पाओ।