गलातियां 3:1 - बिलासपुरी नौआं नियम

¹ अरे गलातिया रे विश्वासियो तुहें निरे मूर्ख ये! तुहांजो किने धोखा दित्या? तुहांजो त इसा गल्ला रा पूरा ब्योरा देईतरा था भई किसा वजह ने यीशु मसीह जो सब्बीं रे सामणे क्रूसा पर चढ़ाया था।

गलातियां 3:1 ပူးပေါင်းရင်းမြစ်များ

मत्ती 24:24

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

मत्ती 7:26

“पर सै जे मेरियां गल्लां सुणां पर तिन्हां पर नीं चलदा, सै तिस मूर्ख माहणुये साई हूणा तिने जे अपणा मकान रेता पर बणाया।

लूका 24:25

यीशुये तिन्हां दुईं माहणुआं ने गलाया, “तुहें कितणे मूर्ख लोक ये! पवित्रशास्त्रा च भविष्यवक्तयां सै जे लिखिरा, तिस पर तुहांजो विश्वास करना कितना मुश्कल हुआं?

प्रेरितां 16:6

सै फ्रूगिया कने गलातिया प्रदेशा चते हुईने गये, काँह्भई पवित्र आत्मे तिन्हांजो आसिया प्रदेशा च वचन सुनाणे ते मना कित्या।

प्रेरितां 6:7

परमेशरा रा वचन फैलदा गया कने यरूशलेम च चेलयां री गिणती बौहत बधदी गई; कने बौहत सारे यहूदी याजकें यीशु मसीह पर विश्वास कित्या।

रोमियो 10:16

पर सारयां तिसा खुशखबरिया पर विश्वास नीं कित्या : यशायाह भविष्यवक्ता बोलां, “प्रभु, अहांरे सन्देशा पर कोई विश्वास नीं करदा”

रोमियो 2:8

पर सै लोक जे अपणे स्वार्था रिया वजह ने सच्चाईया जो छड्डिने झूट्ठा पर विश्वास कराँ यें, परमेशरा तिन्हां पर गुस्से हुईने तिन्हारा न्याय करना।

रोमियो 6:17

तुहें पैहले पापा रे दास थे, पर सै उपदेश जे तुहांजो सखाया गईरा था हुण तुहें अपणे पूरे दिला ने तिसरा पालन कित्या, इस खातर हऊँ परमेशरा रा धन्यवाद कराँ।

1 कुरिन्थियों 11:26

काँह्भई ताहली जे कदीं तुहें ये रोटी खांये कने इस कटोरे चते पींये, तां तुहें प्रभुये रे औणे तक तिसरिया मौती रा प्रचार कराँ ये।

1 कुरिन्थियों 2:2

काँह्भई मैं ये ठाणी लरा था भई तुहांरे बिच यीशु मसीह यनिके क्रूसा पर चढ़ाईरे मसीहे जो छड्डिने होर किसी गल्लां जो नीं सखाऊं।

2 कुरिन्थियों 10:5

कने इस खातर अहें लोकां रियां गल्लां रा कने तिस हरेक बिरोधा रा, सै जे परमेशरा रे ज्ञाना रे बिरोधा च खढ़िरा खण्डन कराँ ये; कने हर इक भावना जो कैद करीने मसीह रा आज्ञाकारी बणाई दें।

2 कुरिन्थियों 11:3

पर हऊँ डराँ भई तियां जे शैताने सर्पा रे रुपा च अपणिया चतुराईया ने हव्वा जो बैहकाया था, तियां इ किति तुहांरे मना जो मसीह रे प्रति तुहांरिया ईमानदारिया कने पवित्रता जो दूर नीं करी दो।

गलातियां 1:2

हऊँ कने जितने साथी विश्वासी मेरे सौगी ये गलातिया प्रदेशा री कलीसियां जो नमस्कार कराँ ये।

गलातियां 1:6

हऊँ तुहांरे बारे च हैरान आ! भई तुहें लोक इतणी जल्दी तिस परमेशरा जो छड्डया राँये तिने जे तुहांजो मसीह रे अनुग्रह रे जरिये सद्दया, कने किसी होर सन्देशा जो सै जे खुशखबरी बोल्या जां तिसजो तुहें ग्रहण करया राँये।

गलातियां 2:14

मैं ताहली जे ये देख्या भई खुशखबरिया रिया सच्चाईया रे मुतावक सै सिधे रस्ते पर नीं चलीरे, तां मैं सारयां रे सामणे कैफा जो गलाया, “तां जे तू यहूदी हुईने बी अन्यजातियां साई जीवन जीआं, तां फेरी अन्यजातियां जो यहूदियां रे रीति-रिवाजा पर चलने जो कजो बोलां?”

गलातियां 3:3

क्या तुहें इतणे मूर्ख हुई सक्कां ये भई तिसा जिन्दगिया जो जे तुहें पवित्र आत्मा ते शुरु कित्या, तिस्सो हुण खुद अपणिया ताकता ते पूरा करगे?

गलातियां 4:9

पर हुण परमेशरा सौगी तुहांरा रिश्ता, कने मिन्जो बोलणा चाहिन्दा भई परमेशरे तुहां सौगी रिश्ता बनाणे च पैहल कित्ती, तां तुहें तिन्हां कमजोर कने नकम्मी परम्परा खा जो कजो वापस जाया राँये? क्या तुहें भीं ते तिन्हांरे दास बणने री इच्छा कराँ ये?

गलातियां 5:11

पर मेरे साथी विश्वासियो, जे हऊँ हुण तक खतने रा प्रचार करदा, तां मिन्जो हुण तक सताया नीं जान्दा, जे हुण तक हऊँ मसीह रे क्रूसा ते इलावा खतने रिया जरूरता रा प्रचार करदा हुन्दा, तां हऊँ यहूदियां जो नराज नीं करदा।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

इफिसियां 4:14

तां हुण ते अहौं बच्चे साई नीं रैहणा चाहिन्दा। अहें तिसा किश्तिया साई नींये सै जे समुद्रा रियां लहराँ सौगी इतखा-उतखा भटकीने रस्ता बदलदी रैईं। इसरा मतलब येआ भई चलाक कने छली लोक अहांजो अपणिया झुट्ठिया शिक्षां ते बैहकाई नीं सक्को।

इफिसियां 5:15

इस खातर सावधानिया ने देखदे रौआ भई तुहें केढ़ी जिन्दगी जी कराँ ये, बेअक्कलां साई मत जीओ, पर बुद्धिमान्ना साई जीओ।

2 थिस्सलुनीकियां 1:8

कने सै जे परमेशरा जो नीं पछयाणदे कने अहांरे प्रभु यीशुये रे खुशखबरिया जो ग्रहण नीं करदे तिन्हाजो तिस सजा देणी।

1 तिमुथियुस 6:4

तां सै घमण्डी हुईगरा, कने सै किछ नीं समझदा। येढ़ा माहणु बैहसबाजी कने बेकार गल्लां कने शब्दां पर झगड़ा करना चांह, तिसरा नतीजा जे जल़ण, झगड़े, निंध्या रियां गल्लां, कने बुरे शक,

इब्रानियों 11:8

विश्वासा रे जरिये इ ताहली जे परमेशरे अब्राहम जो येढ़िया जगह पर जाणे रे खातर सद्दया था, सै जगह जे बाद बिच वारिस रे रुपा च तिसजो मिलणी थी, हलाँकि सै ये जाणदा तक नीं था भई सै कित्ती जाया राँ, फेरी भीं तिने परमेशरा रा हुक्म मन्नया कने सै चली गया।

इब्रानियों 5:9

ताहली जे तिने बो सब कित्या सै जे तिस्सो करना चाहिन्दा था, तां सै तिन्हां सारयां रे खातर सदा काल रे छुटकारे री वजह बणया सै जे तिसरे हुक्मां जो मन्नां ये।

1 पतरस 1:22

हुण तुहें सच्चाईया जो मनदे हुये अप्पूँजो परमेशरा रे जरिये पवित्र करील्या, ताकि तुहांरा प्यार साथी विश्वासियां रे प्रति सच्चा हो। कने लगातार इक्की दुज्जे जो दिला ते प्यार करा,

1 पतरस 4:17

काँह्भई सै बगत आई चुक्कीरा भई पैहले परमेशरा रे लोकां रा न्याय कित्या जाओ; कने जे न्याय री शुरुआत अहां तेई हुआं इ, तां तिन्हां लोकां रा अन्त क्या हूणा सै जे परमेशरा रिया खुशखबरिया पर विश्वास नीं करदे?

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

प्रकाशितवाक्य 18:3

काँह्भई तिसरे व्यभिचार री तिखी मदिरा सारी जातियें पित्तीरी, धरतिया रे राजयां तिसने सौगी व्यभिचार कित्तिरा, कने धरतिया रे ब्यापारी तिसरे सुख-बलासा रे जादा हुणे ते अमीर हुईगरे।”

प्रकाशितवाक्य 2:20

पर मिन्जो तेरे खलाफ ये शकैत इ : भई तू तिसा जनाना ईजेबेल जो अपणे बिच रैहणे देआं, सै जे अप्पूँजो भविष्यवक्तिन बोलां इ। कने सै अपणिया शिक्षा ते मेरे दास्सां जो व्यभिचार करने, कने मूर्तियां रे अग्गे चढ़ाईरे प्रसादा जो खाणा सखाई ने भरमांई।