गलातियां 2:6 - बिलासपुरी नौआं नियम

⁶ पर तिन्हौं जे लोक अगुवे समझां थे (सै चाये केढ़े बी थे मिन्जो इसते किछ फर्क नीं पौन्दा, परमेशर किसी री तरफदारी नीं करदा) इन्हां अगुवेयां ते मिन्जो कोई नई गल्ल नीं मिली।

गलातियां 2:6 ပူးပေါင်းရင်းမြစ်များ

मत्ती 22:16

तिन्हे अपणे चेले हेरोद राजे रे समर्थकां सौगी यीशुये ले भेज्जे, तिन्हें यीशुये जो गलाया, “गुरू जी, अहें जाणाँ ये भई तू सच्चा, कने तू परमेशरा रा रस्ता सच्चाईया ने सखां, कने कोई क्या सोच्चां तू किसी री परवाह नीं करदा, काँह्भई तू माहणुआं रिया हैसियता पर नीं जान्दा।

मरकुस 12:14

तिन्हें आईने तिस्सो गलाया, “गुरू जी, अहें जाणाँ ये, भई तू सच्चा, कने किसी री परवाह नीं करदा काँह्भई तू माहणुआं रा मुँह देखीने गल्लां नीं करदा, (यनि किसी रा पक्षपात नीं करदा) पर परमेशरा रा रस्ता सच्चाईया ने दस्सां। तां मूसा रिया व्यवस्था रे मुताबक क्या बादशाह कैसरा जो यनि रोमी सरकारा जो कर देणा ठीक आ की नीं?

लूका 20:21

तिन्हे जासूसें गलाया, “गुरू जी, अहें जाणाँ ये भई तू ठीक बोलां कने सखां बी आ, कने न त किसी ने कोई भेदभाव रक्खां, पर तुहें सच्चाईया ने परमेशरा रा रस्ता दस्सां ये।

प्रेरितां 10:34

तां पतरसे गलाया हुण हऊँ पक्का जाणी गया भई परमेशर किसी ने भेद-भाव नीं करदा,

प्रेरितां 5:36

काँह्भई इन्हां दिनां ते पैहले थियूदास ये बोलदा उट्ठया, सै बी दावा कराँ था भई हऊँ बी किछ हया; कने तकरीवन कोई चार सौ माहणु तिसरे चेले बणिगे, पर सै मारीत्या गया कने जितने लोक तिस्सो मन्नां थे, सब उरे-परे हुईने खत्म हुईगे।

रोमियो 2:11

काँह्भई परमेशर सबनीं लोकां जो इक्को जेआ देक्खां।

2 कुरिन्थियों 11:5

हऊँ मन्नां भई हऊँ किसी गल्ला च बड्डे ते बड्डे प्रेरिता ते घट नींआ।

2 कुरिन्थियों 12:11

हऊँ मूर्खां साई नाटक करी रां, पर येढ़ा करने रे खातर मिन्जो तुहें मजबूर कित्या; तुहां लोकां जो मेरी सपारस करनी चाहिन्दी थी, हलाँकि हऊँ किछ निआं, पर तुहांरे तिन्हां महान प्रेरितां, ते हऊँ किसी बी तरिके ने छोट्टा निआं।

2 कुरिन्थियों 5:16

इस खातर हुण ते अहें किसी बी माहणुये रा न्याय संसारा रे नजरिये ने नीं करो। इक बगत था ताहली जे अहें मसीह रा न्याय बी संसारा रे नजरिये ने कित्या था। पर हुण अहें मसीह जो संसारा रिया नज़राँ ने नीं देखदे।

गलातियां 2:2

हऊँ परमेशरा रे दर्शणा रिया वजह ने ऊत्थी गया था। कने ताहली जे हऊँ तित्थी था, हऊँ कल्हिया जेईया कलीसिया रे अगुवेयां ने मिलया कने हऊँ अन्यजातियां रे बिच जिस खुशखबरिया रा जे प्रचार कराँ, तिसा इ खुशखबरिया रा मैं बखान कित्या। ताकि येढ़ा नीं हो भई सै काम्म जे मैं पिछले दिनां च कित्या था कने लगातार करदा रैहन्गा, सै बेकार नीं हुई जाओ।

गलातियां 6:3

जे कोई माहणु खास नीं हुन्दे हुये बी खुद अप्पूँजो खास समझां तां सै अप्पूँजो धोखा देआं।

इब्रानियों 13:17

अपणे अगुवेयां रा हुक्म मन्नो कने तिन्हांरे अधीन रौ, काँह्भई ये तिन्हांरा फर्ज आ भई सै तुहांरे प्राणां री पहरेदारी करो, काँह्भई तिन्हांजो तुहांरे बारे च परमेशरा जो हिसाब देणे पौणा। जे तुहें तिन्हांरा हुक्म मनगे तां तिन्हां अपणा काम्म खुशिया ने करना, जे तुहें नीं मनगे तां तिन्हां दुखा ने करना, तां तुहांजो कोई फायदा नीं हूणा।

इब्रानियों 13:7

सै जे तुहांरे अगुवे, कने तिन्हे जे तुहांजो परमेशरा रा वचन सुणाई रा, तिन्हांजो याद रखा; कने ध्याना ने सोच्चा भई सै किस तरिके रा जीवन जीये कने मरे कने तियां जे तिन्हे विश्वासा कित्या था तिस इ तरिके रा विश्वास तुहें बी दस्सा।

1 पतरस 1:17

जे तुहें परमेशरा जो पिता बोल्लीने प्राथना कराँ ये सै जे बिणा तरफदारिया ते कित्तिरे हर इक्की रे कम्मां जो देखीने इन्साफ कराँ, तां इस संसारा च इक परदेसिये साई जींदे हुये तिसरा आदर करदे हुये अपणा जीवन बितावा।