गलातियां 2:4 - बिलासपुरी नौआं नियम

⁴ पर ये तिन्हां झूठयां भाईयां रिया वजह ने समस्या हुई, सै जे अहांरे बिच चोराँ साई आईने घुसीगरे थे, भई तिसा अजादिया रा सै जे यीशु मसीह च अहांजो मिलीरी, तिसारा भेत पाईने अहांजो फेरी भीं यहूदी व्यवस्था रा दास बणाई सक्को।

गलातियां 2:4 ပူးပေါင်းရင်းမြစ်များ

लूका 5:38

अंगूरां रा नौआं रस मशकां ची भरना चाहिन्दा।

प्रेरितां 15:1

फेरी किछ यहूदी विश्वासी यहूदिया प्रदेशा ते आईने विश्वासियां जो सखाणे लगे : “जे मूसा री रितिया पर तुहांरा खतना नीं हुईरा हो तां तुहें छुटकारा नीं पाई सकदे।”

प्रेरितां 15:24

“अहें सुणीरा भई अहां चते कंईंयें तित्थी आईने तुहांजो अपणियां गल्लां ते घबराई तरा; कने तुहांरे मन पुट्ठे करी तरे, पर अहें तिन्हांजो हुक्म नीं दित्तिरा था।

प्रेरितां 20:30

तुहां बिच्चा ते बी येढ़े-येढ़े माहणु औणे, तिन्हांजे चेलयां जो अप्पूँ खौ खिंजणे खातर गल़त फल़त गल्लां करनियां।

रोमियो 8:15

काँह्भई सै आत्मा जे तुहांजो मिलीरी, तुहांजो फेरी भीं दास बणीने डरने खातर नीं, वल्कि सै तुहांजो परमेशरा रे बच्चे बणाईं, तिसरे जरिये अहें परमेशरा जो, हे अब्बा, हे पिता करीने पुकाराँ ये।

2 कुरिन्थियों 11:13

येढ़े लोक झूट्ठे प्रेरित ये कने छल़ा ने काम्म करने औल़े, सै मसीह रे प्रेरित हुणे रा ढोंग कराँ ये।

2 कुरिन्थियों 11:17

तां ते हऊँ इस तरिके ने अपणी बडयाई कराँ, तां हऊँ इक्की मूर्खा साई गल्ल करी रां कने येढ़ा घमण्ड प्रभु रिया तरफा ते नींआ।

2 कुरिन्थियों 11:20

काँह्भई जे कोई तुहांजो दास बणाये, तुहांरा शोषण करो, तुहांजो किसी जाल़ा च फसाये, अप्पूँजो तुहां ते बड्डा बणाये या तुहांरे मुँआं पर चपैड़ मारो, तां तुहें तिसजो सैहण करी लें।

2 कुरिन्थियों 11:26

मेरी कई यात्राँ रे दौरान मैं खतरनाक नदियां, खूँखार डाकुआं, खुद अपणयां लोकां, अन्यजातियां, नगराँ, गाँवां, समुद्राँ कने झूट्ठे विश्वासी भाईयां रे जख्मां रा सामना कित्या।

2 कुरिन्थियों 3:17

प्रभु त आत्मा: कने तित्थी जे किति प्रभुरा आत्मा, तित्थी अजादी।

गलातियां 1:7

असल च कोई दुज्जी खुशखबरी त हाई नीं, पर कई लोक येढ़े सै जे तुहांजो भरमाये रायें कने मसीह रिया खुशखबरिया च हेरा-फेरी करने रा जतन करया रायें।

गलातियां 4:25

कने हाजिरा मानो अरब रा सिनै पहाड़ा आ, सै अज्जके यरूशलेम री तरफ ईशारा कराँ इ काँह्भई सै अपणे बच्चयां सौगी दासता रा जीवन भुगती राईं।

गलातियां 4:3

तियां इ अहें बी, ताहली जे बच्चयां साई थे, तां दास्सां साई संसारा रे बेकार नियमां रा पालन कराँ थे।

गलातियां 5:1

मसीहे अजादिया रे खातर अहांजो मूसा रिया व्यवस्था ते अजाद कित्या; इस खातर तुहें ये निश्चा करी लवा भई तुहें अजाद ये, कने फेरी भीं अप्पूँजो व्यवस्था रा दास बनाणे री इजाज़त नीं देआ।

गलातियां 5:10

हऊँ प्रभु पर तुहांरे बारे च भरोसा रक्खां भई तुहांरा होर कोई विचार नीं हूणा; पर तुहांजो विचलित करने औल़ा चाये कोई बी हो, परमेशरा तिस्सो सजा देणी।

2 तिमुथियुस 3:6

इन्हां चते किछ येढ़े लोक ये सै जे घराँ च घुसां ये कने मूर्ख औरतां जो अपणे बशा च करी लैं, ये औरतां अपणे पापां रे बोझे च दबोईने हर तरिके रियां बुरी इच्छां रे बशा चियां।

याकूब 1:25

पर सै जे परमेशरा रिया तिसा उत्तम व्यवस्था जो नेड़े ते देखां, तिसते जे अजादी मिलां इ कने तिसरा इ पालन बी करदा रैयां कने सुणीने तिस्सो बिणा भुल्ले अपणे व्यवहारा च उतारदा रैआं, सैई अपणयां कम्मां रे खातर आशीषित हूणा।”

1 पतरस 2:16

अजाद माहणुये साई जीओ, पर अपणिया इसा अजादिया जो बुराईया रे खातर आड मत बणावा; पर अप्पूँजो परमेशरा रे सेवक समझीने जीओ।

2 पतरस 2:19

ये झूट्ठे शिक्षक लोकां जो बोलां ये: अहें तुहांजो वायदा कराँ ये भई तुहें अजाद हुणे, पर सै खुद बुरे बर्तावा रे गुलाम ये तिस जे तिन्हांजो नाश करी देणा; काँह्भई इक माहणु तिसरा इ दास बणी जां तिसते जे सै हारी जां।

1 यूहन्ना 4:1

मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।