गलातियां 1:23 - बिलासपुरी नौआं नियम

²³ पर सै लोकां जो गलान्दे सुणां थे, “सै माहणु सै जे पैहले अहांजो सतां था, हुण सैई तिस विश्वासा रा प्रचार करी कराँ, तिस्सो जे तिने पैहले खत्म करने री कोशिश कित्ती थी।”

गलातियां 1:23 ပူးပေါင်းရင်းမြစ်များ

प्रेरितां 19:13

पर किछ यहूदी लोक सै जे झाड़-फूंक कराँ थे, येढ़ा करने लगे भई तिन्हां च जे बुरीआत्मां हुआं थिआं तिन्हां परा प्रभु यीशुये रा नौं येढ़ा बोलीने फूंको, “तिस यीशुये रा प्रचार जे पौलुस कराँ, हऊँ तुहांजो तिसरे नौआं ते बाहर औणे रा हुक्म देआं।”

प्रेरितां 6:7

परमेशरा रा वचन फैलदा गया कने यरूशलेम च चेलयां री गिणती बौहत बधदी गई; कने बौहत सारे यहूदी याजकें यीशु मसीह पर विश्वास कित्या।

प्रेरितां 9:13

हनन्याह ये जवाब दित्या, “हे प्रभु, मैं इस माहणुये रे बारे च बौहतीं ते सुणीरा भई इने यरूशलेम च तेरे पवित्र लोकां ने सौगी बौहत-बौहत बुराईयां किति रियां;

प्रेरितां 9:20

कने सै इकदम यहूदी सभा घराँ च यीशुये रा प्रचार करने लगया भई यीशु इ परमेशरा रा पुत्र आ।

प्रेरितां 9:21

जितणयां लोकें तिसरा प्रचार सुणया, हैरान हुईने तिन्हां चते किछ बोलीराँ थे, “क्या ये सैई माहणु नींआ, सै जे यरूशलेम च मसीह यीशुये रे विश्वासियां जो नष्ट करने री कोशिश करया राँ था। कने क्या ये तिन्हांजो येत्थी पकड़ने कने मुखियायाजकां रे सामणे ले जाणे नीं आईरा था।”

प्रेरितां 9:26

ताहली जे शाऊल यरूशलेम च पुज्जया, तां तिने दुज्जेयां विश्वासियां ने सौगी मिलणे री कोशिश किति, हलांकि तिन्हां चते तकरीवन सारे तिसते डरदे रै, काँह्भई तिन्हांजो ये विश्वास नीं था भई सै इक विश्वासी बणी गरा।

गलातियां 6:10

इस खातर तियां जे कोई मौका मिलो, अहांजो सारयां ने भलाई करनी चाहिन्दी, खास कर अपणे विश्वासी भाईयां सौगी।