इफिसियां 6:18 - बिलासपुरी नौआं नियम

¹⁸ कने तियां जे पवित्र आत्मा तुहांरी अगुवाई कराँ, तियां इ हर बगत कने सब प्रकारा रियां प्राथनां कने विनतियां करदे रौआ। इसा वजह ने जागदे रौआ कने सब पवित्र लोकां रे खातर लगातार प्राथना करदे रौआ।

इफिसियां 6:18 ပူးပေါင်းရင်းမြစ်များ

मत्ती 17:21

पर येढ़ि बुरियां आत्मां सिर्फ प्राथना कने उपवास करने तेई निकल़ां इयां।”

मत्ती 26:41

जागदे रौआ, कने प्राथना करा ताकि तुहें किसी परीक्षा च नीं पौ! तुहांरी आत्मा त त्यार इ, पर शरीर कमजोर आ।”

मरकुस 13:33

इस खातर त्यार रौआ! हमेशा सम्भल़ी ने रौआ! काँह्भई तुहें नीं जाणदे भई सै वगत काहलूं औणा।

मरकुस 14:38

जागदे कने प्राथना करदे रौआ भई तुहें परीक्षा रा सामना करी पाओ। मन त त्यार आ, पर शरीर कमजोर आ।”

लूका 21:36

इस खातर हर पल चुश्त रौआ कने प्राथना करदे रौआ भई तुहें इन्हां सारियां गल्लां ते, सै जे हुणे औल़ियां, बचणे री ताकत पाई सक्को, कने अपणे आत्म विश्वासा सौगी माहणुये रे पुत्रा रे सामणे खड़े हुणे लायक बणी सक्को।”

लूका 22:46

यीशुये तिन्हाते पुच्छया, “तुहें कजो सुत्तीरे? उट्ठा कने प्राथना करा, भई तुहें किसी परीक्षा च पैईने पाप नीं करो।”

लूका 3:26

नोगह मात रा पुत्र था, कने मात मत्तित्याह रा पुत्र था। मत्तित्याह शिमी रा पुत्र था, कने शिमी योसेख रा पुत्र था। कने योसेख योदाह रा पुत्र था।

लूका 3:37

लिमिक मथूशिलह रा पुत्र था, कने मथूशिलह हनोक रा पुत्र था। हनोक यिरिद रा पुत्र था, कने यिरिद महललेल रा पुत्र था। महललेल केनान रा पुत्र था।

प्रेरितां 1:14

ये सब कई जनानां कने यीशुये री माता मरियम कने तिसरे भाईयां सौगी इक मन हुईने प्राथना च लगीरे रै।

प्रेरितां 10:2

सै परमेशरा ते डरने औल़ा माहणु था, कने अपणे सारे घराने समेत परमेशरा ते डराँ था, सै गरीब यहूदी लोकां जो बौहत दान देआं था कने परमेशरा ने बौहत प्राथना कराँ था।

प्रेरितां 12:5

पतरस कईयां दिनां ते जेल खाणे च बन्द था; पर कलीसिया तिस खातर पूरा दिल लाईने परमेशरा ने प्राथना करया राँ थी।

प्रेरितां 6:4

पर अहां त प्राथना च कने वचना रे प्रचारा कने सखाणे रिया सेवा च लगी रयां रैहणा।”

रोमियो 12:12

अपणिया आशा च खुश रौआ; परेशानियां च धैर्य रखा; कने हमेशा प्राथना करदे रौआ।

रोमियो 8:15

काँह्भई सै आत्मा जे तुहांजो मिलीरी, तुहांजो फेरी भीं दास बणीने डरने खातर नीं, वल्कि सै तुहांजो परमेशरा रे बच्चे बणाईं, तिसरे जरिये अहें परमेशरा जो, हे अब्बा, हे पिता करीने पुकाराँ ये।

गलातियां 4:6

काँह्भई तुहें परमेशरा रे बच्चे हो, इस खातर परमेशरे अहांरे दिलां च अपणे पुत्रा री आत्मा भेज्जी, सैई आत्मा परमेशरा जो “हे अब्बा, हे पिता, बोलीने पुकाराँ।”

इफिसियां 1:16

तुहांरे खातर परमेशरा रा धन्यवाद करना नीं छडदा, कने अपणियां प्राथनां च तुहांजो याद करदा रैयां।

इफिसियां 2:22

तिसच जे तुहें बी पवित्र आत्मा रे जरिये परमेशरा रे रैहणे री जगह हुणे खातर सौगी बणाए जायें।

इफिसियां 3:18

ताकि तुहांजो सारयां पवित्र लोकां रे सौगी ये समझणे री शक्ति मिली जाओ भई मसीह रे प्यारा री लम्वाई, कने चौड़ाई, कने उंचाई, कने गहराई कितणी।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

इफिसियां 6:19

कने तुहें मेरे खातर बी प्राथना करा, भई मिन्जो बोलणे रा मौका मिलणे पर परमेशर मिन्जो सही शब्दां जो देओ ताकि हऊँ खुशखबरिया रे भेता जो हिम्मता ने लोकां जो दस्सी सक्कूं।

फिलिप्पियां 1:4

कने मौज्जा ने अपणिया हरेक प्राथना च तुहां सारयां रे खातर हमेशा परमेशरा ने सहायता री विनती कराँ,

फिलिप्पियां 4:6

किसी बी गल्ला री चिन्ता मता करदे; पर हर इक गल्ला च धन्यवादा सौगी प्राथना कने विनतिया च अपणे निवेदन परमेशरा रे सामणे रखदे जावा।

कुलुस्सियां 1:3

ताहली जे अहें तुहांरे खातर प्राथना कराँ ये, अहें अपणे प्रभु यीशु मसीह रे पिता, परमेशरा रा धन्यवाद कराँ ये,

कुलुस्सियां 1:4

काँह्भई अहें मसीह यीशुये च तुहांरा विश्वास कने सारे पवित्र लोकां रे प्रति तुहांरे प्यारा रे बारे च सुणीरा;

कुलुस्सियां 4:2

हमेशा प्राथना च लगीरे रौआ, कने ताहली जे तुहें प्राथना करो तां सावधान रौआ कने परमेशरा रा धन्यवाद करदे रौआ;

1 थिस्सलुनीकियां 5:17

लगातार प्राथना करदे रौ।

1 तिमुथियुस 2:1

हुण हऊँ सब्बीं ते पैहले तेरने ये अर्ज कराँ भई तू सब्बीं माहणुआं रे खातर निवेदन, प्राथना, विनती कने धन्यवाद कर।

2 तिमुथियुस 1:3

हऊँ तिस परमेशरा रा धन्यवाद कराँ, तिसरी सेवा जे हऊँ कराँ, तियां जे मेरे पूर्वजें शुद्ध अन्तरात्मा ने कित्तिरी। ताहली जे कदीं हऊँ प्राथना कराँ हऊँ हमेशा तिज्जो अपणियां प्राथनां च लगातार याद कराँ।

फिलेमोन 1:5

काँह्भई हऊँ प्रभु यीशुये च तेरा विश्वास कने परमेशरा रे लोकां ते तेरे प्यारा रे बारे च सुणां।

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।

1 पतरस 4:7

सारियां गल्लां रा अन्त नजदीक आ; इस खातर तुहांजो अप्पूँजो काबुये च रखणा चाहिन्दा कने सचेत रैहणा चाहिन्दा, ताकि तुहें प्राथना करी सक्को।

यहूदा 1:20

पर मेरे प्यारे मित्रो, तुहांजो पवित्र विश्वासा च बधणे खातर इक्की दूये री मदद करदे रैहणा चाहिन्दा कने पवित्र आत्मा रिया अगुवाईया रे जरिये तुहांजो प्राथना करनी चाहिन्दी।