इफिसियां 6:13 - बिलासपुरी नौआं नियम

¹³ इस खातर सिपाईये साई तुहें परमेशरा रे सारे हत्थियाराँ जो कस्सी लौ तिसते जे बुरे वगता च तुहें दुष्टां ने लड़ने लायक हुई सक्को। सब किछ करने ते बाद तुहां पिच्छे नीं हटणा।

इफिसियां 6:13 ပူးပေါင်းရင်းမြစ်များ

लूका 21:36

इस खातर हर पल चुश्त रौआ कने प्राथना करदे रौआ भई तुहें इन्हां सारियां गल्लां ते, सै जे हुणे औल़ियां, बचणे री ताकत पाई सक्को, कने अपणे आत्म विश्वासा सौगी माहणुये रे पुत्रा रे सामणे खड़े हुणे लायक बणी सक्को।”

लूका 8:13

किछ लोक येढ़े तिन्हांरी बराबरी तिन्हां ब्यूआं ते कित्ती जाई सक्कां इ सै जे पत्थरीली जमीन्ना पर पैया। ये सैए सै जे परमेशरा रा बचन खुशिया ने सुणां ये कने इकदम ग्रहण बी कराँ ये। पर वचन तिन्हांरे दिलां री गहराईया तक नीं जान्दा, काँह्भई सै सिर्फ थोड़े इ वगता तक विश्वास कराँ ये; सै तिन्हां पौध्यां साई ये तिन्हांरियां जड़ां जे डुग्गियां नीं हुन्दियां। ताहली जे परमेशरा रे सन्देशा पर विश्वास करने रिया वजह ने तिन्हां पर दुख कने तकलीफां औईयां, तां सै विश्वासा ते भटकीने पाप कराँ ये।

रोमियो 13:12

ये येढ़ा भई रात तकरीवन खत्म हुई चुक्कीरी, कने दिन सिरने जोआ; इस खातर अन्धकारा ने जुड़ीरे सारयां कम्मां जो करना बन्द करा कने जोतिया च रैहणे खातर त्यार हुई जावा।

2 कुरिन्थियों 10:4

काँह्भई तिन्हां हत्थियाराँ ने जे अहें लड़ाई लड़ां ये, सै संसारिक नींये, बल्कि तिन्हां च गढ़ां जो तहस-नहस करने रे खातर परमेशरा री शक्ति शामिल इ।

इफिसियां 5:16

खरे कम्मा खातर हरेक मौके रा इस्तेमाल करा, काँह्भई दिन बुरे।

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

कुलुस्सियां 4:12

इपफ्रास रा बी तुहांजो नमस्कार हो, सै जे तुहांरे नगरा चते इक आ कने यीशु मसीह रा दास आ, कने सदा तुहांरे खातर लगना ने प्राथनां च कोशिश करदा रैयां, ताकि तुहें सिद्ध हुईने पूरे विश्वासा सौगी परमेशरा रिया इच्छा च टिक्कीरे रौओ।

याकूब 4:7

इस खातर खुद परमेशरा रे अधीन हुई जवा, कने शैतान्ना रा बरोध करा, तिस तुहांरे सामणे ते नट्ठी जाणा।

1 पतरस 4:1

इस खातर ताहली जे भई मसीहे अपणे शरीरा च दुख सैया, तां तुहें बी हथियारा साई तिसा मनसा जो धारण करा, काँह्भई तिने जे शरीरा च दुख सैईरा, तिने पापां जो त्यागी तरा।

प्रकाशितवाक्य 3:10

काँह्भई तैं मेरे धीरजा रे वचनां रा पालन कित्तिरा, इस खातर मांह बी तिज्जो परीक्षा रे तिस वगत बचाई रखणा सै जे संसारा रे रैहणे औल़यां रे परखणे खातर सारे संसारा पर औणे औल़ी।

प्रकाशितवाक्य 6:17

काँह्भई तिन्हांरे गुस्से रा भयानक दिन आई चुक्कीरा, हुण कुण जिऊंदा रैई सकगा?”