इफिसियां 5:8 - बिलासपुरी नौआं नियम

⁸ ये हऊँ इस खातर बोल्ली कराँ भई इक बगत था ताहली जे तुहें अन्धकारा च थे, पर हुण तुहें प्रभुये च ज्योति ये; इस खातर ज्योतिया रे बच्चयां साई जीओ।

इफिसियां 5:8 ပူးပေါင်းရင်းမြစ်များ

मत्ती 3:8

जे तू सही माईने च अपणे पापां ते मन फिराया राँ, तां अपणे भल़यां कम्मां ते तिसजो दस्स;

मत्ती 4:16

ये लोक परमेशरा जो नीं जाणदे ये तिन्हां लोकां साई ये सै जे अन्धेरे च बैठिरे थे, तिन्हौं परमेशरा रा सनेहा पापां ते छुटकारा देआं; कने सै जे अनन्त काल रिया मौती रे अन्धकारा रे देशा च थे, तिन्हां पर परमेशरा रे सनेहे री लोय चमकी।”

लूका 1:79

भई सै जे परमेशरा जो नीं जाणदे सै तिन्हां लोकां साई ये सै जे अन्धेरे च बैठिरे, कने मौती ते डरीरे, तिन्हां पर परमेशरा रे सन्देशा री लोय चमको। कने तिस अहांरी अगुवाई करनी, ताकि अहें परमेशरा सौगी शान्तिया ने रैई सक्को।”

लूका 16:8

“मालके तिस बेईमान भण्डारीये री तारीफ किति काँह्भई तिने चलाकिया ने काम्म कित्त्या। फेरी यीशुये गलाया, ये सच्ची गल्ल इ भई इस संसारा रे लोक सै जे परमेशरा जो नीं मनदे, सै संसारिक गल्लां च धर्मी लोकां ते जादा चलाक ये।

यूहन्ना 1:9

सच्ची ज्योति इस संसारा च औणे औल़ी थी सै जे हर इक माहणुये जो अपणे ज्ञाना च चमकांई।

यूहन्ना 12:35

फेरी यीशुये तिन्हांने बोल्या, “जोति तुहांरे बिच हल्तियें किछ वगत होर रैहणी, तदुआं तका जे जोति तुहांले इ अग्गे बधदे रौआ, किति येढ़ा नीं हो भई अन्धेरा तुहांजो घेरी लो; सै जे अन्धेरे च चलां सै नीं जाणदा भई सै कितो जाया राँ।

यूहन्ना 12:36

तदुआं तका जे जोति तुहांले इ, जोतिया पर विश्वास करा, तिसते जे तुहें जोतिया रे बच्चे बणी सक्‍को।” ये गल्लां बोलीने यीशु चलिग्या कने तिन्हांते दूर रैहणे लगया।

यूहन्ना 12:46

हऊँ संसारा च जोत बणीने आईरा, इस खातर भई सै जे मेरे पर विश्वास करगा सै अन्धेरे च नीं रौ।

यूहन्ना 8:12

फेरी यीशुये भीं लोकां ने गलाया, “संसारा री जोति हऊँ आ; सै जे मेरे पिच्छे चलगा कदीं अन्धेरे च नीं रैहन्गा, पर तिस सै जोति पाणी सै जे अनन्त जीवन देईं।”

प्रेरितां 17:30

इस खातर परमेशरे तिस बगता पर ताहली जे सब अंजाण थे ध्यान नीं दित्या, पर हुण हर जगह सब्बीं माहणुआं जो मन फिराणे रा हुक्म देआं।

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

रोमियो 1:21

जबकि सै परमेशरा जो जाणाँ ये, पर सै तिस्सो परमेशरा रे रुपा च आदर या धन्यवाद नीं देन्दे, बल्कि सै उट-पटांग सोचणे लगे, कने तिन्हांरे दमाग फिरी गरे।

रोमियो 13:12

ये येढ़ा भई रात तकरीवन खत्म हुई चुक्कीरी, कने दिन सिरने जोआ; इस खातर अन्धकारा ने जुड़ीरे सारयां कम्मां जो करना बन्द करा कने जोतिया च रैहणे खातर त्यार हुई जावा।

रोमियो 2:19

कने तू भरोसे ने बोलां भई तू तिन्हां लोकां रा अगुवा सै जे आत्मिक तौर पर अन्धे लोक ये, कने तिन्हांरे खातर जोति ये सै जे अन्धकारा च गवाच्छी रे लोक ये,

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

2 कुरिन्थियों 3:18

पर ताहली जे अहें सब अपणे खुल्हे चेहरे ने प्रभुये री महिमा रा ध्यान कराँ ये, तां परमेशर अहौं हौल़यां-हौल़यां अपणे स्वरूपा च बधदी हुई महिमा सौगी बदल़ां, ये महिमा प्रभु तेई मिलां इ, सै जे पवित्र आत्मा।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

2 कुरिन्थियों 6:14

अविश्वासियां ने बौहत करीवी रिश्ता नीं रक्खा, काँह्भई धर्मिये कने अधर्मिये री भला क्या बराबरी हुई? या लोई रे कने अन्धेरे रे बिच भला मित्रता कियां हुई सक्कां इ?

गलातियां 5:25

काँह्भई अहें पवित्र आत्मा रे जरिये जीयें, तां औआ पवित्र आत्मा रे मुतावक इ चलिये।

इफिसियां 2:2

तिन्हां च जे पैहले तुहें संसारा रिया रितिया रे मुतावक कने तिसा बुरी आत्मा रा अनुशरण करदे हुये जीआं थे सै जे इसा धरतिया रे उपरा री आत्मिक शक्तियां रा मालक आ। सैई बुरी आत्मा हुण तिन्हां माहणुआं च काम्म करी राईं सै जे परमेशरा रा हुक्म नीं मनदे।

इफिसियां 4:18

सै परमेशरा रे बारे रियां गल्लां जो साफ तौर पर समझी नीं सकदे कने सै परमेशरा ते मिलणे औल़िया जिन्दगिया ते दूर ये, काँह्भई सै परमेशरा जो जाणदे नींये कने तिन्हांरे मन कठोर ये।

इफिसियां 5:2

जिस तरिके ने मसीहे अहांने प्यार कित्या कने खुद अप्पूँजो खुशबुदार तेला साई परमेशरा खातर इक भेन्ट कने बलिदान्ना रे रुपा च चढ़ाईत्या, तियां इ प्यार रा जीवन जीओ।

इफिसियां 6:12

काँह्भई अहांरी लड़ाई लहू कने मास्सा ने बणाईरे माहणुआं ने नीं, पर प्रधानां, अधिकारियां, कने इस संसारा रे अन्धकारा रे हाकिमां कने तिस दुष्टता री आत्मिक सेनां सौगी सै जे अम्बरा चियां।

कुलुस्सियां 1:12

तुहें अहांरे पिता परमेशर रा धन्यवाद करदे रौआ, तिने जे तुहांजो स्वर्गा च अपणयां पवित्र लोकां खातर त्यार कित्ती रिया बिरासता जो सांझा करने रे लायक बणाया।

कुलुस्सियां 1:13

काँह्भई सैई अहांजो शैतान्ना रिया सामर्था ते छुड़ाईने अपणे प्यारे पुत्रा रे राज्जा च ली आया,

तीतुस 3:3

काँह्भई अहें बी पैहले मूर्ख, परमेशरा जो नीं मनणे औल़े, कने धोखे च पईरे लोक थे, कने हरेक किस्मा री लालसां कने भोग विलासा रे दास थे। अहें अपणी जिन्दगी बुराई, कने जल़ण करने च बिताई, कने दुज्यां लोकें अहाते नफरत कित्ती, कने अहें तिन्हांते नफरत कित्ती।

1 यूहन्ना 1:7

पर तियां जे परमेशर जोति आ, तियां इ जे अहें बी जोतिया च जीवन बिताईये, तां अहें इक्की दुज्जे ने संगती रखां ये, कने तिसरे पुत्र यीशु मसीह रा खून अहांजो सारयां पापां ते साफ कराँ।