इफिसियां 5:28 - बिलासपुरी नौआं नियम

²⁸ इस तरिके ने पतियां जो अपणी-अपणी पत्नियां ने इयां इ प्यार करना चाहिन्दा तियां जे सै खुद अपणे जिस्मां ने कराँ ये, सै जे अपणिया पत्निया ने प्यार कराँ, सै खुद अप्पूँ नेई प्यार कराँ।

इफिसियां 5:28 ပူးပေါင်းရင်းမြစ်များ

मत्ती 19:5

इस बजह ने आदमीये अपणे माता-पिता ते लग हुईने अपणिया घराऔल़िया सौगी इक साथ रैहणा कने तिन्हां च येढ़ा गैहरा सम्बन्ध हूणा भई सै इक इ जिस्म ओ।

इफिसियां 5:25

अरे पतियो, अपणी-अपणी पत्नियां ने प्यार करा, तियां इ तियां जे मसीहे कलीसिया ने प्यार कित्या कने खुद अप्पूँजो तिसरे खातर बलिदान करित्या।

इफिसियां 5:29

काँह्भई कोई अपणे जिस्मा ने कदीं नफरत नीं करदा, बल्कि सै तिस्सो पाल़ां-पणोसां कने तिसरा ध्यान रक्खां, तियां इ मसीह बी कलीसिया ने कराँ,

इफिसियां 5:31

तियां जे पवित्रशास्त्र बोलां, “इसा वजह ने इक माहणु अपणे माता-पिता जो छड्डिने अपणी पत्निया ने बझी जां, कने सै दोन्नों इक देह हुई जायें।”

इफिसियां 5:33

इस खातर किछ बी हो, तुहां चते हर इक्की जो बी अपणी पत्निया ते तियां इ प्यार करना चाहिन्दा जियां जे तुहें खुद अप्पूँजो कराँ ये, कने हरेक पत्निया जो बी अपणे-अपणे पतिये रा आदर करना चाहिन्दा।

1 पतरस 3:7

तियां इ पतियो, तुहें बी अपणी पत्नियां रा आदर करा कने तिन्हांने समझदारिया ने बर्ताव करा तियां जे तुहें कट्ठा जीआ राँये, काँह्भई सै तुहां साई मजबूत निआं, पर तुहें कने सै परमेशरा रे जीवना रे बरदाना च बराबरिया रे वारस ये। येढ़ा करने ते तुहांरियां प्राथनां रे जबाबां च अड़चन नीं औणी।