इफिसियां 5:2 - बिलासपुरी नौआं नियम

² जिस तरिके ने मसीहे अहांने प्यार कित्या कने खुद अप्पूँजो खुशबुदार तेला साई परमेशरा खातर इक भेन्ट कने बलिदान्ना रे रुपा च चढ़ाईत्या, तियां इ प्यार रा जीवन जीओ।

इफिसियां 5:2 ပူးပေါင်းရင်းမြစ်များ

मत्ती 20:28

तियां जे भई माहणुये रा पुत्र, यनि हऊँ इस खातर नीं आया भई अपणी सेवा करवाऊँ, पर हऊँ इस खातर आया भई अप्पूँ सेवा करूँ कने बौहत सारे लोकां जो पापां ते छुड़ाणे खातर अपणा प्राण देऊँ।”

यूहन्ना 13:34

“हऊँ तुहांजो इक नया हुक्म देआं भई तुहें इक्की दुज्जे ने प्यार करा; तियां जे मैं तुहांजो प्यार कित्या तियां इ तुहें इक्की दुज्जे ने बी प्यार करा।

यूहन्ना 6:51

जीवना री रोटी सै जे स्वर्गा ते उतरी हऊँ आ। जे कोई इसा रोटिया चते खाओ, तां हमेशा जिऊंदा रैहन्गा; कने सै रोटी जे मांह संसारा रे लोकां रे जीवना खातर देणी, सै मेरा शरीर आ।”

रोमियो 15:16

ताकि हऊँ होरीं जातियां रे खातर यीशु मसीह रा सेवक हुईने इक याजका रा काम्म कराँ, तियां जे हऊँ खुशखबरिया रा प्रचार करीने सेवा कराँ। इस तरिके ने हऊँ अन्यजाति लोकां जो परमेशरा जो खुश करने औल़ी इक भेन्टा साई तिसले ल्याई सक्कूँ, काँह्भई पवित्र आत्मे तिन्हांजो पवित्र कित्तिरा।

रोमियो 4:25

यीशु मसीह तिस्सो जे अहांरे पापां रे खातर मारने जो सौंपया गया था, कने भीं ते परमेशरे तिस्सो जिऊंदा कित्या, ताकि परमेशर अहांजो धर्मिये रे रुपा च ग्रहण करी सक्को।

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

रोमियो 8:37

फेरी भीं तिसरे जरिये तिने जे अहांने प्यार कित्या, इन्हां सब बुरियां गल्लां च अहांरी पूरी जीत इ।

1 कुरिन्थियों 16:14

तुहें जो किछ कराँ ये प्यारा ने करा।

1 कुरिन्थियों 5:7

तुहें पापा जो निकाल़ी देआ सै जे पुराणे खमीरा साई आ ताकि तुहें पूरी तरह पवित्र हुई सक्को। फेरी तुहें नये गुन्हीरे आट्टे साई बणी जाणा सै जे बगैर खमीरा तेआ, तियां जे तुहें हकीकता चे। काँह्भई तिन्हे मसीह रा बलिदान कित्तिरा सै जे अहांरा फसह रे त्योहारा रा मेमना।

2 कुरिन्थियों 2:14

पर परमेशरा रा धन्यवाद ओ सै जे मसीह रे जरिये अपणे जीतणे रिया खुशिया च अहांरी हमेशा अगवाई कराँ; कने परमेशर अहांरे जरिये हर जगह मसीह रे ज्ञाना री खुशबु बिखेरदा रैयां।

2 कुरिन्थियों 2:15

काँह्भई अहें परमेशरा रे सामणे मसीह रे जरिये चढ़ाईरी खुशबुआ साई ये, सै जे छुटकारा पाणे औल़आं कने नाश हुणे औल़यां इन्हां दुईं रे बिच बिखराँ इ।

2 कुरिन्थियों 8:9

काँह्भई अहांरे प्रभु यीशु मसीह रे अनुग्रह जो तुहें जाणाँ ये; भई सै अमीर हुन्दे हुये बी तुहांरे खातर गरीब बणीग्या, ताकि तिसरिया गरीबिया ते तुहें अमीर बणी जो।

गलातियां 1:4

अहांरे परमेशर कने पिता रिया इच्छा रे मुतावक मसीह यीशुये खुद अप्पूँजो अहांरे पापां रे खातर बलिदान करित्या ताकि सै अहांजो अजकला रे इस बुरे संसारा ते छडवाये।

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

इफिसियां 1:4

तियां जे तिने संसारा रिया सृष्टिया ते पैहले मसीह च चुणील्या ताकि अहें तिसरे सामणे पवित्र कने निर्दोष बणो।

इफिसियां 3:17

ताकि विश्वासा रे जरिये मसीह तुहांरे दिलां च वास करी सक्को। हऊँ प्राथना कराँ भई परमेशरा रे परति कने इक्की दूये रे परति तुहांरा प्यार तुहांजो मजबूत करो कने तिसच बणाई रखो,

इफिसियां 3:19

कने तुहें मसीह रे तिस प्यारा जो जाणी सक्को सै जे हरेक किस्मा रे ज्ञाना ते ऊपर आ, ताकि तुहांरा चाल-चलण परमेशरा रे चाल-चलना साई बणी सक्को।

इफिसियां 4:15

बल्कि अहौं प्यारा ने सच्चाई बोलदे हुये हर गल्ला च मसीह साई बणने रे खातर परिपक्व हूणा चाहिन्दा, सै जे अहांरा सिर आ,

इफिसियां 4:2

हमेशा नम्रता कने कोमलता सौगी, धैर्यपूर्वक व्यवहार करा, इक्की दूये जो प्यारा ने सैहन्दे रौआ।

इफिसियां 5:15

इस खातर सावधानिया ने देखदे रौआ भई तुहें केढ़ी जिन्दगी जी कराँ ये, बेअक्कलां साई मत जीओ, पर बुद्धिमान्ना साई जीओ।

इफिसियां 5:25

अरे पतियो, अपणी-अपणी पत्नियां ने प्यार करा, तियां इ तियां जे मसीहे कलीसिया ने प्यार कित्या कने खुद अप्पूँजो तिसरे खातर बलिदान करित्या।

फिलिप्पियां 4:18

हुण मिन्जो तुहांरे जरिये भेज्जिरा सब किछ मिलीगरा कने ये बौहत जादा, काँह्भई ये सब इपफ्रदीतुस ल्याईरा कने मैं तिसजो ग्रहण कित्तिरा, सै सुख देणे औल़ी सुगन्ध कने ग्रहण करने लायक बलिदान्ना साई तिसते जे परमेशर खुश हुआं।

कुलुस्सियां 3:14

इन्हां गल्लां ते बधीने प्यार इ सब्बीं ते खास आ, सै जे सब्बीं जो पूरे तरिके ने जोड़ां।

1 थिस्सलुनीकियां 4:9

पर अहौं तुहांजो इक दूये विश्वासी भाईयां ने प्रेम करने रे महत्व रे बारे च लिखणे री जरूरत नीं, काँह्भई परमेशरे खुद इक दूये ने प्रेम करने रे खातर तुहांजो सखाईरा।

1 तिमुथियुस 2:6

तिने जे अपणिया जिन्दगिया जो सब्बीं माहणुआं रे छुटकारे रे खातर कीमता रे रुपा च बल़ि करित्या, कने तिसरिया मौती रे जरिये परमेशरे सही वगता पर ये सबूत दित्या भई सै चांह भई सारे लोक छुटकारा पाओ।

1 तिमुथियुस 4:12

कोई तेरिया ज्वानिया जो बेकार नीं समझणे पाओ; पर वचन, कने चाल-चल़ण कने प्यार कने विश्वास, कने पवित्रता च विश्वासियां खातर आदर्श बणी जा।

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

इब्रानियों 8:3

काँह्भई हरेक महायाजक पापां रिया माफिया खातर भेंट कने बलिदान चढ़ाणे जो नियुक्त कित्या जां, इस वजह ते जरूरी आ, भई अहांरे महांयाजक (यीशुये) ले बी चढ़ाणे रे खातर किछ हो।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।

इब्रानियों 9:23

सै चीजां जे सिर्फ स्वर्गा रियां चीजां री नकल थिआं, जे तिन्हारा शुद्धीकरण इस तरिके रियां विधियां ने हुणे री जरूरत थी, तां खुद स्वर्गा रियां चिज़ां रे खातर इक उत्तम बलिदान्ना री जरूरत इ।

इब्रानियों 9:26

नैत फेरी मसीह जो संसारा रिया सृष्टिया तेई कई बार दुख सैहणे पौन्दे। पर हुण आखिरी वगता पर अपणे बलिदान्ना रे जरिये पापां रा अन्त करने रे खातर मसीह हमेशा-हमेशा जो इक इ बार प्रगट हुईगरा।

1 पतरस 4:8

कने सबनीं ते बड्डी गल्ल येई भई तुहें इक्की दुज्जे ने ईमानदारिया ने प्यार रखा, काँह्भई जे तुहें प्यार रखगे तां तुहां लोकां रिया किसी बी गल्तिया जो माफ करने खातर सदा त्यार रैहणा।

1 यूहन्ना 3:16

यीशु मसीह अहांरे खातर अपणिया जिन्दगिया रा त्याग करित्या; इसते अहें जाणाँ ये भई प्यार क्या; इस खातर अहांजो बी अपणे साथी विश्वासियां रे खातर अपणे प्राणां रा त्याग करना चाहिन्दा।

1 यूहन्ना 3:23

कने तिसरा हुक्म येआ: भई अहें तिसरे पुत्र यीशु मसीह रे नौआं पर विश्वास करिये कने तियां जे तिने अहांजो हुक्म दित्या तिसरे मुतावक अहें इक दुज्जे ने प्यार रखिये।

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,