इफिसियां 5:17 - बिलासपुरी नौआं नियम

¹⁷ इस खातर मूर्ख मत बणा, पर ये जाणा भई प्रभुरी क्या इच्छा इ।

इफिसियां 5:17 ပူးပေါင်းရင်းမြစ်များ

यूहन्ना 7:17

जे कोई परमेशरा रिया मर्जिया पर चलना चाओ, तां सै इस उपदेशा रे बारे च समझी जांगा भई जो उपदेश हऊँ देआं सै परमेशरा रिया तरफा ते आया या हऊँ अपणिया तरफा ते देई कराँ।

रोमियो 12:2

हुण होर अग्गे इस संसारा रिया रीता पर मता चलदे; पर परमेशर तुहांरे मना जो बदलने रे जरिये तुहांजो नया दिल देओ। ताकि तुहें परमेशरा रियां इच्छां जो जाणी सकगे, यानि सै जे भली, सै जे तिस्सो खुश कराँ इ कने सै जे उत्तम इ।

इफिसियां 5:15

इस खातर सावधानिया ने देखदे रौआ भई तुहें केढ़ी जिन्दगी जी कराँ ये, बेअक्कलां साई मत जीओ, पर बुद्धिमान्ना साई जीओ।

कुलुस्सियां 1:9

इस खातर जिस दिना ते अहें तुहांरे बारे च ये सुणया, अहें तुहांरे खातर लगातार प्राथना कराँ ये कने परमेशरा ने ये विनती कराँ ये भई परमेशरा रा आत्मा तुहांजो ज्ञान कने समझ देओ ताकि तुहें तिसरिया इच्छा जो पूरे तरिके ने समझी सक्को।

कुलुस्सियां 4:5

मौके जो कीमती समझीने अविश्वासी लोकां ने समझदारिया ने बर्ताव करा।

1 थिस्सलुनीकियां 5:18

हरेक हालता च परमेशरा रा धन्यवाद करो; काँह्भई तुहां खातर मसीह यीशु च परमेशरा री येई इच्छा इ।

1 पतरस 4:2

इसरा नतीजा तिस माहणुये रा बाकी संसारिक जीवन माहणुये री बुरी इच्छा रे मुतावक नीं, बल्कि परमेशरा रिया इच्छा रे मुतावक हूणा।