इफिसियां 5:12 - बिलासपुरी नौआं नियम

¹² काँह्भई येढ़े काम्म तिन्हांजो जे सै चुपचाप कराँ ये, तिन्हांरे बारे च चर्चा करना बी शर्मा री गल्ल इ।

इफिसियां 5:12 ပူးပေါင်းရင်းမြစ်များ

रोमियो 2:16

ये गल्लां तिस दिन हुणियां ताहली जे परमेशर मेरिया प्रचार कित्ती रिया खुशखबरिया रे मुतावक यीशु मसीह रे जरिये माहणुये रियां गुप्त गल्लां रा न्याय करना।

इफिसियां 5:11

अन्धकारा रे बेकार कम्मां च शामिल मता हुन्दे, बल्कि तिन्हांरियां बुराईयां जो सामणे ल्यावा।

इफिसियां 5:13

ज्योति ताहली जे चमकां इ, तां सारा किछ दिखणे लगां। कने ज्योति तिस्सो जे दस्सां इ, सै खुद ज्योति बणी जां।

इफिसियां 5:3

तुहांरे बिच व्यभिचार कने हर तरह रे अपवित्र कम्मां यनि लालचा री चर्चा तक नीं हूणी चाहिन्दी; काँह्भई पवित्र लोकां रे खातर ये ठीक निआं।

1 पतरस 4:3

काँह्भई तुहें पैहले अन्यजातियां रे लोकां साई इन्हां बुरियां इच्छां जो पूरा करने च काफी वगत गवाई चुक्कीरे। तियां जे ऐस-प्रस्ती करना, काम्म-वासना च डुव्वीरे रैहणा, पियक्कड़पन, रंगरलियां मनाणा, शराब पीने मौज करनी कने तुहें मूर्तियां री पूजा बी कित्ती तिसते जे परमेशर नफरत कराँ।

प्रकाशितवाक्य 20:12

कने मैं तिन्हां मूईरयां जो सै जे छोट्टे या बड्डे थे, परमेशरा रे सामणे खढ़िरे देख्या, कने कताबां खोल्ली गईयां; फेरी इक होर कताब खोल्ली गई, यनि जीवना री किताब। मूईरयां रा न्याय तिन्हां कम्मां रे मुतावक हुया तियां जे तिन्हां कताबां च लिख्या हुया था।