इफिसियां 4:9 - बिलासपुरी नौआं नियम

⁹ ताहली जे पवित्रशास्त्र बोलां भई “सै ऊँचे पर चढ़या” तां इसरा मतलब येआ भई सै पैहले धरतिया रे थलड़े हिस्से च बी उतरया था।

इफिसियां 4:9 ပူးပေါင်းရင်းမြစ်များ

मत्ती 12:40

कने तियां जे योना तिन्न दिन कने तिन्न रात तिस समुद्री जीबा रे पेट्टा च रैया था, तियां इ माहणुये रे पुत्रा यनि मांज बी तिन्न दिन तिन्न रात कब्रा़ रे अन्दर रैहणा।

यूहन्ना 20:17

यीशुये तिसाजो गलाया, मेरयां पैराँ ने लिपटी ने मिन्जो मत रोक, काँह्भई हऊँ अजें तक पिता ले नीं गईरा, तू मेरे भाईयां लौ जा, कने तिन्हांजो दस हऊँ अपणे परम पिता कने तुहांरे परम पिता, अपणे परमेशर कने तुहांरे परमेशरा ले जाया रां।

यूहन्ना 3:13

कोई स्वर्गा जो नीं गया, पर सिर्फ माहणुये रा पुत्र यनिके हऊँ, सै जे स्वार्गा ते उतरी ने आईरा।

यूहन्ना 6:33

काँह्भई परमेशरा री रोटी सैई, सै जे स्वर्गा ते उतरी ने संसारा रे लोकां जो जीवन देईं।”

यूहन्ना 6:38

काँह्भई हऊँ स्वर्गा ते इस खातर नीं आईरा, भई अपणी इच्छा पूरी करूँ, पर हऊँ इस खातर आईरा भई अपणे भेजणे औल़े परमेशरा री इच्छा जो पूरा करूँ।

यूहन्ना 6:41

इस खातर यहूदी अगुवे यीशुये पर बड़बड़ाणे लगे काँह्भई तिने गलाया था, भई “सै रोटी जे स्वर्गा ते उतरी री, सै हऊँ इ।”

यूहन्ना 6:51

जीवना री रोटी सै जे स्वर्गा ते उतरी हऊँ आ। जे कोई इसा रोटिया चते खाओ, तां हमेशा जिऊंदा रैहन्गा; कने सै रोटी जे मांह संसारा रे लोकां रे जीवना खातर देणी, सै मेरा शरीर आ।”

यूहन्ना 6:58

ये सैई रोटी सै जे स्वर्गा ते उतरी री, ये रोटी तिसा रोटिया साई नीं सै जे तुहांरे पूर्वजें खाद्दि कने मरीगे; सै जे कोई इसा रोटिया खांगा, तिस हमेशा जिऊंदे रैहणा।”

यूहन्ना 6:62

कने जे तुहें माहणुये रे पुत्रा जो यनि मिन्जो, तित्थी जे हऊँ पैहले था, भीं ते स्वर्गा च जान्दे देखणा, तां क्या हूणा?

यूहन्ना 8:14

यीशुये तिन्हांजो जबाब दित्या, भई “जे हऊँ अपणी गवाही अप्पूँ देआं, तां बी मेरी गवाही ठीक इ, काँह्भई हऊँ जाणाँ भई हऊँ किति ते आईरा कने किति जो जां? पर तुहें लोक ये नीं जाणदे भई हऊँ किति ते आईरा कने किति जो जां।

इब्रानियों 2:7

तैं तिन्हांजो स्वर्गदूतां ते सामर्था च किछ वगता तक घट करीने बणाईरा, तैं तिन्हांजो राजे साई महिमा कने आदर दित्तिरा।

इब्रानियों 2:9

पर अहें यीशुये जो देक्खां ये, सै जे स्वर्गदूतां ते किछ इ वगता रे खातर घट कित्या गया था, ताकि परमेशरा रे अनुग्रह रे जरिये सै सब्बीं रे खातर मरी सक्को। कने काँह्भई तिने दुख सैया कने मरया, तां हुण अहें जाणाँ ये भई सै महिमामय आ कने आदर कित्या गईरा।