इफिसियां 4:7 - बिलासपुरी नौआं नियम

⁷ पर अहां चते हर इक्की जो मसीह रे दान्ना रे हिसाबा ने अनुग्रह मिलीरा।

इफिसियां 4:7 ပူးပေါင်းရင်းမြစ်များ

मत्ती 25:15

तिने इक्की जो सोने रे सिक्कयां ने भरी रियां पांज्ज थैलियां दित्ति, तिन्हां चते इक थैली (पन्द्रह साल्लां रिया मजदूरिया ते जादा), दुज्जे जो दो, कने तिज्जे जो इक; सै हर इक्की जो तिन्हांरी काबलियता रे मुतावक कमाई करने जो देईने खुद परदेशा जो चलिग्या।

यूहन्ना 3:34

काँह्भई तिस्सो जे परमेशरे भेज्जीरा, सै परमेशरा रियां इ गल्लां बोलां; काँह्भई ये सैई आ तिसजो जे परमेशरे पवित्र आत्मा पूरे तरिके ने देई दित्तिरा।

रोमियो 12:3

इस खातर परमेशरा रे अनुग्रह रिया वजह ने सै बरदान जे तिने मिन्जो दित्या, तिस्सो ध्याना च रखदे हुये हऊँ तुहां चते हर इक्की ने बोलां, भई तेढ़ा जे समझणा चाहिन्दा तिसते बधीने कोई खुद अप्पूँजो नीं समझे; यनिके जितना विश्वास परमेशरे तुहांजो दित्या, तिसरे मुतावक अप्पूँजो समझा।

2 कुरिन्थियों 6:1

परमेशरा सौगी काम्म करने रे नाते अहें तुहां लोकां ने बिनती कराँ ये भई परमेशरा रा सै अनुग्रह जे तुहांजो मिलीरा, तिस्सो बेकार नीं जाणे देआ।

इफिसियां 3:2

जरूर तुहें सुणीरा भई परमेशरे अपणे अनुग्रह रे जरिये तुहांजो खुशखबरिया रा प्रचार करने री जिम्मेवारी मिन्जो दित्तिरी।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

इब्रानियों 2:4

परमेशरे बी चिन्ह कने अदभुत काम्म कने कई किस्मा रे सामर्था रे कम्मां रे जरिये कने अपणिया इच्छा रे मुतावक लोकां जो पवित्र आत्मा रे जरिये बरदान देईने ये साबित कित्या।

1 पतरस 4:10

जिस किसी जो परमेशरा रिया तरफा ते जो बी बरदान मिलीरा, तिस्सो तिस बरदान्ना रा इस्तेमाल दुज्यां री सेवा रे खातर करना चाहिन्दा। तिस्सो अपणे बरदान्ना जो परमेशरा रे अच्छे सेवका साई ठीक ढंगा ने इस्तेमाल करना चाहिन्दा।