इफिसियां 4:25 - बिलासपुरी नौआं नियम

²⁵ इस खातर तुहें झूट्ठ बोलणा छड्डिने, हरेक अपणे पड़ोसिये ने सच्च बोल्लो, काँह्भई अहें सारे इक्की शरीरा रे अंग ये।

इफिसियां 4:25 ပူးပေါင်းရင်းမြစ်များ

यूहन्ना 8:44

तुहें अपणे पिता शैतान्ना री सन्तान ये कने अपणे पिता रियां इच्छां जो पूरा करना चाँये। सै त शुरु ते खूनी आ कने तिने कदीं सच्चाईया रा पक्ष नीं लेआ, काँह्भई सच्च तिसच हाया इ निआं। झूट्ठ बोलणा त तिसरे स्वाभावा ची हाया; काँह्भई सै झूट्ठा कने सारयां झूट्ठां जो जन्म देणे औल़ा पिता।

रोमियो 12:5

तियां इ हलाँकि अहें बौहत सारे, पर मसीह च अहें इक जिस्मा रे रुपा च हुई जायें, इस तरिके ने अहें सारे मसीह विश्वासी इक दुज्जे सौगी जिस्मा रे अंगा साई जुड़ी जायें।

1 कुरिन्थियों 10:17

काँह्भई इक रोटी ये दस्सां इ भई अहें सै जे बौहत ये मसीह च इक शरीर ये, काँह्भई अहें सारे तिसा रोटिया च भागी हुआं ये।

2 कुरिन्थियों 7:14

तुहांरे खातर मैं तिसने सै गल्लां जे बढ़ी-चढ़ी ने कित्तियां थी, तिसरे खातर मिन्जो शर्मिन्दा नीं हुणे पैया; बल्कि अहें तियां जे तुहांजो सारा किछ सच्च-सच्च गलाया था, तियां इ तुहांरे बारे च अहांरा गर्व तीतुस रे सामणे सच्चा साबित हुया।

इफिसियां 4:15

बल्कि अहौं प्यारा ने सच्चाई बोलदे हुये हर गल्ला च मसीह साई बणने रे खातर परिपक्व हूणा चाहिन्दा, सै जे अहांरा सिर आ,

इफिसियां 4:22

तुहांरे गुरुये तुहौं तुहांरे पुराणे स्वभावा जो छडणे खातर सखाया, तुहांरी बुरी भलाखें तुहांजो भटकाया कने तुहांरी जिन्दगी बरबाद करीती।

इफिसियां 4:31

हर तरिके री कड़वाहट, झुँझलाहट, गुस्सा, चिखणा-चिल्लाणा, निंध्या कने हरेक बुराईया जो तुहें अपणे अन्दरा ते दूर करा।

इफिसियां 5:30

काँह्भई अहें बी तिसरे जिस्मा रेई अंग हाये।

कुलुस्सियां 3:8

पर हुण तुहें इन्हां सारियां गल्लां यनि गुस्सा, झुंझलाहट, बैर-बरोध, निंध्या-चुगली कने मुँआं ते गाल़ी देणा छडी दे।

कुलुस्सियां 3:9

अप्पूँ चियें झूट्ठ मता बोलदे काँह्भई तुहें अपणे पुराणे स्वाभावा जो छड्डी चुक्कीरे।

1 तिमुथियुस 1:10

व्यभिचारियां, आदमी सै जे आदमियां ने शारीरिक रिश्ता रखां ये, माहणुये रे बेचणे औल़यां, झूट्ठ बोलणे औल़यां, कने झूट्ठी कसम खाणे औल़यां, कने इन्हांजो छड्डिने खरे उपदेशा रे सारे विरोधियां खातर बणाई गईरी।

1 तिमुथियुस 4:2

सै लोक जे ये झुट्ठियां शिक्षां देआं थे सै झूट्ठे लोक ये कने तिन्हांरी अन्तरात्मा मरी चुक्कीरी तियां जे भई गर्म लोहे तिन्हांजो जल़ाई तरा हो,

तीतुस 1:12

इक माहणु सै जे क्रेते टापुये ते आ, तिसजो जे सै भविष्यवक्ता मन्नां ये तिने बोलीरा, “क्रेती लोक हमेशा झूट्ठ बोलां ये, सै जंगली पशुये साई दुष्ट ये कने सै आलसी कने खाऊ ये।”

तीतुस 1:2

सच्चे सन्देशा रा ये ज्ञान तिन्हांजो ये आशा देआं भई तिन्हां अनन्त जीवन पाणा तिसजो जे परमेशरे सै जे कदीं झूट्ठ नीं बोलदा संसारा रिया सृष्टिया ते पैहले देणे रा वायदा कित्तिरा।

इब्रानियों 12:1

इस वजह ते ताहली जे बौहत लोकां रे विश्वासा रियां गवाहीयें अहांजो इतणे बड्डे बद्दल़ा साई घेरीरा ओ, तां औआ, हरेक रोकणे औल़ियां चिज़ां कने उलझाणे औल़यां पापां जो दूर करीने, तिसा दौड़ा च जे अहां दौड़णा तिसाजो धैर्य ने दौड़िये।

याकूब 1:21

इस खातर तुहांरे जीवना च सै जे गन्दगी कने बुराई, तिन्हांजो दूर करीने तुहांरे मनां च सै जे परमेशरा रा वचन बाहीरा तिसजो नम्र हुईने ग्रहण करदे जावा; सै जे तुहांरे प्राणा जो बचाई सक्कां।

1 पतरस 2:1

इस खातर हरेक बुराईया ते दूर रौआ। दुज्यां जो धोखा मत देआ कने कपटी मत बणा, जल़ण करने औल़े मत बणा कने किसी री बेईज्जति मत करा,

प्रकाशितवाक्य 21:8

पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”

प्रकाशितवाक्य 22:15

पर कुत्ते, जादूगर, व्यभिचारी, हत्यारे, मूर्त्तिपूजक, कने हरेक झूट्ठा रा चाहणे औल़ा कने झुट्ठियां गल्लां बनाणे औल़ा बाहर रैहणा।