इफिसियां 4:21 - बिलासपुरी नौआं नियम

²¹ सै जे तुहें मसीह रे बारे च सुणीरा कने सिक्खीरा हकीकत च सै खुशखबरिया रा सच्चा सन्देश आ सै जे मसीह यीशुये रे बारे चा।

इफिसियां 4:21 ပူးပေါင်းရင်းမြစ်များ

मत्ती 17:5

सै हल्तियें गल्ल करयां इ कराँ था भई इक चमकदे हुये बद्दल़े सै ढक्कीले, कने बद्दल़ा चते अकाशवाणी हुई : भई “ये मेरा प्यारा पुत्र आ, तिसते जे हऊँ बड़ा खुश आ: इसरी सुणा।”

लूका 10:16

“सै जे कोई तुहांरी सुणां, सै मेरी बी सुणां, कने सै जे कोई तुहांरा इन्कार कराँ, सै मेरा बी इन्कार कराँ; कने सै जे कोई मेरा इन्कार कराँ, सै मेरे भेजणे औल़े रा इन्कार कराँ।”

यूहन्ना 1:17

अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से।

यूहन्ना 10:27

मेरी भेड्डां मेरी अवाज़ ध्याना ने सुणां इयां; हऊँ तिन्हौं जाणाँ, सै मेरे पिच्छे-पिच्छे चलां इयां;

यूहन्ना 14:17

यनिके पवित्र आत्मा तिसजो जे संसारा रे लोक ग्रहण नीं करी सकदे, काँह्भई सै नांत इस्सो जाणाँ ये कने नांई देखी सक्कां ये; पर तुहां तिसरा पता, काँह्भई तिस सदा तुहांजो रैहणा कने तुहां च वास करना।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

रोमियो 10:14

पर सै जे प्रभुये पर विश्वास नीं करदे, सै तिस्सो कियां पुकारगे? कने सै तिन्हे जे तिसरे बारे च सुणया इ निआं, तिस पर कियां विश्वास करी पांगे? कने फेरी भला तदुआं तक जे कोई तिन्हांजो तिसरे बारे च प्रचार नीं करगा, सै कियां सुणी पांगे?

2 कुरिन्थियों 1:20

काँह्भई परमेशरा रे जितने बी वायदे, सै सारे मसीह च पूरे हुये; इस खातर अहें मसीह रे जरिये बी सै जे “आमीन” बोलां ये, सै परमेशरा री इ महिमा खातर हुआं।

2 कुरिन्थियों 11:10

जे मसीह री सच्चाई माह ची, इस खातर अखाया प्रदेशा रे सारयां इलाकयां च मिन्जो गर्वा ने बोलणे ते कोई नीं रोकी सकदा।

इफिसियां 1:13

परमेशरे तुहौं बी अपणे लोक बणाया ताहली जे तुहें सच्चाईया रा सन्देश यनि तुहांरे छुटकारे री खुशखबरी सुणी। तां तुहें तिस पर विश्वास कित्या कने मसीह च परमेशरे तुहां पर छाप लाई सै छाप जे वायदा कित्तिरा पवित्र आत्मा।

इफिसियां 2:17

मसीहे आईने तुहां लोकां जो सै जे दूर थे तिन्हाजो बी कने सै जे नेड़े थे तिन्हांजो बी दुईं जोई मेल-मिलापा री खुशखबरी सुणाई।

कुलुस्सियां 1:5

तुहें ये कराँ ये काँह्भई तुहें भरोसे सौगी तिस ईनामा जो पाणे री आशा कराँ ये, सै जे परमेशरे स्वर्गा च तुहांरे खातर त्यार कित्तिरा, इस बारे च तुहें पैहले तेई सुणी चुक्कीरे, ताहली जे लोक पैहले तुहांले आये कने तुहांजो सच्चा सन्देश दित्या सै जे मसीह यीशुये री खुशखबरी।

कुलुस्सियां 1:6

बौहत सारी जगहां पर लोक मसीह रिया खुशखबरिया पर विश्वास करी राँये, कने बौहत लोक विश्वासी बणिगे कने इस तरिके ने व्यवहार कराँ ये सै जे परमेशरा जो खुश कराँ। जिस दिना ते तुहें तिसजो सुणया कने सच्चाईया जो समझया भई परमेशर खुशिया ने तिन्हांरे पापां जो माफ कराँ सै जे मसीह पर विश्वास कराँ ये, तियां जे तुहांरे सुणने रे पैहले दिना तेई तुहांरा जीवन बदलिग्या।

कुलुस्सियां 2:7

कने तिस ची मजबूत हुन्दे जावा तियां जे इक पेड़ धरतिया च जड़ पकड़ां; कने लगातार तिस ची अपणे विश्वासा जो बधान्दे जावा, कने परमेशरा रा जादा ते जादा धन्यवाद करदे रौआ।

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।