इफिसियां 3:5 - बिलासपुरी नौआं नियम

⁵ ये भेत पिछली पीढ़िया रे लोकां जो इयां नीं दस्सीरा था, तियां जे हुण पवित्र आत्मा रे जरिये परमेशरा रे पवित्र प्रेरितां कने भविष्यवक्तयां पर परगट कित्या गया।

इफिसियां 3:5 ပူးပေါင်းရင်းမြစ်များ

मत्ती 13:17

हऊँ तुहांजो सच्च बोलां भई कई सारे भविष्यवक्ता कने धर्मात्मा तिन्हां गल्लां जो जे देखणा चाँह थे, तिन्हांजो तुहें देखी रायें; सै तिन्हांजो नीं देक्खी सक्के; कने तिन्हां गल्लां जो जे सै सुणना चाँह थे, तिन्हांजो तुहें सुणीराँ ये, सै इन्हांजो नीं सुणी सक्के।

मत्ती 20:7

तिन्हें मालका जो जवाव दित्या, इस खातर भई किन्हिये अहांजो मजदूरिया पर नीं लगाया। फेरी मालके तिन्हांजो बोल्या, तुहें बी मेरे बगीचे च जावा कने काम्म करा।

मत्ती 23:34

इस खातर देक्खा, हऊँ तुहांले भविष्यवक्तयां कने बुद्धिमानां कने शास्त्रियां जो भेज्जां; कने तुहें तिन्हां चते किछ जो मारी देणा, कने किछ लोक क्रूसा पर चढ़ाणे कने किछ जो अपणे यहूदी सभा घराँ च कोड़े मारने कने इक्की नगरा ते दुज्जे नगरा च खदेड़दे फिरगे।

लूका 10:24

काँह्भई हऊँ तिज्जो दस्सां, भई मते सारेयां भविष्यवक्तयां कने राजयां बी इच्छा किति भई सै तिन्हां गल्लां जो देखो कने सुणो, तिन्हां गल्लां जो जे तुहें मिन्जो करदे हुये देख्या, कने मिन्जो बोलदे हुये सुणीरा, पर सै तिन्हां गल्लां जो नांत देक्खी सक्के नांई सुणी सक्के।”

लूका 11:49

परमेशरे अपणिया बुद्धिया ने तुहांरे खातर येढ़ा गलाया, ‘हऊँ तिन्हाले भविष्यवक्तयां कने प्रेरितां जो भेजगा, तिन्हांजे इन्हां चते किछ मारी देणे कने किछ पर जुल्म करने।’

यूहन्ना 14:26

पर सहायक, यनि पवित्र आत्मा, तिस्सो जे पिता मेरे नौआं ते भेजणा, तिस सब गल्लां तुहांजो सखाणियां कने जो किछ मैं तुहांजो गलाया सै सब गल्लां याद कराणियां।

यूहन्ना 16:13

पर ताहली जे सच्चाईया रा आत्मा औआं, तिस परमेशरा री हरेक सच्चाईया च तुहांरी अगुवाई करनी तिसरी जे तुहांजो जाणने री जरूरत इ, काँह्भई तिस अपणिया तरफा ते किछ नीं बोलणा, पर जो गल्लां सै परमेशरा ते सुणां तिस तुहांजो दसणियां, इस खातर तिस तुहांजो हुणे औल़ियां गल्लां हुणे ते पैहले दसणियां।

प्रेरितां 10:28

पतरसे तिन्हांने गलाया, “तुहें जाणाँ यें भई अन्यजातियां री संगती करना या तिन्हां ला जाणा अहां यहूदियां खातर नियमा रे खलाफ आ, पर परमेशरे मिन्जो दस्या भई किसी माहणुये जो अपवित्र या अशुद्ध नीं बोलूं।

रोमियो 16:25

हुण सारी महिमा परमेशरा री ओ, सै जे तुहांजो विश्वासा च मजबूत करी सक्कां, तियां जे खुशखबरी बोलां इ। यीशु मसीह रे बारे री ये खुशखबरी अन्यजातियां रे लोकां रे खातर तिसरी योजना परगट कित्तिरी सै जे युगां-युगां ते छुपीरी थी।

1 कुरिन्थियों 2:10

पर परमेशरे तिन्हांजो अपणे आत्मा रे जरिये अहां पर प्रगट कित्या, काँह्भई परमेशरा रा आत्मा सारियां गल्लां जो येत्थी तक भई परमेशरा रियां गुढ़ियां गल्लां री बी खोज कराँ।

इफिसियां 2:20

तुहें इक येढ़ा घर ये सै जे प्रेरितां कने भविष्यवक्तयां री निऊंवा पर बणाईरा, कने तिसरे कुणे रा पत्थर खुद मसीह यीशु आ।

इफिसियां 3:9

भई हऊँ सारयां लोकां पर ये परगट करी सक्कूँ भई कियां परमेशरे अपणिया छुपी रिया योजना जो पूरा कित्या, सै जे युगां ते परमेशरा च छिपिरा था तिने जे सब किछ बणाईरा।

2 पतरस 3:2

हऊँ चांह भई तुहें तिन्हां गल्लां जो याद करा तिन्हांजो जे पवित्र भविष्यवक्तयां बौहत पैहले बोल्या था, कने अहांरे प्रभु कने छुटकारा करने औल़े रे तिन्हां हुक्मां जो बी याद करा सै जे तुहांरे प्रेरितां यनि अहांरे जरिये दित्तिरे थे।

यहूदा 1:17

पर प्यारे मित्रो, तुहें तिन्हां गल्लां जो जरूर याद रखा तिन्हौं जे अहांरे प्रभु यीशु मसीह रे प्रेरित पैहले तेई बोल्ली चुक्कीरे।