इफिसियां 3:13 - बिलासपुरी नौआं नियम

¹³ इस खातर हऊँ तुहांजो विनती कराँ भई तुहांरे खातर हऊँ सै जे दुख सही राँ तिसरिया वजह ने तुहें निराश नीं हुईजो, काँह्भई इसी दुखा च तुहांरी महिमा इ।

इफिसियां 3:13 ပူးပေါင်းရင်းမြစ်များ

प्रेरितां 14:22

कने हरेक नगरा रे चेलयां रे मना जो मजबूत करदे रहे कने ये उपदेश देआं थे भई विश्वासा च बणीरे रौआ; कने ये बोलां थे, “अहांजो मते दुख सहीने परमेशरा रे राज्जा च जाणे मिलणा।”

2 कुरिन्थियों 1:6

जे अहें दुख सैं, तां ये तुहांरिया तसल्लिया कने छुटकारे खातर आ; कने जे अहें तसल्ली पांये, तां ये तुहांरिया तसल्लिया खातर आ; जिस रिया वजह ते तुहें धीरजा ने तिन्हां दुखां जो सैई लैं जिन्हौं जे अहें बी सैयां ये।

2 कुरिन्थियों 4:1

काँह्भई परमेशरा रिया दया ते तिसरे वचना रा प्रचार करने री सेवा अहांजो मिली, इस खातर अहें निराश नीं हुन्दे।

गलातियां 6:9

इस खातर औआ अहें भलाई करदे कदीं मनी थक्को, काँह्भई जे अहें भलाई करदे इ रैहन्गे, तां सही बगत औणे पर अहांजो तिसरा ईनाम मिलणा।

इफिसियां 3:1

इस खातर हऊँ पौलुस तुहांरे खातर प्राथना कराँ, कने तुहां अन्यजातियां रे खातर मसीह यीशुये री सेवा करने रिया वजह ते कैदी बणया।

फिलिप्पियां 2:18

इयां इ तुहें बी खुश रौआ कने मेरे सौगी मौज करा।

कुलुस्सियां 1:24

मिन्जो इसा गल्ला री खुशी भई हुण हऊँ तुहांरे खातर दुख सैई सकूँ, कने तियां जे मसीह दुख सैया, तियां इ हऊँ बी खुशिया ने तिन्हां सारयां दुखां जो कलीसिया रे फायदे रे खातर अपणे शरीरा च सैयां सै जे जरूरी ये, ताकि कलीसिया री मदद करी सकूँ सै जे मसीह रे शरीरा साई आ।

2 थिस्सलुनीकियां 3:13

साथी विश्वासियो, कांहभई तुहें निराश हुई चुक्कीरे इस खातर सै जे ठीक आ तिस्सो करना मत छड्डा।