इफिसियां 3:1 - बिलासपुरी नौआं नियम

¹ इस खातर हऊँ पौलुस तुहांरे खातर प्राथना कराँ, कने तुहां अन्यजातियां रे खातर मसीह यीशुये री सेवा करने रिया वजह ते कैदी बणया।

इफिसियां 3:1 ပူးပေါင်းရင်းမြစ်များ

लूका 21:12

पर इन्हां सारियां गल्लां ते पैहले, तिन्हां माह पर विश्वास करने रिया वजह ने तुहें पकड़ने, कने सताणे, कने यहूदी सभा घराँ च सौंपणे, कने जेल्लां च पाये जाणे, कने राजयां कने राजपालां रे सामणे लैई जाणे।

प्रेरितां 21:33

फेरी पलटना रे सरदारे पौलुस रे नेड़े आईने तिस्सो पकड़ील्या; कने दुईं जंजीराँ च बन्हणे रा हुक्म देईने पुछणे लगया ये कुण आ कने इने क्या कित्तिरा?”

प्रेरितां 23:18

इस खातर सुबेदारे पौलुसा रे भाणजे जो पलटना रे सरदारा ले नेईने गलाया, “कैदी पौलुसे मिन्जो सद्दीने विनती कित्ती, भई ये जवान पलटना रे सरदारा ने किछ बोलणा चाँह; इस्सो तिसला लई जवा।”

प्रेरितां 26:29

पौलुसे जबाब दित्या, थोड़े वगता च, चाये मते वगता च, “परमेशरा ने मेरी प्राथना येई भई नां सिर्फ तू, पर सै सारे लोक बी, सै जे आज्ज मिन्जो सुणया राँये, तेढ़े इ हुई जाओ, तेढ़ा जे हऊँ विश्वासी आ, सिवाय इन्हां जंजीराँ ते।”

प्रेरितां 9:15

पर प्रभु यीशुये हनन्याह ने गलाया, “तू चली जा; काँह्भई सै त अन्यजातियां कने राजयां कने इस्राएलियां रे सामणे मेरे बारे च प्रचार करने रे खातर मैं तिसजो चुणीरा।

2 कुरिन्थियों 1:6

जे अहें दुख सैं, तां ये तुहांरिया तसल्लिया कने छुटकारे खातर आ; कने जे अहें तसल्ली पांये, तां ये तुहांरिया तसल्लिया खातर आ; जिस रिया वजह ते तुहें धीरजा ने तिन्हां दुखां जो सैई लैं जिन्हौं जे अहें बी सैयां ये।

2 कुरिन्थियों 10:1

हऊँ पौलुस मसीह री नम्रता कने कोमलता च तुहांजो विनती करी रां, हलाँकि मैं महसूस कित्या भई तुहें सोच्चां ये हऊँ तुहांरे सामणे डरपोक आ कने ताहली जे तुहांते दूर आ हऊँ निडर आ।

2 कुरिन्थियों 11:23

क्या सैई मसीह रे सेवक ये? हऊँ पागला साई बोलां, हऊँ त तिन्हांते बी बड्डा मसीह रा दास आ! मैं तिन्हांते बौहत कठण मेहणत कित्तिरी; हऊँ कई बार जेल्ला गया; मिन्जो अनगिणत बार कुट्टया गया, कने लगातार मिन्जो मौती रा सामना करना पैया।

गलातियां 5:11

पर मेरे साथी विश्वासियो, जे हऊँ हुण तक खतने रा प्रचार करदा, तां मिन्जो हुण तक सताया नीं जान्दा, जे हुण तक हऊँ मसीह रे क्रूसा ते इलावा खतने रिया जरूरता रा प्रचार करदा हुन्दा, तां हऊँ यहूदियां जो नराज नीं करदा।

गलातियां 5:2

सुणा! हऊँ, पौलुस खुद तुहांजो बोल्ली कराँ भई जे परमेशरा रे सामणे धर्मी हुणे रे खातर तुहें अपणा खतना करवांगे, तां तुहांरे खातर मसीह रा कोई मतलब नीं हूणा।

गलातियां 5:24

सै जे यीशु मसीह रे लोक ये, तिन्हें अपणे पापी स्वभावा रियां इच्छां कने लालसां जो क्रूसा पर चढ़ाईत्या।

इफिसियां 3:11

ये तिस सनातन इच्छा रे मुतावक हुया सै जे तिने अहांरे प्रभु यीशु मसीह च पूरी कित्तिरी।

इफिसियां 3:13

इस खातर हऊँ तुहांजो विनती कराँ भई तुहांरे खातर हऊँ सै जे दुख सही राँ तिसरिया वजह ने तुहें निराश नीं हुईजो, काँह्भई इसी दुखा च तुहांरी महिमा इ।

इफिसियां 3:8

हलाँकि हऊँ सब पवित्र लोकां च छोट्टयां ते बी छोट्टा, परमेशरे अनुग्रह ने मिन्जो ये मौका दित्या ताकि हऊँ अन्यजातियां जो मसीह री अपार आशीषां री खुशखबरी सुणाऊँ।

इफिसियां 4:1

इस खातर हऊँ सै जे प्रभुये री सेवा रे खातर कैदी आ, तुहां लोकां ने विनती कराँ भई तुहौं परमेशरे तियां जे जीणे खातर सद्दीरा तिस तरिके ने जीआ।

इफिसियां 6:20

तिसरे खातर जे हऊँ जंजीराँ ने जकड़ोईरे राजदूता साई सेवा करया राँ। प्राथना करा भई तियां जे हिम्मता ने मिन्जो बोलणा चाहिन्दा, तियां इ निडर हुईने बोल्ली सक्कूं।

फिलिप्पियां 1:7

मेरे खातर ये ठीक आ भई हऊँ तुहांरे बारे च ये सोच्चूँ, काँह्भई हऊँ तुहांजो बौहत प्रेम कराँ। काँह्भई चाहे हऊँ कैदा चा, चाहे खुशखबरिया रिया सच्चाई री फाजत करया राँ, चाहे खुशखबरिया जो प्रमाणित करया राँ, तिसच तुहें सारे मेरे सौगी परमेशरा रे अनुग्रह च हिस्सेदार ए।

कुलुस्सियां 1:24

मिन्जो इसा गल्ला री खुशी भई हुण हऊँ तुहांरे खातर दुख सैई सकूँ, कने तियां जे मसीह दुख सैया, तियां इ हऊँ बी खुशिया ने तिन्हां सारयां दुखां जो कलीसिया रे फायदे रे खातर अपणे शरीरा च सैयां सै जे जरूरी ये, ताकि कलीसिया री मदद करी सकूँ सै जे मसीह रे शरीरा साई आ।

कुलुस्सियां 4:18

मेरा यनि पौलुसा रा अपणे हत्था रा लिखिरा नमस्कार। याद रखयां हऊँ जेल्ला चा, परमेशरा रा अनुग्रह तुहांजो सौगी रौओ। आमीन।

कुलुस्सियां 4:3

कने इस सौगी अहांरे खातर बी प्राथना करा भई परमेशर अहांरे खातर वचन सुणने रा येढ़ा अवसर देई दो, भई अहें मसीह रे तिस भेदा रा बखान करी सक्को तिसरिया वजह ने जे हऊँ कैदा चा,

2 तिमुथियुस 1:16

उनेसिफुरुस रे परिवारा पर प्रभु दया करो, काँह्भई तिने बौहत बार मिन्जो सुख दित्तिरा, कने सै मेरे जेल्ला च रैहणे ते शर्माया निआं।

2 तिमुथियुस 1:8

इस खातर अहांरे प्रभुये रे बारे च दुज्यां लोकां जो दसणे च शर्मिन्दा नीं हुयां कने नांई इसा गल्ला खातर शर्मिन्दा हुयां भई हऊँ तिसरे खातर कैदी आ, बल्कि परमेशर तिज्जो सै जे सामर्थ देआं तिसरा इस्तेमाल करदे हुये खुशखबरिया खातर मेरे सौगी दुख सै।

फिलेमोन 1:1

हऊँ पौलुस, ये चिट्ठी लिखिराँ, कने हुण हऊँ जेल्ला चा, काँह्भई हऊँ मसीह यीशुये रे बारे च प्रचार कराँ। हऊँ कने अहांरे साथी विश्वासी तिमुथियुस अहांरे प्यारे मित्र कने अहां सौगी काम्म करने औल़े फिलेमोन तिज्जो नमस्कार।

फिलेमोन 1:23

इपफ्रास, सै जे मसीह यीशुये री सेवा करने खातर मेरे सौगी जेल्ला चा,

प्रकाशितवाक्य 2:10

सै दुख जे तिज्जो झलणे पौणे, तिन्हांते मत डर; काँह्भई, शैतान दुज्जे किछ लोकां रे जरिये तुहांजो परखणे खातर तुहां चते किछ लोकां जो जेल्ला च पाई देणा; कने तुहौं दस्सां दिनां तक दुख सैहणे पौणा। आखरी सांस तक बफादार बणीने रै, फेरी मांह तिज्जो जीवना रा मुकट देणा।