इफिसियां 2:6 - बिलासपुरी नौआं नियम

⁶ काँह्भई परमेशरे अहौं मसीह साई मूईरयां चते जिऊंदा कित्या कने मसीह सौगी अहांरे रिश्ते रिया वजह ने स्वर्गा च तिस सौगी बठाल़या।

इफिसियां 2:6 ပူးပေါင်းရင်းမြစ်များ

मत्ती 26:29

हऊँ तुहांजो बोलां भई अंगूरां रा ये रस तिस दिन तक कदीं नीं चखणा, तदुआं तक जे अपणे पिता रे राज्जा च तुहां सौगी नौआं दाखरस नीं पी लुँ।”

लूका 12:37

आशीषित ये सै सेवक सै जे मालका रे औन्दे इ तिसजो जागदे कने त्यार हुईरे मिलां ये। हऊँ तुहांजो सच्च बोलां, भई सै बी तिन्हां रिया सेवा खातर अपणी कमर बन्हीने तिन्हाजो रोटी खाणे बठाल़गा, कने नेड़े आईने तिन्हारी सेवा करगा।

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

यूहन्ना 14:3

जे हऊँ तित्थी जाया राँ, कने तुहां खातर रैहणे री जगह बणाऊं, तां माह फेरी येत्थी आईने तुहांजो अपणे सौगी रैहणे खातर ऊत्थी लेई जांगा, ताकि तुहें बी तित्थी रौआ तित्थी जे हऊँ रौआं।”

इफिसियां 1:1

हऊँ, पौलुस परमेशरा रिया इच्छा रे जरिये यीशु मसीह रा प्रेरित आ। हऊँ ये चिट्ठी इफिसुस नगरा च रैहणे औल़े पवित्र लोकां कने यीशु मसीह रे सच्चे विश्वासियां जो लिखिराँ।

इफिसियां 1:3

अहांरे प्रभु यीशु मसीह रे पिता कने परमेशरा रा धन्यवाद, तिने जे अहांजो मसीह च स्वर्गा ते सब आत्मिक आशीषां दित्ति रियां।

इफिसियां 2:10

काँह्भई परमेशर अहांरा बनाणे औल़ा, तिने मसीह यीशु च अहांरी सृष्टि इस खातर कित्ती भई अहें भले काम्म करो, तिन्हांजो जे परमेशरे पैहले ते अहांरे खातर त्यार कित्तिरा।

इफिसियां 2:13

इक वगत था ताहली जे तुहें परमेशरा ते दूर थे, पर हुण मसीह यीशु च तिसरे खून्ना रे जरिये नेड़े लन्दे।

कुलुस्सियां 1:18

मसीह आ सै जे कलीसिया पर राज कराँ कने तिन्हांरा मार्गदर्शन कराँ, तियां जे माहणुये रा सिर तिसरे शरीरा पर राज कराँ, सैई शुरु आ कने मूईरयां चते भीं ते जिऊंदा हुणे औल़यां च पैहला ताकि सारियां गल्लां च सैई प्रधान बणो।