इफिसियां 2:2 - बिलासपुरी नौआं नियम

² तिन्हां च जे पैहले तुहें संसारा रिया रितिया रे मुतावक कने तिसा बुरी आत्मा रा अनुशरण करदे हुये जीआं थे सै जे इसा धरतिया रे उपरा री आत्मिक शक्तियां रा मालक आ। सैई बुरी आत्मा हुण तिन्हां माहणुआं च काम्म करी राईं सै जे परमेशरा रा हुक्म नीं मनदे।

इफिसियां 2:2 ပူးပေါင်းရင်းမြစ်များ

मत्ती 11:19

पर ताहली जे हऊँ यनि माहणुये रा पुत्र आया, सै जे आम लोकां साई खां-पीआं, पर लोक बोलां ये, ‘इस माहणुये जो देक्खा, ये पेटू कने पियक्कड़ आ; ये चुंगी लेणे औल़यां कने पापियां’ रा मित्र आ! पर माहणुये रे कम्मां ये सावित करना भई कुण बुद्धिमान आ।”

मत्ती 13:22

किछ लोक येढ़े तिन्हांरी बराबरी अहें झाड़ियां औल़िया धरतिया ने करी सक्कां ए, ये सै लोक ये तिन्हें जे परमेशरा रा सन्देश सुणया, सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

मत्ती 13:38

कने खेत संसारा रे लोक ये, खरे ब्यू परमेशरा रे राज्जा रे लोक ये, कने जंगली ब्यू शैतान्ना रे लोक ये।

मरकुस 4:19

सै बौहत सारी चिज़ां रा लालच करीने अमीर हुणे री इच्छा कराँ ये, इस खातर सै सिर्फ इन्हां चिज़ां री चिन्ता कराँ ये; इयां सै परमेशरा रे सन्देशा च अड़चन पाएं कने सै तिसरिया इच्छा पर नीं चली पान्दे।

लूका 16:8

“मालके तिस बेईमान भण्डारीये री तारीफ किति काँह्भई तिने चलाकिया ने काम्म कित्त्या। फेरी यीशुये गलाया, ये सच्ची गल्ल इ भई इस संसारा रे लोक सै जे परमेशरा जो नीं मनदे, सै संसारिक गल्लां च धर्मी लोकां ते जादा चलाक ये।

लूका 22:31

“प्यारे शमौन! देख, शैताने परमेशरा ते तुहां सारयां लोकां री परीक्षा लेणे री अनुमति मंग्गी, खरे जो बुरे ते लग करने री, काँह्भई इक करसाण कणका जो भूआ ते लग करां।

यूहन्ना 12:31

हुण इस संसारा रे लोकां रा न्याय करने रा वगत आईगरा, कने हुण परमेशरा इस संसारा पर राज करने औल़े शैतान्ना रिया शक्तिया जो खत्म करी देणा;

यूहन्ना 13:2

तंजे यीशु कने तिसरे चेले राति जो रोटी खाया राँ थे। शैताने पैहले तेई यीशुये जो धोखा देणे रे खातर शमौना रे पुत्र यहूदा इस्करियोति रे मना च पाईतरा था।

यूहन्ना 13:27

ताहलूं जे यहूदे सै रोटिया रा टुकड़ा लैया शैतान तिसच समाई गया। तां यीशुये तिस्सो बोल्या, “सै जे तू करना छोड़े कर।”

यूहन्ना 14:30

कने जादा हऊँ तुहांजो ये गल्लां नीं करी सकदा काँह्भई इस संसारा पर राज करने औणे औल़ा शैतान; माह पर तिसरा कोई अधिकार नींआ।

यूहन्ना 15:19

जे तुहें इस संसारा रे लोकां साई हुंदे, तां संसारा रे लोक तुहांजो अप्पूँ साई प्यार करदे, पर तुहें संसारा रे नींये पर मैं तुहांजो संसारा चते चुणील्या; इस खातर संसार तुहांजो बैर कराँ।

यूहन्ना 16:11

न्याय रे बारे च इस खातर काँह्भई तिस लोकां जो इसा सच्चाईया रे बारे च दसणा भई परमेशरा तियां जे इस संसारा पर राज करने औल़े शैतान्ना जो सजा देणी, तियां इ परमेशरा लोकां जो तिन्हांरे पापां रे खातर सजा देणी।

यूहन्ना 7:7

संसारा रे लोक तुहांजो बैर नीं करी सकदे, पर सै माहने बैर रक्खां काँह्भई हऊँ तिन्हांरे बरोधा च ये गवाही देआं भई तिन्हांरे काम्म बुरे।

यूहन्ना 8:23

तिने तिन्हाने गलाया, “तुहें थल्ले रे कने हऊँ स्वर्गा रा; तुहें इस संसारा रे, हऊँ इस संसारा निआं।

यूहन्ना 8:44

तुहें अपणे पिता शैतान्ना री सन्तान ये कने अपणे पिता रियां इच्छां जो पूरा करना चाँये। सै त शुरु ते खूनी आ कने तिने कदीं सच्चाईया रा पक्ष नीं लेआ, काँह्भई सच्च तिसच हाया इ निआं। झूट्ठ बोलणा त तिसरे स्वाभावा ची हाया; काँह्भई सै झूट्ठा कने सारयां झूट्ठां जो जन्म देणे औल़ा पिता।

प्रेरितां 19:35

तां नगरा रे मन्त्रियें लोकां जो शान्त करीने गलाया, “इफिसुस रे लोको, कुण नीं जाणदा भई इफिसियां रा नगर महान देबी अरतिमिस रे मन्दरा, कने जीयुस रिया तरफा ते खढ़ी रिया मूर्तिया रा पैहरेदार अम्बरा ते पैईरा।

प्रेरितां 5:3

पतरसे गलाया, “हे हनन्याह! सै जे शैताने तेरे मना च पवित्र आत्मा ने झूट्ठ बोलणे रा विचार पाया, कने तुहें अपणी बेच्ची रिया धरतिया रे पैसयां चते थोड़े जे रखी लो?

रोमियो 12:2

हुण होर अग्गे इस संसारा रिया रीता पर मता चलदे; पर परमेशर तुहांरे मना जो बदलने रे जरिये तुहांजो नया दिल देओ। ताकि तुहें परमेशरा रियां इच्छां जो जाणी सकगे, यानि सै जे भली, सै जे तिस्सो खुश कराँ इ कने सै जे उत्तम इ।

1 कुरिन्थियों 5:10

पर मेरा मतलब ये नीं था भई तुहें इस संसारा रे व्यभिचारियां, लालचियां, धोखेबाजां, मूर्तियां री पूजा करने औल़यां री संगती नीं करा; नैत तुहांजो त इस संसारा जोई छडणे पौन्दा।

1 कुरिन्थियों 6:11

कने तुहां चते किछ लोक येढ़े इ थे, पर तुहें प्रभु यीशुये रे नौआं ते कने अहांरे परमेशरा रे आत्मा रे जरिये पापां ते धोये गैईरे कने पवित्र कित्ते गये कने धर्मी घोषित कित्ते गये।

2 कुरिन्थियों 4:4

इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

गलातियां 1:4

अहांरे परमेशर कने पिता रिया इच्छा रे मुतावक मसीह यीशुये खुद अप्पूँजो अहांरे पापां रे खातर बलिदान करित्या ताकि सै अहांजो अजकला रे इस बुरे संसारा ते छडवाये।

इफिसियां 1:21

तिसा जगह सारे राजयां पर, अधिकाराँ पर, सामर्थां पर, प्रभुता, कने हरेक नौंवां रे ऊपर, सै जे न सिर्फ इस लोका च, पर औणे औल़े लोका च बी तिसरा इ नौं सब्बीं ते ऊपर मन्नया जाणा।

इफिसियां 2:11

इस खातर याद करा, भई तुहें लोक सै जे जन्मा ते अन्यजाति ये तिन्हौं यहूदी लोक नफरत करीने बगैर खतने औल़े बोलां ये, पर खतना माहणुआं रे जरिये शरीरा च कित्या जां।

इफिसियां 2:13

इक वगत था ताहली जे तुहें परमेशरा ते दूर थे, पर हुण मसीह यीशु च तिसरे खून्ना रे जरिये नेड़े लन्दे।

इफिसियां 2:3

इक बगत था ताहली जे अहें सब बी तिन्हां साई जीआं थे कने बासनां कने अपणे पापी स्वाभावा रियां इच्छां जो पूरा कराँ थे। अहें अपणे स्वभावा च दुज्जेयां लोकां साई थे इस खातर परमेशर अहांने गुस्सा था।

इफिसियां 4:17

इस खातर मिन्जो प्रभुये रे दित्ते गये अधिकारा ने हऊँ ये बोलां भई तुहें अविश्वासियां साई जिन्दगी नीं जीआ तिन्हांरी सोच जे बेकार इ।

इफिसियां 4:22

तुहांरे गुरुये तुहौं तुहांरे पुराणे स्वभावा जो छडणे खातर सखाया, तुहांरी बुरी भलाखें तुहांजो भटकाया कने तुहांरी जिन्दगी बरबाद करीती।

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

इफिसियां 5:8

ये हऊँ इस खातर बोल्ली कराँ भई इक बगत था ताहली जे तुहें अन्धकारा च थे, पर हुण तुहें प्रभुये च ज्योति ये; इस खातर ज्योतिया रे बच्चयां साई जीओ।

इफिसियां 6:12

काँह्भई अहांरी लड़ाई लहू कने मास्सा ने बणाईरे माहणुआं ने नीं, पर प्रधानां, अधिकारियां, कने इस संसारा रे अन्धकारा रे हाकिमां कने तिस दुष्टता री आत्मिक सेनां सौगी सै जे अम्बरा चियां।

कुलुस्सियां 1:21

पैहले तुहें परमेशरा ते लग थे कने तुहां रिये सोच्चे तुहांजो परमेशरा रा दुश्मण बणाया था, काँह्भई तुहें लगातार बुरा काम्म करदे रै।

2 तिमुथियुस 4:10

काँह्भई देमास मिन्जो छड्डिने थिस्सलुनीके नगरा जो जाई चुक्कीरा, काँह्भई सै इस संसारा रिया चीजां जो प्रेम कराँ। क्रेसकेंस बी गलातिया प्रदेशा जो कने तीतुस दलमतिया प्रदेशा जो चलीगरे।

याकूब 1:27

अहांरे परमेशर कने पिता रे सामणे सच्ची कने शुद्ध भगती सैई तिसच जे अनाथां कने विधवां री तिन्हांरे दुख तकलीफां च मदद करो, कने खुद अप्पूँजो कोई संसारिक कलंक नीं लगणे दित्या हो।

याकूब 1:7

येढ़ा माहणु ये नीं समझो, भई तिस्सो प्रभुये ते किछ मिलणा,

याकूब 4:4

विश्वासघाती लोको, क्या तुहांजो ये पता नींआ भई संसारा री दोस्ती तुहांजो परमेशरा रा दुश्मण बणां ईं? हऊँ भीं बोलां भई जे तुहांरा मकसद इस संसारा रा मजा लुटणा इ हाया, तां तुहें परमेशरा रे दोस्त नीं हुई सकदे।

1 पतरस 1:14

हुक्म मनणे औल़े बच्चयां साई रौआ कने अपणी बुरी इच्छां रे मुतावक बर्ताव मत करा, तियां जे तुहें पैहले कराँ थे ताहली जे तुहांजो परमेशरा री सच्चाई पता नीं थी।

1 पतरस 4:3

काँह्भई तुहें पैहले अन्यजातियां रे लोकां साई इन्हां बुरियां इच्छां जो पूरा करने च काफी वगत गवाई चुक्कीरे। तियां जे ऐस-प्रस्ती करना, काम्म-वासना च डुव्वीरे रैहणा, पियक्कड़पन, रंगरलियां मनाणा, शराब पीने मौज करनी कने तुहें मूर्तियां री पूजा बी कित्ती तिसते जे परमेशर नफरत कराँ।

2 पतरस 2:14

सै हरेक औरता सौगी व्यभिचार करना चाँएं तिसाजो जे सै देखां ये। सै लगातार पाप करने खातर मौका टोल़दे रैं। सै जे मसीह पर मजबूतिया ने विश्वास नीं करदे तिन्हांजो सै धोखा दें कने पाप करने जो बैहकाई लें। सै हकीकत च बौहत लालची बणीगरे इस खातर परमेशरे तिन्हांजो श्राप दित्तिरा।

1 यूहन्ना 3:10

इसते अहें जाणाँ ये भई कुण परमेशरा री सन्तान इ कने कुण शैतान्ना री सन्तान इ; सै माहणु जे धर्मा रे काम्म नीं करदा सै परमेशरा रा निआं, कने नांई सै अपणे साथी विश्वासिये ने कोई प्यार रखदा।

1 यूहन्ना 3:8

सै माहणु जे पाप कराँ, सै शैतान्ना रिया तरफा ते आ, काँह्भई शैतान शुरु तेई पाप करदा आया; इस खातर परमेशरा रा पुत्र प्रगट हुया, भई सै शैतान्ना रे कम्मां जो नाश करो।

1 यूहन्ना 4:4

मेरे प्यारे बच्चो, तुहें परमेशरा रे लोक ये, कने तुहें झूट्ठे भविष्यवक्तयां पर जीत पाईरी; काँह्भई सै पवित्र आत्मा जे तुहां चा, सै संसारा च रैहणे औल़े शैतान्ना ते महान आ।

1 यूहन्ना 5:19

अहें जाणाँ ये भई अहें परमेशरा रे बच्चे, कने सारा संसार तिस शैतान्ना रे बशा चा।

1 यूहन्ना 5:4

काँह्भई परमेशरा रा हरेक बच्चा संसारा पर जय पाई लेआं, कने सै विजय तिसते जे संसारा पर जीत मिलां इ, सै अहांरा विश्वास आ।

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।

प्रकाशितवाक्य 13:14

तिन्हां चमत्काराँ रिया वजह ते, तिन्हौं जे तिस पशुये रे सामणे दसणे रा अधिकार तिस्सो मिलीरा था, सै धरतिया पर रैहणे औल़यां जो इस तरिके ने धोखा देआं था। सै तिन्हांजो ये हुक्म देआं था भई तिस पशुये री मूर्ति बणावा, तिसरे शरीरा पर जे तलवारा रा घाव था कने सै जे फेरी भीं जिऊंदा हुईगरा था।

प्रकाशितवाक्य 13:8

कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।

प्रकाशितवाक्य 16:17

फेरी सतवें स्वर्गदूते जाईने अपणा कटोरा हवा च लटीत्या, कने मन्दरा रे संघासणा ते ये जोरा री अवाज़ आई, “सब किछ पूरा हुईग्या!”

प्रकाशितवाक्य 20:2

कने तिने तिस अजगरा, यनि पुराणे सर्पा जो, सै जे इबलिश या शैतान आ; पकड़ीने इक हज़ार साल्लां तक बन्हीत्या।